Uruti Maxaafaa 2:12 - Wolaytta Bible

¹² Neeni hanidoogaa kushiyaa GODAI neeyyo zaaro. Neeni a qefiyaa garssan attanau yiido GODAI, Israa7eela Xoossai neeyyo kumettabaa immo” yaagiis.

Uruti Maxaafaa 2:12 Iomraidhean Croise

Mazamure Maxaafaa 17:8

Ne aifiyaa na77iyaadan tana naaga; ne qefiyaa giddon tana qotta.

Mazamure Maxaafaa 19:11

Qassi tana ne ashkkaraa naagettanaadan zorees; ne higgiyaa naagiyoogan taani daro go7ettais.

Mazamure Maxaafaa 36:7

Abeet Xoossau, aggenna ne siiqoi aiba al77obee! Asai ne qefiyaa giddo baqati attees.

Mazamure Maxaafaa 57:1

Tana maara; abeet Xoossau, tana maara; taani neekko baqatais. Taani bashshai aadhdhana gakkanaassi, ne qefiyaa giddo baqatada attais.

Mazamure Maxaafaa 58:11

He wode asai, “Tumakka xillotussi woitoi de7ees; tumakka sa7aa bolli pirddiya Xoossi de7ees” yaagana.

Mazamure Maxaafaa 61:4

Taani ne dunkkaaniyan merinaayyo de7arkkinaa! Taani ne qefiyaa haphaa giddon saro attarkkinaa!

Mazamure Maxaafaa 63:7

aissi giikko, neeni tana maaddidaagaa. Taani ne qefiyaa kuwan uttada, ufaissau yexxais.

Mazamure Maxaafaa 91:4

I ba baalletun nena kammana; a qefetu garssi neeni baqatada qosetta attana. I ammanettiyaagaa; a tumatettai neeyyo gonddalle.

Leemiso Maxaafaa 11:18

Iita asi demmiyo miishshai cimo; shin xillotettaa zeriya uri tumu woituwaa cakkana.

Leemiso Maxaafaa 23:18

Yaanikko neeyyo sinttanau sa7i kehana; sinttappe yaana kehikka neeyyo xayenna.

Ermmaasa 31:16

GODAI hagaadan yaagees; “Yeekkiyoogaa aggidi, intte aifiyaa afuttaa quccite. Aissi giikko, intte oottido oosuwau woituwaa intte ekkana; morkkiyaa biittaappe intte naatikka simmana. Taani GODAI hagaa odais.

Maatiyoosa 23:37

“Yerusalaame katamaa asau, Yerusalaame katamaa asau, hananabaa yootiyaageeta intte woreeta; Xoossai inttekko kiittidoogeetakka shuchchan caddeeta; kuttiyaa ba marata ba qefiyan haphphiyoogaadan, taani intte asaa issi diri shiishshanau aapputoo koyidanaa! SHin tana diggideta.

Maatiyoosa 5:12

Intteyyo saluwan gita woitoi de7iyo gishshau, ufaittite; hashshu giite; aissi giikko, asai intteppe kase de7ida hananabaa yootiyaageetakka hegaadan waissiis.

Maatiyoosa 6:1

“Intte ammano oosuwaa asa bessanau asa sinttan oottenna mala naagettite; hegee xayikko, saluwan de7iya intte Aawai intteyyo woituwaa immenna.

Luqaasa 6:35

shin Xoossai bana galatennaageetussikka iitatussikka keha gidido gishshau, intte morkketa siiqite; etayyo lo77obaa oottite; qassi ainne guyye ekkanau qoppennan tal77ite; intte ekkana woitoi darana. Qassi intte Ubbaappe Bolla Xoossaa naata gidana.

Qolasiyaasa 2:18

Wordduwaa ashkke milatanaunne kiitanchchaayyo goinnanau koyiyaagee, be7ibeennaagaa ajjuutan be7aas giidi otorettiyaagee, asatetta qofan coo ayyiyaagee, ooninne intte bolli pirddoppo.

Naa77antto Ximootiyoosa 1:18

He gallassi Godaappe maarotettaa demmanaadan, Godai ayyo immo. Qassi Efisoona giyo kataman i tana ai keenaa maaddidaakkonne neeni loitta eraasa.

Naa77antto Ximootiyoosa 4:8

Sinttappe taayyo xillotettaa akiliilee giigi uttiis. Hegaa xillo pirddaa pirddiya Godai he gallassi taayyo sheedhdhana. Qassi Kiristtoosi qonccanaagaa dosiya ubbaassappe attin, ta xalaalaassa gidenna.

Ibraawe 11:26

Wodeppe demmana woituwaa i tishshi oottidi xeellido gishshau, Gibxxe biittaa miishsha ubbaappe Kiristtoosa gishshau borettiyoogee daro aadhdhiya duretetta gididoogaa qoppiis.

Ibraawe 11:6

Ammanoi bainnan ooninne Xoossaa ufaissanau danddayenna; aissi giikko, Xoossaakko yiya ooninne Xoossai de7iyoogaanne bana koyiyaageetuyyo woituwaa immiyoogaa ammananau koshshees.

Ibraawe 6:10

Aissi giikko, intte oottido oosuwaanne qassi ammaniyaageeta maaddidoogaaninne ha77ikka maaddiyoogan Xoossaa siiqido siiquwaa Xoossai doganau worddanchcha gidenna.

Uruti Maxaafaa 1:16

Uruta zaarada, “Taani neeppe shaahettanaadan woikko nena aggada guyye simmanaadan tana waayissoppa. Neeni biyoosaa awanne taani baana; neeni de7iyoosan awaaninne taani de7ana. Ne asai ta asaa gidana; ne Xoossai ta Xoossaa gidana.

Uruti Maxaafaa 2:11

Boo7eezi zaaridi, “Ne keettaawai haiqqoosappe doommin, neeni ne bolloteessi oottido kumettabaa ubbaa taani siyaas. Neeni ne aayyiyo, ne aawaanne ne yelettido biittaa aggada, hagaappe kase ne erenna asaara de7anau yiidoogaa taani geeshshada eraas.

Uruti Maxaafaa 2:13

Uruta, “Ta godau, neeni taayyo daro qarettadasa; taani ne ashkkaratuppe issinniyo gakkikke, shin taayyo kehabaa haasayada, tana minttettadasa” yaagaasu.

Uruti Maxaafaa 4:15

I neeyyo sa7aa kehissana; neeni cimiyo wodiyankka nena i heemmana. Aissi giikko, nena siiqiyaara, laappun attuma naatuppekka aadhdhada neeyyo kehiyaara, ne na7aa machchiyaa a yelaasu” yaagidosona.

Sameela Maxaafaa Koiruwaa 24:19

Asi ba morkke demmidi qohennan yeddiiyye? Neeni taayyo hachchi oottido kehatettaa gishshau, GODAI nena anjjo.

Sameela Maxaafaa Koiruwaa 24:20

Ha77ikka neeni Israa7eelau kawo gidanaagaanne Israa7eela kawotettai ne maataa garssan eqqanaagaa taani erais.