Sofonaasa 3:13 - Wolaytta Bible

¹³ Israa7eela asaappe attidaageeti iitabaa oottokkona; wordduwaa haasayokkona; eta inxxarssankka cimoi beettenna. Hegaa gishshau, eti heemettananne allaxxana; eta yashissiyaabikka de7enna” yaagees.

Sofonaasa 3:13 Iomraidhean Croise

Hanidabaa Odiya Naa77antto Maxaafaa 20:30

Yaatidi Xoossai Yoosaafixayyo ubba baggaara shemppuwaa immido gishshau, a kawotettai sarotettaa demmiis.

Iyyooba Maxaafaa 11:19

Neeni xiskkiyo wode, nena yashissana uri baawa; daroti nena auddashana.

Mazamure Maxaafaa 119:3

Eti mulekka balabaa oottokkona; GODAA ogiyan hemettoosona.

Mazamure Maxaafaa 120:2

Abeet GODAU, worddotiya doonatuppenne cimmiya inxxarssatuppe tana ashsha.

Mazamure Maxaafaa 120:3

Inttenoo worddanchchatoo, GODAI inttena waatanddeeshsha? Simmi harabaa ai gujjanddeeshsha?

Mazamure Maxaafaa 23:2

Tana aaca qooruwan allaxxissees; woppu giida haattaakko laaggees.

Isiyaasa 17:2

Sooriyaa biittaa katamati asi de7enna bazzo gidana; hegan mehiyaa wudee allaxxana; eta yashissiyaabikka de7enna.

Isiyaasa 35:8

Yan aaho ogee de7ana; ikka Geeshshatettaa Ogiyaa geetettana. Geeshsha gidennaageeti he ogiyaara kanttokkona. SHin i geeshshatussa gidana; iita eeyyati an simerettokkona.

Isiyaasa 54:14

Neeni xillotettan minnada eqqana; sugettainne huqqunnai neeppe haakkana. Neeni aibaassikka yayyakka; dagamaikka neekko shiiqenna.

Isiyaasa 6:13

Tammu asaappe issi asi biittaa bolli attikko, ikka xayana; qanxxirggin attida wolaa durumaa mala gidana; he durumai geeshsha zeretta gidana” yaagiis.

Isiyaasa 60:21

Ne asai ubbai xillo gidana; eti biittiyookka merinau laattana. Eti taani ta bonchchuwaa qonccissanau tokkido puuteta; eti ta kushe oosota.

Isiyaasa 63:8

GODAI odiiddi, “Eti tumu ta asatanne ta naata gidiyo gishshau, tana cimmanau koyokkona” yaagiis. Hegaa gishshau, i eta Ashshiyaagaa gidiis.

Isiyaasa 65:10

Tana koyida ta asaayyo Saaroona giyo dembbai dorssaa wudiyaa heemmiyo soho gidana; qassi Akoora Wombbai miizzaa wudiyaa allaxxissiyo soho gidana.

Ermmaasa 23:4

Taani eta loitti heemmiya henttanchchata etau wottana. Eti naa77antto yayyokkonanne dagammokkona; etappe issoinne bayenna. Taani GODAI hagaa odaas” yaagees.

Ermmaasa 30:10

“Hegaa gishshau, ta ashkkaratoo, Yaaqooba zaretoo, yayyoppite! Inttenoo, Israa7eelatoo, dagammoppite! Intte haahosan de7ishin, taani inttena ashshana; intte zaretakka eti omoodettido biittaappe yedissana. Yaaqooba zareti simmidi, aibakko bochchennan saro de7ana; eta ai asinne yashissenna. Taani GODAI hagaa odais.

Ermmaasa 31:33

SHin taani GODAI he gallassatuppe guyyiyan Israa7eela asaara maacettana maachchai hagaa: taani ta higgiyaa eta giddon wottana; qassi eta wozanankka xaafana. Taani eta Xoossaa gidana; qassi etikka ta asa gidana.

Hizqqeela 39:26

Eti eta yashshiyaabi issoinne bainnasan, bantta biittan saro deettaa doommiyo wode, kase bantta yeellaanne taayyo eti ammanettennan ixxidoogaa dogana.

Yuu7eela 3:17

Taani ta geeshsha deriyan Xiyoonen de7iya GODAA intte Xoossaa gidiyoogaa intte he wode erana. Yerusalaame katamai geeshsha gidana; qassi allagati naa77antto Yerusalaame woraajjokkona.

