Uruti Maxaafaa 2:3 - Wolaytta Bible

³ Yaagin Uruta baada, kattaa cakkiya asaa geeduwaappe poshiluwaa doommaasu. Qaadadan a poshiluwaa qoriyo gadee Elimeleeka dabbuwaa Boo7eeza gade.

Uruti Maxaafaa 2:3 Iomraidhean Croise

Sameela Maxaafaa Naa77anttuwaa 1:6

Wodallai, “Qaadadan taani Gilbboo7a deriyan de7ishin, Saa7ooli ba tooraa guufetidi eqqidaagaa be7aas; paraa gaaretinne paraasati Saa7oolakko matattidosona.

Sameela Maxaafaa Naa77anttuwaa 20:1

Biniyaama zare gidiya Biikira na7ai SHebaa7a giyo issi shori bainna bitanee yan de7ees. He bitanee malkkataa punnidi, “Nuuni Daawitaara ekkiyo saami baawa! Isseya na7aara nuuni laattanabai baawa! Israa7eela asatoo, ubbaikka intte soo intte soo gelite!” yaagiis.

Kawotu Maxaafaa Naa77anttuwaa 8:5

Elssaa7i haiqqida na7aa waatidi pattidaakko, Gehaazi kawuwaayyo odishin, Elssaa7i na7aa pattido maccaasiyaa ba keettaanne ba gadiyaanne oichchanau yaasu. Yin Gehaazi, “Ta godau, kawuwau, maccaasiyaakka hanno; Elssaa7i haiquwaappe pattido i na7aikka hagaa” yaagiis.

Maatiyoosa 10:29

Naa77u siine kafoti bakkannan baizettokkonaayye? Intte Aawai gaana xayikko, he siine kafotuppe issinniyaakka sa7an wodhdhukku.

Luqaasa 10:31

Issi qeesee qaadadan he ogiyaara biiddi, he bitaniyaa be7iis; be7idi a yeggi bayidi, harasaara aadhdhiis.

Naa77antto Tasalonqqe 3:12

Nuuni hegeetu mala asati maara de7uwaa de7anaadaaninne banttana koshshiyaabaa oottidi demmanaadan, Godaa Yesuus Kiristtoosa sunttan eta azazoosinne zoroos.

Uruti Maxaafaa 2:2

Issi gallassi Moo7aabiyaa Uruta Naa7oomo, “Taayyo qarettiya asa kaallada poshiluwaa qoranau kattaa cakkiyoosaa booshsha?” yaagaasu. Yaagin a, “Ee ta na7ee, ba” yaagaasu.

Uruti Maxaafaa 2:4

He wodenkka Boo7eezi Beetaliheeme katamaappe gakki wodhdhiis; gakkidi kattaa cakkiya asaa, “GODAI intteyyo wolqqaa immo” yaagiis. Etikka zaaridi, “Nenakka GODAI anjjo” yaagidosona.