Uruti Maxaafaa 3:7 - Wolaytta Bible

⁷ Boo7eezi miidi uyidi ba bollaa pashkkissidoogaappe guyyiyan, kattaa uliyaa matan aadhdhidi zin77iis. Zin77in Uruta loddaara shiiqada, a tohuwaa qaarada, tohossan zin77a aggaasu.

Uruti Maxaafaa 3:7 Iomraidhean Croise

Doomettaabaa 43:34

Yooseefa maaddaappe etau qumaa gishiyo wode, Biniyaamayyo gakkidaagee haratuugaappe ichchashu kushe darees; yaatin eti ufaittiiddi aara miidosonanne uyidosona.

Sameela Maxaafaa Naa77anttuwaa 13:28

Abeseloomi ba ashkkarata, “Siyite! Aminooni woiniyaa eessaa uyidi kalliyo wodenne taani inttena, 'Aminoona shocite' yaagiyo wode, intte a worite. Yayyoppite! Inttena azazidai tana. Minnite! Xalite!” yaagidi azaziis.

Kawotu Maxaafaa Koiruwaa 21:7

A maccaasiyaa Elzzaabeela a, “Neeni Israa7eela bolli kawo gidaidda hagaadan hanai? Dendda; denddada ma! Wozanappe ufaitta! Iziraa7eeliyaa Naabute woiniyaa turaa sohuwaa taani neeyyo immana” yaagaasu.

Asttiri Maxaafaa 1:10

Gibirai doomettido laappuntta gallassi, Kawoi Arxxekssiisi woiniyaa eessaa alidi ufaittido wode, ba ashkkarata Mahumaana, Biztta, Harbboona, Biigita, Abaagita, Zetaaranne Karkkaasa geetettiya laappun mureessata xeegidi,

Eranchchaa Maxaafaa 10:19

Qumaa miyoogaaninne woiniyaa eessaa uyiyoogan ufaissai beettees; shin miishshi ubbabaa shammees.

Eranchchaa Maxaafaa 2:24

Hegaa gishshau, asassi go77a gidiyaabi aibee giikko, asi ba daafuridobaappe miidinne uyidi ufaittiyoogaa. He ufaissaikka qassi Xoossaa kushiyaappe imettidabaa gidiyoogaa taani akeekaas.

Eranchchaa Maxaafaa 8:15

Hegaa gishshau, asi ba de7on ufaittikko lo77o gaada qofaa immais; aissi giikko, asi miyoogaappe, uyiyoogaappenne bana ufaissiyoogaappe aadhdhida lo77obi ayyo saloppe garssa baggaara hara baawa. Xoossai au immido laittan i daafuridi demmidoban hegaadan oottikko, ufaittanau danddayees.

Eranchchaa Maxaafaa 9:7

Ba, ne qumaa ufaissan ma; ne woiniyaa eessaakka ne wozanai pashkkishin uya. Aissi giikko, Xoossai hegaa neeyyo kaseppekka bazzi wottiis.

Koiro Qoronttoosa 10:31

Simmi intte ai miikkonne, woi ai uyikkonne, woi intte ai oottikkonne, ubbabaa Xoossaa bonchchuwaassi oottite.

Efisoona 5:18

Qassi inttenan Geeshsha Ayyaanai kumoppe attin, inttena bashshiya woiniyaa giyo eessaa uyidi mattottoppite.

Daannatu Maxaafaa 16:25

Eti keehippe ufaittido gishshau, “Kaa7idi nuna ufaissana mala, Samssoona xeesite” yaagidosona. Yaagin Samssoona qasho keettaappe xeesidi ehin, i eta sinttan kaa7iis; kaa7idoogaappe guyyiyan, tuussatuppe gidduwan essidosona.

Daannatu Maxaafaa 19:22

Eti ufaittishin, katamaappe shufuro asati yiidi, keettaa yuushuwan dooddidi, penggiyaa qoxettaa doommidosona; eti he keettaa godaa, he cima bitaniyaa, “He ne soo gelida bitaniyaa haa kessa; nuuni aara zin77anau koyoos!” yaagidosona.

Daannatu Maxaafaa 19:6

Yaagin naa77u attuma asatikka uttidi, issippe miidosonanne uyidosona. Hegaappe guyyiyan na7ee aawai a, “Hayyanaa, hachchi ufaittaidda hagan aqa” yaagiis.

Daannatu Maxaafaa 19:9

Min bitanee ba laggettiyo ashkkareeranne ba ashkkaraara baanau kiyin, na7ee aawai hagaadan yaagiis; “Be7ite, sa7ai qammiichchiis! Ufaittiiddi hagan aqi aggite. Maallado guuraara denddidi, intte soo beeta” yaagiis.

Uruti Maxaafaa 3:6

Hegaassi Uruta duge audiyaa baada, i bollotiyaa iyyo odidobaa ubbaa hanaasu.

Uruti Maxaafaa 3:8

Hekka bilahe gidiyo wode, bitaniyaa issibai daganttin beegottidi, aadhdhi wodhdhiiddi, issi maccaasiyaa a tohossan zin77idaaro demmiis.