Sofonaasa 2:14 - Wolaytta Bible

¹⁴ Mehiyaa wudeenne biittan de7iya do7ati ubbai a giddon allaxxana; guttoinne quxarssai a kolettida gimbbetu giddon de7ana; eta cenggurssai maskkootiyaaranne penggiyaara siyettana. Keettati keexettido zigai kallottana.

Sofonaasa 2:14 Iomraidhean Croise

Mazamure Maxaafaa 102:6

Taani bazzon de7iya ankko mala, woikko qoqqofettida keettan de7iya gutto mala.

Isiyaasa 14:23

Taani Baabiloone guttoi de7iyoosanne haatti eelliyoosa oottana; bashshaa puxan taani a pittana. Taani Ubbaappe Wolqqaama GODAI hagaa odais” yaagees.

Ermmaasa 22:14

I, “Taani taayyo aaho pooqiyaara de7iya gita keettaa keexxana” yaagees. Yaagidi ba keettau gita maskkooteta kessees; kessidi zigaa masettan bollaa kammidi, zo7o qalamiyaa tiyees.

Amoxa 9:1

Yarshshiyo sohuwaa matan Godai eqqidaashin, taani be7aas. I tana hagaadan yaagiis; “Baasoi qaaxxanaadan, Beeta Maqidasiyaa gumbbuwaa shoca; shocada asa ubbaa huuphiyan mentteretta. Hegaappe attiya asaa taani bisuwan worana. Baqatiya asi kessi ekkenna; kessi ekkida asikka paxa attenna.

Sofonaasa 2:6

Abbaa doonan de7iya intte biittai mehiyaa heemmiyoosa, henttanchchati de7iyoosanne mehiyaa wudiyaa dirssa gidana.

Ajjuutaa 18:2

He kiitanchchai ba qaalaa xoqqu oottidi, “A kunddaasu! Gita Baabiloona kunddaichchaasu! Baabiloona xalaheti aqiyo soho gidaasu; iita ayyaanati ubbatinne ixxiyo iita kafoti ubbati iini de7oosona.