Uruti Maxaafaa 1:14 - Wolaytta Bible

¹⁴ Hegan eti bantta qaalaa xoqqu oottidi, haranttuwaakka yeekkidosona. Yaanin Orppa ba bollotiyo yera ekkada, simma aggaasu. SHin Uruta o baqqa oiqqada ixxaasu.

Uruti Maxaafaa 1:14 Iomraidhean Croise

Doomettaabaa 31:28

Neeni harai atto, ta naatu naatanne ta macca naata taani yera ekkenna mala diggadasa. Neeni eeyyabaa oottadasa.

Doomettaabaa 31:55

Wonttetta gallassi guuran Laabaani denddidi, ba naatu naatanne ba macca naata yeriis; qassi eta anjjiis. Anjjidi, ba soo simmiis.

Sameela Maxaafaa Naa77anttuwaa 19:39

Hegaappe guyyiyan, asai ubbai Yorddaanoosa SHaafaa pinniis; kawoikka pinniis. Pinnidi Barzzillaaya yeridi anjjiis; yaatin, Barzzillaayi ba soo simmiis.

Kawotu Maxaafaa Koiruwaa 19:20

Elssaa7i boorata yeggi aggi, Eelaasa geeduwaa woxxidi, “Taani ta aawaanne ta aayyiyo saruwan gaada, yera ekkada, hegaappe simmada, nena kaallana” yaagiis. Yaagin Eelaasi Elssaa7a, “Ba. Taani neeyyo ai oottidanaa?” yaagiis.

Leemiso Maxaafaa 17:17

Laggee mule wodekka siiqees; ishaikka metuwaa wode maaddanaassi yelettees.

Leemiso Maxaafaa 18:24

Daro laggee de7iyo asi xayana; shin ishappe aadhdhidi ammanttiya laggee de7ees.

Isiyaasa 14:1

GODAI Israa7eela asau qarettana; Israa7eelakka zaarettidi doorana. Eta eta buzo biittan wottana; betetikka etaara gaittidi, Israa7eela asaara issippe de7ana.

Zakkaariyaasa 8:23

“Ubbaappe Wolqqaama GODAI hagaadan yaagees; 'He gallassatun dumma dumma qaalan haasayiya kawotettatu ubbaappe tammu asati yiidi, issi Aihuda bitaniyaa maayuwaa macaraa oiqqidi, “Xoossai inttenaara de7iyoogaa nuuni siyido gishshau, ane nuunikka nenaara boos” yaagana' yaagees” yaagiiddi yiis.

Maatiyoosa 10:37

“Ba aawaa woi ba aayyiyo taappe aattidi siiqiyaagee tabaa gidanau bessenna; ba attuma na7a woi ba macca na7iyo taappe aattidi siiqiyaagee tabaa gidanau bessenna.

Maatiyoosa 16:24

Hegaappe guyyiyan, Yesuusi ba erissiyo ashkkarata hagaadan yaagiis; “Tana kaallanau koyiya urai de7ikko, bana yeggi bayo; yaatidi ba masqqaliyaa tookkidi, tana kaallo.

Maatiyoosa 19:22

SHin he yelaga bitanee hegaa siyido wode, i daro dure gidiyo gishshau, qarettiiddi aggi bayidi biis.

Yesuusi Kiittidoogeetu Oosuwaa 17:34

SHin issi issi attumaasati PHauloosaara gaittidi ammanidosona; eta gidduwan Ariyosppaagoosan de7iya pirdda keettaa daannai Diyoonaasiyoosi, Damaariiso giyo issi maccaasiyaanne harati de7oosona.

Zaarettido Wogaa 10:20

GODAAYYO, intte Xoossaayyo, yayyite; ayyo oottite; aara ohettite; a sunttankka caaqqite.

Zaarettido Wogaa 4:4

SHin intte GODAASSI, intte Xoossaassi, ammanettido gishshau, hachchi gakkanaashin ubbaikka de7uwan de7eeta.

Naa77antto Ximootiyoosa 4:10

Aissi giikko, Deemaasi ha wodiyaa sa7aa dosidi, tana aggidi, Tasalonqqe giyo katamaa biis. Qerqqiisi Galaatiyaa giyo biittaa bin, qassi Tiitu Dilmmaaxiyaa giyo biittaa biis.

Ibraawe 10:39

Nuuni ammanidi attidaageetu bagga gidiyoogaappe attin, guyye simmidi xayidaageetu bagga gidokko.

Uruti Maxaafaa 1:13

hegeeti dicci gakkanaashin naaguuteetii? Eta gishshau giiddi, azina gelennan atti agguuteetiiyye? Ta naatoo, hegee hanennabaa gidiyoogaa intte ereeta. GODAI tana tuggayido gishshau, inttena gakkidabai tana keehi michchees” yaagaasu.

Uruti Maxaafaa 1:15

Naa7ooma o, “Be7a, ne keettaawaa ishaa machchiyaa ba asaakkonne ba xoossatukkonne simmaasu. Neenikka iira simmada ba” yaagaasu.

Uruti Maxaafaa 1:7

ba naatu maccaasatu naa77aara issippe ba de7iyoosaappe kiyaasu. Kiyin eti guyye Yihudaa biitti efiya ogiyan gelidosona.

Uruti Maxaafaa 2:11

Boo7eezi zaaridi, “Ne keettaawai haiqqoosappe doommin, neeni ne bolloteessi oottido kumettabaa ubbaa taani siyaas. Neeni ne aayyiyo, ne aawaanne ne yelettido biittaa aggada, hagaappe kase ne erenna asaara de7anau yiidoogaa taani geeshshada eraas.