Yuu7eela 3:21

Taani haluwaa kessennan aggido eta suuttaa haluwaa biron kessana; aissi giikko, GODAI Xiyoonen de7ees” yaagees.

Wogaabaa 26:6

“Taani biittau sarotettaa immana; ooninne yashissennan intte xiskkana. Iita do7ata taani biittaappe xaissana; intte biittan naa77antto olai denddenna.

Mikiyaasa 4:4

SHin asi ubbi ba woiniyaa turaa kuwaaninne balasiyaa kuwan woppu giidi uttana; ai asinne eta yashissenna. Aissi giikko, Ubbaappe Wolqqaama GODAI hagaa haasayiis.

Mikiyaasa 4:7

Taani wobbeta wuriiddi attida atetta oottana; qassi omooduwan haaho sohuwaa biidaageetakka mino kawotetta kessana. He wodiyaappe doommada merinaa gakkanaashin, taani GODAI Xiyoone Deriyan eta bolli kawotana” yaagees.

Mikiyaasa 7:14

Neeni ne asaa, aradda biittai yuushuwan de7iyo bazzuwan barkka de7iya ne buzo dorssaa wudiyaa ne gatiman heemma. Eti kaseegaadankka Baasaaneeninne Gala7aaden heemettona.

Sofonaasa 2:7

Abbaa doonai Yihudaa asaappe attidaageetau laata gidana; hegan eti heemettana. Sa7ai qammiyo wode eti Asqqaloona kataman de7iya keettatun aqana; aissi giikko, GODAI eta Xoossai etabaa qoppana; i eta zaaridi ishalissana.

Sofonaasa 3:5

SHin a giddon de7iya GODAI xillo; i balabaa oottenna; wonttin wonttinkka i ba xillo pirddaa pirddees; ai wonttankka aggi erenna. Gidikkonne, yan de7iya makkalanchchai ainne yeella erenna.

Zakkaariyaasa 8:12

“Eti bantta zerettaa saruwan zerana; eta woiniyaa turaikka ba aifiyaa aifana; biittaikka kattaa darissidi mokkana; salotikka iraa bukkana. Ha asaappe attidaageetussi taani ha ubba anjjuwaa immana.

Zakkaariyaasa 8:16

Intte oottanau koshshiyaabati hageeta: issoi issuwaara tumaa haasayite; intte pirdda keettankka tumaanne saruwaa ehiya pirddaa pirddite;

Zakkaariyaasa 8:3

GODAI hagaadan yaagees; 'Taani Xiyoone simmana; simmada Yerusalaame giddon de7ana. Qassi Yerusalaameekka Ammanettiya Katama geetettana; Ubbaappe Wolqqaama GODAA deree qassi Geeshsha Dere geetettidi xeesettana' yaagees.

Maatiyoosa 13:41

Taani, Asa Na7ai, ta kiitanchchata kiittana; eti ta kawotettaa giddon xube gidiya ubbaanne iitabaa oottiyaageeta shiishshana.

Yohaannisa 1:47

Naatinaa7eeli baakko yiyaagaa Yesuusi be7idi, “Genee bainna tumu Israa7eela asi hagaa!” yaagiis.

Qolasiyaasa 3:9

Issoi issuwau worddotoppite; aissi giikko, ceega meretaa a oosuwaara intteppe xaissirggidi,

Koiro PHeexiroosa 3:14

SHin harai atto, xillotettaa gishshau intte waayettikkokka, anjjettidaageeta. Asau yayyoppitenne hirggoppite.

Koiro Yohaannisa 5:18

Xoossaa na7i ooninne nagara ubba wode oottennaagaa nuuni eroos. Aissi giikko, Xoossaa na7ai a naagees; qassi xalahee halaqaikka a qohanau danddayenna.

Ajjuutaa 14:5

Eti mulekka worddoti erokkona; etan mooroi baawa.

Ajjuutaa 21:27

SHin tunabai woi kaushshabaa oottiyaagee, woi worddotiyaagee ooninne he katamiyo gelenna. Qassi Dorssaa de7o maxaafan sunttai xaafettidoogeetu xalaalai he katamiyo gelana.

Ajjuutaa 21:8

SHin yayyiyaageeti, ammanennaageeti, tunati, shemppo woriyaageeti, shaaramuxiyaageeti, bitiyaageeti, eeqassi goinniyaageetinne worddotiyaageeti ubbai de7iyo sohoi tamainne dinnee eexxiyo abbaa gidana. Hegee naa77antto haiqo” yaagiis.