Sofonaasa 3:2 - Wolaytta Bible

² I oossinne azazettenna; seerin simmenna; GODAN ammanettenna; ba Xoossaakkokka shiiqenna.

Sofonaasa 3:2 Iomraidhean Croise

Nahimiyaa Maxaafaa 9:26

“Gidikkokka, ne asati azazettennan ixxidi, ne bollan makkalidosona; ne higgiyaayyookka zokkuwaa zaaridosona. Neekko eti simmanaadan etayyo minttidi yootida hananabaa yootiyaageeta woridosona. Keehi gita cashshaa nena cayidosona.

Mazamure Maxaafaa 10:4

Iitai ba otoruwan Xoossaa koyenna; ba qofa ubbankka Xoossaa ainne wudenna.

Mazamure Maxaafaa 50:17

Neeni ta timirttiyaa ixxoohoo; ta qaalaakka haitta bollaara aattoohoo.

Mazamure Maxaafaa 73:28

SHin taassa gidikko, taani Xoossaa matan de7iyoogee taayyo lo77o. Taani Ubbaa Haariya GODAA taayyo baqata attiyo soho oottaas. Hegaa gishshau, a oosuwaa ubbaa taani yootana.

Mazamure Maxaafaa 78:22

Aissi giikko, eti Xoossan ammanibookkona; woi i ashshiyoogan ammanettibookkona.

Leemiso Maxaafaa 1:7

Aadhdhida eratettaassi doomettai GODAASSI yayyiyoogaa; shin eeyyati aadhdhida eratettaanne seeraa karoosona.

Leemiso Maxaafaa 5:12

Qassi hagaadan yaagana; “Taani timirttiyaa aissi ixxidanaashsha! Ta wozanaikka seeraa aissi karideeshsha!

Isiyaasa 1:5

Intte aissi makkalaa bolli makkalaa gujji gujji beetii? Aissi qassikka shocettuuteetii? Intte kumetta huuphee sakettiis; intte kumetta wozanaikka daafuriis.

Isiyaasa 29:13

Yaatin, Godai hagaadan yaagana; “Hagee asai ba bolla doonan taakko shiiqees; ba inxxarssan tana bonchchees; shin eta wozanai taappe haahuwan de7ees. Eti asi medhdhido wogaa tamaariiddi, taassi hadan goinnoosona.

Isiyaasa 31:1

Maaduwaa koyanau duge Gibxxe wodhdhiyaageetussinne paran ammanettiyaageetussi aayye7ana! Cora gidiyo gishshau paraa gaaretun, daroppe mino gidiyo gishshau paraasatun ammanettiyaageetussi aayye7ana! Eti Israa7eela Geeshshaakko xeellokkona; woikko GODAAPPE maaduwaa koyokkona.

Isiyaasa 43:22

“SHin nenoo Yaaqoobaa, neeni ta sunttaa xeesabaakka; nenoo Israa7eelaa, neenikka tana salettadasa.

Isiyaasa 9:12

Awai mokkiyo baggaappe Sooriyaa biittaa asatinne awai wulliyo baggaappe Pilisxxeema biittaa asati bantta doonaa hanggidi, Israa7eela miidosona. He ubbankka GODAA hanqqoi simmibeenna; a kusheekka biron denddidosan de7ees.

Ermmaasa 2:30

Taani inttena coo mela qaxxayaas; qaxxayinkka intte baayibeekketa. Namisettida gaammuwaadan, intte bisoi intte hananabaa yootiyaageeta mirggiis” yaagees.

Ermmaasa 22:21

Neeni saro de7ishin, taani neessi yootaas; shin neeni, 'Taani siyikke' yaagadasa. Ne yelagatettaasappe doommidikka ne hanoi hagaa; neeni taayyo azazettennan ixxadasa.

Ermmaasa 32:33

Eti bantta som77uwaa aggidi, bantta zokkuwaa taayyo zaaridosona. Taani eta zaara zaarada tamaarissikkokka, eti siyibookkonanne seeraakka ekkibookkona.

Ermmaasa 35:13

Ubbaappe Wolqqaama GODAI, Israa7eela Xoossai hagaadan yaagees; “Ba; baada Yihudaa asaanne Yerusalaame asaa hagaadan yaaga; 'Ta qaalaa siyiyoogaanne taani tamaarissidoogau azazettiyoogaa aissi ixxidetii? Taani GODAI hagaa odais.

Ermmaasa 35:17

Hegaa gishshau, GODAI, Ubbaappe Wolqqaama Xoossai, Israa7eela Xoossai hagaadan yaagees; “Siyite, taani Yihudaa asaa bollinne Yerusalaamen de7iyaageetu bolli ehaana giido iitabaa ehaana. Aissi giikko, taani etassi odaas; odin eti siyennan ixxidosona. Taani eta xeesaas; xeesin eti koyennan ixxidosona” yaagees.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Hizqqeela 22:24

“Laa asa na7au, eta biittai tunido gishshau, ta hanqquwan irai bukkennaadan diggada, taani Israa7eela asaa qaxxayanau haniyoogaa etau yoota.

Hizqqeela 24:13

Bii Yerusalaamee, hegee shiyai ne shaaramuxatettaa leemiso. Taani nena geeshshanau daafurinkka, neeni ne tunatettaappe geeyennan ixxido gishshau, ne bollan ta hanqqoi wurana gakkanaashin, neeni naa77antto geeyakka.

Sofonaasa 1:6

GODAA kaalliyoogaa aggidi guyye simmidaageeta, GODAA koyibeennaageetanne oichchibeennaageetakka taani xaissana” yaagees.

Naa77antto Ximootiyoosa 3:16

Xoossaa maxaafa ubban Xoossaa Ayyaanai de7ees. Qassi he maxaafati Xoossau oottiya asi kumettanne lo77o ooso ubbau giigidaagaa gidana mala, tumatettaa tamaarissanau, balaa seeranau, mooruwaa suurissanaunne xillotetta de7uwau zoriyaa immanau maaddoosona.

Ibraawe 10:22

nuuni suure wozanaara, tumu ammanuwaara, iitabaa zoriya wozanaappe geeyida wozanaaranne qassi xillo haattan meecettida bollaara Xoossaakko shiiqoos.