Uruti Maxaafaa 4:13 - Wolaytta Bible

¹³ Hegaadan oottidi, Boo7eezi Uruto aissiis; aissin ayyo machcho gidaasu. GODAI iyyo uluwan yeluwaa tilin, attuma na7aa yelaasu.

Uruti Maxaafaa 4:13 Iomraidhean Croise

Doomettaabaa 20:17

GODAI Abrahaama keettaayee Saari gaasuwan Abimeleka keettaa asa ubbaa qanttaa mainissi wottido gishshau, Abrahaami Xoossaa woossin, Abimeleki, a keettaayyiyaanne a macca ashkkarati na7a yelana mala Xoossai eta pattiis.

Doomettaabaa 25:21

Yisaaqi ba keettaayyiyaa maine gidido gishshau, iyyo GODAA woossiis; woossin GODAI a woosaa siyiis. Yaatin a keettaayyiyaa Ribiqa shahaaraasu.

Doomettaabaa 29:31

GODAI Liya siiqettabeennaagaa be7idi, iyyo yeliyo uluwaa dooyiis; shin Raaheela maine.

Doomettaabaa 30:2

Yaagin Yaaqoobi Raaheelo hanqqettidi, “Tana neeyyo yelo diggida Xoossaa gaadiiyye?” yaagiis.

Doomettaabaa 33:5

Yaatin Eesawi xoqqu gi xeellidi, maccaasatanne naata be7iis; be7idi i, “Ha nenaara de7iyaageeti oonee?” yaagidi oichchiis. Oichchin Yaaqoobi, “Eti Xoossai ne ashkkaraayyo kehatettan immido naata” yaagiis.

Mazamure Maxaafaa 113:9

Maine maccaasiyo naatu aayyiyo oottidi, ufaissidi i keettan o bonchchissees. GODAA galatite!

Mazamure Maxaafaa 127:3

Naati GODAAPPE imettiya imota; yeloti tumuppe woito.

Uruti Maxaafaa 3:11

Ha77i simmi ta na7ee, yayyoppa. Neeni oichchidobaa ubbaa neeyyo taani oottana. Aissi giikko, ta kataman de7iya asai ubbai neeni lo77obaa haniya maccaasa gidiyoogaa erees.

Uruti Maxaafaa 4:12

Ne keettai GODAI ha lo77o yelaga maccaaseeppe neeyyo immiyo zariyan, Ti7imaara Yihudaayyo yelido Paareesa keettaadan hano” yaagiis.

Sameela Maxaafaa Koiruwaa 1:27

Taani ha na7aa yelanau woossin, GODAI taani a woossidobaa immiis.

Sameela Maxaafaa Koiruwaa 2:5

Kalli uttidaageeti namisettidi, qumau keraa oottoosona; shin namisetti uttidaageeti ha77i kallidosona. Mainiyaa laappun naata yelaasu; shin cora naata yelidaara daafuraasu.