Uruti Maxaafaa 1:1 - Wolaytta Bible

¹ Israa7eela biittaa daannati haariyo wode, he biittan koshai denddiis. Denddin issi bitanee ba machcheeranne ba naa77u naatuuranne Yihudaa biittan Beetaliheeme katamaappe denddidi, Moo7aaba biitti betiis.

Uruti Maxaafaa 1:1 Iomraidhean Croise

Doomettaabaa 12:10

He wode he biittai koshatiis; koshai suullido gishshau, Abraami amarida wodiyaa de7anau duge Gibxxe wodhdhiis.

Doomettaabaa 26:1

He biittan kase Abrahaama wodiyan de7iya koshaa bolli hara koshai denddiis; yaatin Yisaaqi Pilisxxeema kawuwaa Abimelekakko Garaari biis.

Doomettaabaa 43:1

Ha77inne koshai Kanaane biittan wolqqaamiis.

Sameela Maxaafaa Naa77anttuwaa 21:1

Daawiti kawotido wode, heezzu laitta kumettaa biittai koshatiis. Hegaa gishshau, Daawiti GODAA oichchiis; oichchin GODAI a, “Hegee hanidoogee Saa7oola asai gussido suuttaa gishshaassa; aissi giikko, i Gabaa7oona asata woriis” yaagiis.

Kawotu Maxaafaa Koiruwaa 18:2

Yaagin Eelaasi Akaabayyo beettanau denddidi biis. He wode Samaariyan wolqqaama koshai de7ees.

Hanidabaa Odiya Koiro Maxaafaa 2:51

Beetaliheema aawaa Salmmoonanne Beeti-Gadeera aawaa Hareefa.

Hanidabaa Odiya Koiro Maxaafaa 2:54

Beetaliheema aawaa Salmmoona yarati Naxoofata, Axirooti-Beetayoo7aabata, Manuhoota yaratuppe attiya baggatanne Xor77ata.

Mazamure Maxaafaa 105:16

GODAI Kanaane biittan koshaa yeddidi, eta kattaa ubbaa xaissiis.

Ermmaasa 14:1

Koshaabaa GODAI Ermmaasassi yootido qaalai hagaa;

Hizqqeela 14:13

“Laa asa na7au, issi biittaa asai nagaraa oottidi, taayyo ammanettennan ixxikko, taani ta kushiyaa yeddada, etau qumaa xaissada, koshaa ehaana; he biittaa asaanne mehiyaa worana.

Hizqqeela 14:21

Ubbaa Haariya GODAI hagaadan yaagees; “Taani asaanne mehiyaa woranau Yerusalaame bolli ta oiddu hanttaara pirddata, bisuwaa, koshaa, bazzo do7aanne boshaa yeddiyo wode, i ai keena aaro iitabaa gidanddeeshsha!

Wogaabaa 26:19

Intte wolqqaa otoruwaa taani menttana; saluwaa birata mala oottana; intte biittaakka nahaasiyaa giyo birataa mala oottana.

Amoxa 4:6

Qassikka GODAI hagaadan yaagees; “Intte katama ubban taani koshaa yeddada, harai atto intte achchan daxiyoobaakka xaissaas; shin intte hegankka taakko simmibeekketa.

Mikiyaasa 5:2

GODAI hagaadan yaagees; “Nenoo Efiraataa, Beetaliheeme katamau, neeni Yihudaa katamatu giddon guutta; shin au denddoi beniisappe doommidi, merinaappe gididoogee, Israa7eela asaa haariyaagee taayyo neeppe kiyana” yaagees.

Zaarettido Wogaa 28:38

“Neeni daro kattaa ne shooqan zerana; shin boolee mirggin, guutta kattaa shiishshana.

Daannatu Maxaafaa 12:8

Yofttaaheppe kaallidi, Beetaliheemee Ibxxaani Israa7eela asaa bolli pirddiya daanna gidiis.

Daannatu Maxaafaa 17:7

He wode Yihudaa biittan Beetaliheeme kataman issi wodallai de7ees; i Leewa zare.

Daannatu Maxaafaa 17:8

Ha bitanee baayyo de7iyo soho koyanau Beetaliheeme katamaappe denddidi biis; biidi Efireema gezziyan de7iya Miika soo gakkiis.