Wogaabaa 11:44 - Wolaytta Bible

⁴⁴ Taani, GODAI, intte Xoossaattennee. Taani geeshsha gidiyo gishshau, inttekka inttena dummayidi, geeshsha gidite. Sa7aara gooshettiyaabatun intte asatettaa tunissoppite.

Wogaabaa 11:44 Iomraidhean Croise

Mazamure Maxaafaa 99:5

GODAA nu Xoossaa xoqqu xoqqu oottite; a gedee yedhdhiyoosan gufannidi au goinnite. I geeshshattennee!

Mazamure Maxaafaa 99:9

GODAA nu Xoossaa, xoqqu xoqqu oottite; a geeshsha deriyaa bollan ayyo goinnite; aissi giikko, GODAI nu Xoossai geeshshattennee!

Kessaabaa 19:10

GODAI Muusa, “Neeni asaakko ba; baada hachchinne wontto neeni eta geeshsha. Eti bantta maayuwaa meeccona;

Kessaabaa 19:6

intte taayyo qeesetu kawotettanne geeshsha kawotetta gidana' yaaga; neeni Israa7eelatuyyo yootana qaalai hagaa” yaagiis.

Kessaabaa 20:2

“Nena Gibxxeppe ailletettaa biittaappe kessida GODAI ne Xoossai tanattennee.

Kessaabaa 22:30

Miizzaappekka dorssaappekka hegaadan ootta. Eti laappun gallassai gakkanaashin, bantta aayetuura aayetuura takkona; hosppuntta gallassi eta taayyo imma.

Kessaabaa 22:31

“Intte taayyo geeshsha asa gidanau koshshees; hegaa gishshau, bazzo do7ai mentterettidi worido mehiyaa ashuwaa mooppite; hegaa kanau olite.

Kessaabaa 23:25

GODAASSI, intte Xoossaassi, goinnite; yaatikko, i intte kattaanne intte haattaa anjjana; taani harggiyaa intte giddoppe diggana.

Kessaabaa 6:7

Taani inttena ta huuphe asadan ekkananne taani intte Xoossaa gidana. He wode intte taani GODAA intte Xoossaa inttena Gibxxetu ailletettaappe kessidaagaa gidiyoogaa erana.

Isiyaasa 43:3

Aissi giikko, taani nena Ashshiyaagaa Israa7eela Geeshshaa, GODAA ne Xoossaa. Taani Gibxxe neeyyo wozo oottada, Toophphiyaanne Saaba ne laamiyaa immana.

Isiyaasa 51:15

Aissi giikko, taani GODAA ne Xoossaattennee. Dambbalai waassanaadan, abbaa qaattais. Ta sunttai Ubbaappe Wolqqaama GODAA.

Wogaabaa 10:3

Hegaappe guyyiyan, Muusee Aaroona, “GODAI, 'Taani ta mati shiiqiyaageeta ta geeshshatettaa bessana. Qassi asa ubbaa sinttan taani bonchchettana' giidi haasayidoogee be7a hagaa” yaagiis. Yaagin Aarooni co77u giis.

Wogaabaa 11:43

Sa7aara gooshettiya mereta ubban intte huuphiyau tunoppite; qassi etan intte asatettaa tunissoppite.

Wogaabaa 18:2

“Israa7eela asaa hagaadan yaaga; 'Taani, GODAI, intte Xoossaa.

Wogaabaa 19:10

Ne woiniyaa aifiyaa mule maxada mittaa polloyoppa; sa7an wodhdhida woiniyaa aifiyaakka maxoppa; hegaa hiyyeesatussinne betetussi aggaaga. Taani, GODAI, intte Xoossaa.

Wogaabaa 19:2

“Israa7eela asau ubbau hagaadan yaagada yoota; 'Taani, GODAI, intte Xoossai geeshsha gidiyo gishshau, inttekka geeshsha gidite.

Wogaabaa 19:3

“'Intteppe issoinne attennan ba aawaanne ba aayyiyo bonchcho; ta Sambbatatakka bonchchite. Taani, GODAI, intte Xoossaa.

Wogaabaa 19:4

“'Tana aggidi eeqatuyyo goinnoppite; woi qassi birataappe seerissidi, xoossata intteyyo medhdhoppite. Taani, GODAI, intte Xoossaa.

Wogaabaa 20:26

Taani GODAI geeshsha gidiyo gishshaunne intte tabaa gidana mala inttena hara asaappe dummayido gishshau, inttekka taayyo geeshsha gidite.

Wogaabaa 20:7

“'Taani, GODAI, intte Xoossaa gidiyo gishshau, simmi intte inttena dummayite; qassi geeshsha gidite.

Wogaabaa 21:8

Qeesee intte Xoossaassi qumaa yarshshuwaa shiishshiyaagaa gidiyo gishshau, i hara asaappe dummato. Taani inttena geeshshiya intte GODAI geeshsha gidiyo gishshau, ikka geeshsha gido.

Amoxa 3:3

Naa77u asati maayettennan de7iiddi issippe hemettiyoonaa?

Qoodaabaa 15:40

He macaraa be7iyoogan intte ta azazota ubbaa hassayidi polananne intte intte Xoossaayyo geeshsha gidana.

Maatiyoosa 5:48

Hegaa gishshau, saluwan de7iya intte Aawai bali bainnaagaa gidiyoogaadan, inttekka bali bainnaageeta gidite.

Zaarettido Wogaa 14:2

Aissi giikko, intte GODAASSI, intte Xoossaassi, geeshsha asa; GODAI inttena ba asa gidanaadan, biittan de7iya asa ubbaappe dooridi wottiis.

Koiro Tasalonqqe 4:7

Aissi giikko, Xoossai nuna geeshshatettan de7anau xeesidoogaappe attin, tunatettan de7anau xeesibeenna.

Yaasu Maxaafaa 24:19

SHin Yaasu asaa hagaadan yaagiis; “Intte GODAAYYO goinnanau danddayekketa. Aissi giikko, i geeshsha Xoossaa; i qanaatiya Xoossaa; i intte naaquwaa woikko intte nagaraa atto geenna.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.

Ajjuutaa 22:11

Iitabaa oottiyaagee gujjidikka iitabaa ootto; tunai gujjidikka tuno. Lo77obaa oottiyaagee gujjidikka lo77obaa ootto; geeshshai gujjidikka geeshsha gido” yaagiis.

Sameela Maxaafaa Koiruwaa 2:2

GODAA mala geeshshi issoinne baawa; a mali issoinne baawa. Nu Xoossaappe attin, hara attiyo wogga Zaalli baawa.

Sameela Maxaafaa Koiruwaa 6:20

Hegaa gishshau, Beeti-SHemesha asai, “GODAA sinttan, ha geeshsha Xoossaa sinttan ooni eqqanau danddayii? Taabootainne nuuppe pude ookko baanee?” yaagiis.