Uruti Maxaafaa 4:4 - Wolaytta Bible

⁴ Hegaa gishshau, taani neeyyo, hagan uttida asaa sinttaaninne ta katamaa cimatu sinttan, 'SHamma' gaada yootanau qoppaas. Neeni wozanau koyikko woza; koyana xayikko, taani eranau taayyo oda. Aissi giikko, wozanau maatai de7iyoi neeppe hara asi baawa; neeppe kaallada taani de7ais” yaagiis. Yaagin i, “Taani wozana” yaagiis.

Uruti Maxaafaa 4:4 Iomraidhean Croise

Doomettaabaa 23:11

“Hegaadan gidenna; ta godau, ta yootiyoogaa siya; taani gadiyaakka a giddon de7iya gonggoluwaakka neeyyo immais; taani neeyyo a ta asaa sinttan immais; neeni ne keettaayee ahaa mooga” yaagiis.

Doomettaabaa 23:18

katamaa penggen shiiqida Hiitetu ubbaa sinttan higgiyan Abrahaama gade gidiis.

Ermmaasa 32:25

Abeet Ubbaa Haariya GODAU, katamai Baabiloonetuyyo imettanau hanishinkka, neeni tana, 'Markkata xeesada, miishshan ha gadiyaa shamma' yaagadasa” yaagada woossaas.

Roome 12:17

Ooninne intteyyo iitabaa oottikko, he urau iitabaa ootti zaaroppite; asa ubbau lo77obaa oottanau qoppite.

Naa77antto Qoronttoosa 8:21

Aissi giikko, nuuni Godaa sintta xalaalan lo77obaa oottanaagaa gidenna; shin asa sinttankka lo77obaa oottanaagaa qoppoos.

Zaarettido Wogaa 25:8

Magannin katamaa cimati a xeegidi oichchona; oichchin ha77ikka, 'Taani o aissikke' giidi ixxikko,

Piliphphisiyuusa 4:8

Wurssettan, ta ishatoo, intte wozanan lo77obaanne galatissiyaabaa qoppite; tuma gidiyaabaa ubbaa, bonchchissiyaabaa ubbaa, mooro gidennabaa ubbaa, geeshshabaa ubbaa, siiqobaa ubbaa, lo77o haasaya gidiyaabaa ubbaa qoppite.

Uruti Maxaafaa 2:20

Naa7ooma zaarada, “Haiqqidaageetuyyookka paxa de7iyaageetuyyookka ba kehatettaa aggibeenna GODAI anjjo” yaagaasu. Gujjadakka Naa7ooma o, “He bitanee nuussi mata dabbottennee; ubba nubaa wozanau gattiyoogeetuppekka issoi a” yaagaasu.

Uruti Maxaafaa 3:12

Taani mata dabbo gidiyoogee tuma; shin taappe mataa dariyaagee de7ees.

Uruti Maxaafaa 3:9

“Hannee, neeni oonee?” yaagidi oichchiis. Oichchin a, “Taani ne ashkkariyo Uruto; neeni ta keettaawaassi mata dabbo gidiyo gishshau, tana aissa” yaagaasu.