Uruti Maxaafaa 1:2 - Wolaytta Bible

² He bitaniyaa sunttai Elimeleeka; a maccaasee sunttai Naa7oomo; a naa77u naatu sunttai Mahiloonanne Keliwoonanne. Eti Yihudaa Beetaliheemen de7iya Efiraata yara. Hegeeti Moo7aaba biidi yan de7idosona.

Uruti Maxaafaa 1:2 Iomraidhean Croise

Doomettaabaa 35:19

Hegaappe guyyiyan, Raaheela haiqqa bayaasu; haiqqada Beetaliheeme giyo Efiraata efiya ogiyaa doonan moogettaasu.

Mikiyaasa 5:2

GODAI hagaadan yaagees; “Nenoo Efiraataa, Beetaliheeme katamau, neeni Yihudaa katamatu giddon guutta; shin au denddoi beniisappe doommidi, merinaappe gididoogee, Israa7eela asaa haariyaagee taayyo neeppe kiyana” yaagees.

Daannatu Maxaafaa 17:7

He wode Yihudaa biittan Beetaliheeme kataman issi wodallai de7ees; i Leewa zare.

Daannatu Maxaafaa 3:30

He gallassi Moo7aaba asai Israa7eela asaassi haarettiis; yaatin biittai hosppun tammu laittaa woppaa demmiis.

Uruti Maxaafaa 1:3

De7ishin Naa7oomi azinai Elimeleeki haiqqiis. Haiqqin a ba naa77u naatuura attaasu.

Uruti Maxaafaa 1:5

Mahilooninne Keliwooninne naa77aikka haiqqidosona. Naa7ooma ba keettaawaikka ba naa77u naatikka haiqqiichchin barkka attaasu.

Uruti Maxaafaa 2:1

Naa7oomiyyo i azinaa Elimeleeka baggaara dabbotiya, Boo7eeza giyo issi erettida dure bitanee de7ees.

Uruti Maxaafaa 4:9

Yaatin, Boo7eezi cimatanne asaa ubbaa, “Taani Elimeleekayyoonne Keliwoonayyoonne Mahiloonayyo de7iyaabaa ubbaa Naa7oomippe shammidoogau hachchi intte markka.

Sameela Maxaafaa Koiruwaa 1:1

Efireema gezziyan, Raama giyo kataman de7iya, Efireema zarenne Xufa yara gidiya, Elqqaana giyo issi bitanee de7ees; i Yirohaama na7aa; Yirohaami Eelihu na7aa; Eelihu Toohu na7aa; Toohu Xufa na7aa.

Sameela Maxaafaa Koiruwaa 17:12

Daawiti Yihudaa biittan Beetaliheemen de7iya Efiraataa Isseya na7aa. Isseyayyo hosppun attuma naati de7oosona; Saa7ooli kawo gididi de7iyo wode, Isseyi keehippe cimidanne daro de7ida asa.

Sameela Maxaafaa Koiruwaa 17:21

Israa7eela asatinne Pilisxxeema asati issoi issuwaakko xeellidi salppidosona.