Sofonaasa 2:8 - Wolaytta Bible

^8-9 Ubbaappe Wolqqaama GODAI, Israa7eela Xoossai, hagaadan yaagees; “Taani Moo7aaba asaa qilliicciyaanne Amoona asaa cashshaa siyaas. Eti ta asaa qilliiccidosona; eta zawaa bollankka otorettidosona. Hegaa gishshau, ta de7o sunttan caaqqais, Moo7aabi Sadoomadan hanana; Amoona asaikka Gamoora asaadan hanana. Eti merinau maxiniyaa bookkiyo ollanne agunttai maayido bazzo gidana. Ta asaappe attidaageeti eta aquwaa bonqqana; eta biittaakka laattana” yaagees.

Sofonaasa 2:8 Iomraidhean Croise

Doomettaabaa 19:37

Bairiyaa attuma na7aa yelaasu; a sunttaa Moo7aaba gaada sunttaasu; inne hachchi gakkanau Moo7aabatu aawaa.

Doomettaabaa 19:38

Qassi kaaliyaakka attuma na7aa yelaasu; a sunttaa Ben77aama gaada sunttaasu; inne hachchi gakkanau Amoonatu aawaa.

Isiyaasa 15:1

Moo7aaba biittaabaa GODAI odido qaalai hagaa: Moo7aaban de7iya Eera giyo katamai issi qammi qolettidi xayiis; qassi Moo7aaban de7iya Qiira giyo katamaikka issi qammi qolettidi xayiis.

Isiyaasa 16:6

Yihudaa asai hagaadan yaagana; “Moo7aaba biittaa asai ai keenaa otorettiyaakko, nu eta otoruwaabaa siyida; eta ayyuwaanne eta cashshaakka siyida; shin eta otoroi hada” yaagana.

Ermmaasa 12:14

GODAI hagaadan yaagees; “Taani ta asatuyyo Israa7eelatuyyo immido biittaa oiqqida, ta iita shooro kawotettata gidikko, taani eta eta biittaappe xoqollana. Qassi Yihudaa asatakka eta giddoppe xoqollana.

Ermmaasa 48:1

Moo7aaba biittaa xeelliyaagan Ubbaappe Wolqqaama GODAI, Israa7eela Xoossai hagaadan yaagees; “Nabo katamaassi aayye7ana! Aissi giikko, i bayana. Qiriyaataima katamai kauyyananne omoodettana; eta qatotikka kauyyananne meqerettana.

Ermmaasa 49:1

Amoona asaa xeelliyaagan GODAI hagaadan yaagees; “Israa7eelassi attuma na7i baawee? Woikko laattiyaabi baawee? Yaatin, Molooka giyo xoossau goinniya asati Gaada biittaa aissi oiqqidonaa? Eta katamankka aissi uttidonaa?

Ermmaasa Zilaassaa 3:61

Abeet GODAU, eti tana cayiyo cashshaanne ta bollan maqettiyo maqquwaa ubbaa siyadasa.

Hizqqeela 21:28

“Laa asa na7au, hagaadan yaagada hananabaa yoota; 'Israa7eela cayiya Amoonatuyyo Ubbaa Haariya GODAI hagaadan yaagees; “Bisuwaa! Bisoi siifanau shoohuwaappe shodettiis; wurssanaunne wolqqanttaadan pholqqu gaanau qucettiis.

Hizqqeela 25:1

GODAA qaalai taakko hagaadan yaagiiddi yiis;

Hizqqeela 35:12

Qassi intte, 'Israa7eela dereti baisa attidosona; nuuni mi xaissana mala, nuussi imettidosona' giidi, haasayido cashshaa ubbaa taani GODAI siyidoogaa intte he wode erana.

Hizqqeela 36:2

Intte morkketi, “Beni xoqqa dereti ubbai nubaa gididosona!” yaagido gishshau, eti inttena mentterettidi baisa oottido gishshau, intte cora kawotettatun haarettanaadan oottido gishshaunne inttena daro cayettiyaabaanne qilliicettiyaabaa oottido gishshau,

Amoxa 1:13

GODAI hagaadan yaagees; “Amoona biittaa asai zaari zaaridi oottido nagaraa gishshau, taani eta qaxxayennan aggikke. Aissi giikko, eti bantta zawaa aassanau Gala7aade biittan de7iya shahaara maccaasatu uluwaa daakkidosona.

Amoxa 2:1

GODAI hagaadan yaagees; “Moo7aaba biittaa asai zaari zaaridi oottido nagaraa gishshau, taani eta qaxxayennan aggikke. Aissi giikko, eti Eedooma biittaa kawuwaa meqettaa bidintta kiyana gakkanaashin xuuggidosona.

Sofonaasa 2:10

Eti Ubbaappe Wolqqaama GODAA asaa bolli qilliiccidonne otorettidi haasayido gishshau, eta bolli ha metoi gakkana.

Yaasu Maxaafaa 5:9

GODAI Yaasa, “Hachchi taani Gibxxetu boriyaa intteppe diggaas” yaagiis. Yaagin he sohuwaa sunttai hachchi gakkanaassi Gelggala geetettees.