Siiquwaa Sabaa 6:4 - Wolaytta Bible

⁴ “Ta siiqee! Neeni Tirxxa katamai lo77iyoogaadan lo77aasa; Yerusalaamedan daro lo77aasa; banddiraa oiqqidi, salppiyan biya olanchchai yashshiyoogaadan yashshaasa.

Siiquwaa Sabaa 6:4 Iomraidhean Croise

Kawotu Maxaafaa Koiruwaa 14:17

Hegaappe guyyiyan Iyorbbaama keettaayyiyaa denddada baada Tirxxa gakkaasu. Gakkada keettaa pengge goccillaa yedhdhaanne na7ai haiqqi aggiis.

Kawotu Maxaafaa Koiruwaa 15:21

Kawoi Baa7ishi hegaa siyidi, Raama katamaa gimbbiyoogaa aggiigidi, Tirxxa katamaa biis.

Kawotu Maxaafaa Koiruwaa 15:33

Yihudaa Kawoi Asi kawotido heezzantto laittan Akiiya na7ai Baa7ishi Israa7eela asaa ubbaa bolli kawotiis; i Tirxxa kataman laatamanne oiddu laitta kawotiis.

Mazamure Maxaafaa 48:2

Xoossaa dere gidiya Xiyoonee xoqqanne lo77o. He gita kawuwaa katamai sa7a ubbaassi ufaissa.

Mazamure Maxaafaa 48:3

He katamaa gimbbiyaa giddon, banan saro sohoi de7iyoogaa Xoossai bessiis.

Mazamure Maxaafaa 50:2

Merai kumetta lo77o gidiyo Xiyooneppe Xoossai poo7ees.

Siiquwaa Sabaa 1:15

“Ta siiqee, neeni aiba lo77ai! Neeni aiba lo77ai! Ne aifeti haraphphiyaa aifiyaadan lo77oosona” yaagiis.

Siiquwaa Sabaa 1:5

“Inttenoo, Yerusalaame maccaasatoo, siyite, taani karetta; gidikkonne, malanchcha. Ta karettatettai Qeedaare dunkkaaniyaa mala; shin ta merai Solomona kawo keettaa magalashotu mala.

Siiquwaa Sabaa 2:14

“Neeni aafuwaa doona zaallaa za7an qosettida haraphphee mala; ane issitoo tana ne som77uwaa bessa; ne cenggurssaakka sissa. Aissi giikko, ne cenggurssai tana qarettees; ne som77oikka daro lo77ees” yaagiis.

Siiquwaa Sabaa 4:7

Ta siiqee, ne asatettai muleekka malanchcha; nenan wottiyoobi aibinne baawa.

Siiquwaa Sabaa 5:2

“Taani qammi xiskkaas; shin ta wozanai beegotti uttiis. Ta aimuwan ta siiqoi hagaadan yaagiiddi, penggiyaa qoxxishin siyaas; 'Ta mishiree, ta siiqee, nenan wottiyoobi bainna ta haraphphee, tau kariyaa dooya; ta huuphee akkan ka77iis. Ta binnaanaikka qamma diifiyan narkkakkiis' yaagees.

Siiquwaa Sabaa 6:10

'Hanna maallado xalqqiyaadan doliyaara, aginaadan poo7iyaara, awaadan caddiyaara, banddiraa oiqqidi salppiyan biya olanchchaadan yashshiyaara a oonee?' yaagoosona.

Ermmaasa Zilaassaa 2:15

Ne mataara aadhdhiya ubbai ba biradhdhiyaa ne bollan dukkees. Qassi, “Biittan sa7an ubbaappe aadhdhada lo77iya katamiyaa hannii? Kumetta biittau ufaissa geetettida katamiyaa hannii?” yaagidi nena baceessees; ba huuphiyaakka qaattees.

Zakkaariyaasa 12:3

He gallassi taani Yerusalaame katamaa asa ubbaassi deexo shuchcha mala oottana; a denttiya ubbai bau deshettana. Qassi sa7aa kawotettati ubbai a olanau issippe shiiqana.

Naa77antto Qoronttoosa 10:4

Aissi giikko, nuuni olettiyo toorai ha sa7aagaa gidenna. SHin qatuwaa laalanau wolqqaara de7iya Xoossaa tooraa.

Efisoona 5:27

Kiristtoosi woosa keettaa qiti woi kul77i woi hegaa milatiyaabi bainnan, a kumetta bonchchuwaara geeshshanne borettennaagaa oottidi, ba huupheyyo shiishshanau koyiis.

Ajjuutaa 21:2

Geeshsha katamiyaa ooratta Yerusalaama, ba azinaayyo gixxa giigida bullashettiya maccaaseedan, giiga uttidaara saluwaappe Xoossaa matappe duge wodhdhiyaaro taani be7aas.