Sofonaasa 3:1 - Wolaytta Bible

¹ Makkalanchchaassi, tunidaagaassinne ba asaa tuggayida Yerusalaame katamaassi aayye7ana!

Sofonaasa 3:1 Iomraidhean Croise

Isiyaasa 30:12

Yaatin, Israa7eela Geeshshai hagaadan yaagees; “Intte ha qaalaa ixxidi, asa naaqqiyoogan ammanettido gishshaunne cimmiyoogan ceeqettido gishshau,

Isiyaasa 5:7

Ubbaappe Wolqqaama GODAA woiniyaa turaa sohoi Israa7eela asaa. Yihudaa asai i ufaittiyo darkkuwaa. Eti suure pirddoosona giidi naagiis; shin suuttaa gussidosona. Xillotettaa oottoosona giidi naagiis; shin waaso gidiis.

Isiyaasa 59:13

Nuuni makkalidi, GODAA kaddida; nu Xoossaa kaalliyoogaa aggidi, guyye simmida; sugettaanne geniyaa haasayida. Qassi nuuni shahaarido worddo qaalaa nu wozanaappe yelida.

Isiyaasa 59:6

Eti keexxido shararoote keettai maayanau eta go77enna. Eti bantta medhdhidoogan banttana kammokkona. Eta oosoi iita ooso; makkala oosoi eta kushiyan de7ees.

Ermmaasa 22:17

SHin harabaa aggidi, ne aifeenne ne wozanai jaamiyoogee ne go77aa demmanaassanne xillo suuttaa gussanaassa, asa suganaassanne huqqunnanaassa.

Ermmaasa 5:23

SHin ha asatuyyo muumenne makkala wozanai de7ees. Eti issi baggi simmidi, wora biidosona.

Ermmaasa 6:6

Ubbaappe Wolqqaama GODAI hagaadan yaagees; “Mittata qanxxite. Yerusalaame gimbbiyaa lanqqen biittaa dooridi diddiqite. He kataman naaqoi kumido gishshau, i qaxxayettanau bessees.

Ermmaasa 6:7

Ollai ba haattaa pulttiyoogaadan, ikka ba iitatettaa pulttees. Makkalabainne bashshabai a giddon siyettees. Muletoo a sahoinne masunttai ta sinttan beettees.

Hizqqeela 22:29

He biittaa asati bonqqoosona; hiyyeesatanne metootanchchata huqqunnoosona; eti betetakka yashissidi, miishshaa ekkidi, likke pirddaa diggoosona.

Hizqqeela 22:7

Ne giddon de7iyaageeti bantta aawaanne bantta aayyiyo bonchchokkona; eti betetakka huqqunnidosona; am77etanne aawu aaya bainna naata naaqqoosona.

Hizqqeela 23:30

hagaa ne bolli ehiis. Aissi giikko, neeni kawotettatuura shaaramuxadasa; eta eeqatun nena tunissadasa.

Wogaabaa 1:16

ulo gidduwaa baalletuura kessidi, yarshshiyoosaappe arshsho baggaara, bidinttaa qoliyo sohuwan olo.

Amoxa 3:9

Ashddooda katamaaninne Gibxxe kawo keettatun de7iya ubbatussi hagaadan yaagidi awaajjite; “Samaariyaa deretu bolli shiiqite; shiiqidi yan haniya gita wocamaanne sugetta oosuwaa be7ite” yaagite.

Amoxa 4:1

Inttenoo, Samaariyaa maccaasatoo, Baasaane biittaa macca miizzatudan modhdhidaageetoo, hagaa siyite! Intte hiyyeesata huqqunneeta; manqqotakka tuggayeeta. Intte keettaawatakka, “Nuussi ushshaa hammite” yaageeta.

Mikiyaasa 2:2

Eti goshsha gadiyaa amottikko, asabaa wolqqan ekki aggoosona; keettata koyikkokka ekki aggoosona. Asa maataa yedhdhidi, a laataa coo bonqqoosona.

Zakkaariyaasa 7:10

Am77eta, aaya aawu bainna naata, betetanne hiyyeesata naaqqoppite. Qassi intteppe ooninne ba ishaa bollan iitabaa oottanau ba wozanan qoppoppo' yaagiis” yaagiiddi yiis.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.