Siiquwaa Sabaa 5:16 - Wolaytta Bible

¹⁶ A doonai eessaadan mal77ees. I muleerakka lo77iyaagaa. Inttenoo Yerusalaame geela7otoo, ta siiqoinne ta laggee hagaa milatees” yaagaasu.

Siiquwaa Sabaa 5:16 Iomraidhean Croise

Sameela Maxaafaa Naa77anttuwaa 1:23

“Saa7oolinne Yonaataani asi siiqiyoogeetanne lo77iyaageeta; bantta haiquwankka bantta paxankka shaahettibookkona. Eti argganttaappekka aadhdhida eeso; gaammuwaappekka aadhdhida mino.

Mazamure Maxaafaa 119:103

Ne qaalai aiba mal77ii! Eessaa ililuwaappekka aadhdhidi, ta manggaagan mal77ees.

Mazamure Maxaafaa 148:13

Eti ubbati GODAA sunttaa galatona; aissi giikko, a sunttai ubbaappe bollaara de7iyaagaa; a bonchchoi salotuppekka sa7aappekka bollaara xoqqan de7ees.

Mazamure Maxaafaa 19:10

Worqqaappenne walahi bainna worqqaappe aadhdhidi dosettees; eessaappenne eessaa ililuwaappe aadhdhi mal77ees.

Mazamure Maxaafaa 45:2

Asa ubbaappe neeni malanchcha; ne haasayai nashettiyaagaa. Hegan Xoossai nena merinaassi anjjiis.

Mazamure Maxaafaa 89:6

Saluwan GODAARA likkettanau danddayiyai oonee? Saluwaa meretettatu giddon qassi GODAA mali oonee?

Siiquwaa Sabaa 1:16

“Ta siiquwau, neeni aiba lo77ai! Aiba ufaissai; nu arssaikka aacida maataadan ufaissiyaagaa.

Siiquwaa Sabaa 1:2

“Ne siiqoi woiniyaa eessaappe aadhdhi ufaissiyo gishshau, ne menttershshan zaara zaaradakka tana yera.

Siiquwaa Sabaa 1:5

“Inttenoo, Yerusalaame maccaasatoo, siyite, taani karetta; gidikkonne, malanchcha. Ta karettatettai Qeedaare dunkkaaniyaa mala; shin ta merai Solomona kawo keettaa magalashotu mala.

Siiquwaa Sabaa 2:1

“Taani Saaroona giyo sohuwan mokkiya ciishshaanne wombban mokkiya lo77o ciishshaa mala” yaagaasu.

Siiquwaa Sabaa 2:16

“Ta siiqoi taagaa; taanikka aaro; ciishshaa giddon i ba wudiyaa heemmees.

Siiquwaa Sabaa 2:3

“Ta siiqoi hara wodallatu giddon xeelliyo wode, woran de7iya appiliyaa giyo mittaa milatees; tana keehi ufaissin, a kuwaa giddon uttaas; a aifee min, tana keehi mal77ees.

Siiquwaa Sabaa 4:3

Ne menttershshati zo7o qacinaa mala; ne haasayiyo wode daro ufaissoosona. Ne naa77u gacota sharbbiyaa giddoora xeelliyo wode, issi roomaaniyaa naa77u kessi phalqqidoogaa milatoosona.

Siiquwaa Sabaa 6:3

Taani ta siiquwaaro; ta siiqoikka taagaa. I ciishshaa giddon wudiyaa heemmees” yaagaasu.

Siiquwaa Sabaa 7:9

Ne yeroi menttershshatuppenne achchaappe gidduwaara yalalattiiddi geliya, ubbaappe aadhdhidi mal77iya woine eessaa mala” yaagiis.

Ermmaasa 15:16

Abeet GODAU, Ubbaappe Wolqqaama Xoossau, taani ne sunttan xeesettido gishshau, ne qaalai taakko yin maas. Min tana pashkkissiisinne ta wozanaa ufaissiis.

Hoose7a 3:1

GODAI tana, “Israa7eela asai hara xoossatukko simmidi, woiniyaa teeraa melaa lichchakkuwaa siiqishinkka GODAI eta siiqiyoogaadan, ba; baada laggettuwaa siiqada, shaaramuxaidda de7iya beni ne machchiyo neenikka zaarettada siiqa” yaagiis.

Galaatiyaa 2:20

Taani Kiristtoosaara a masqqaliyaa bolli misimaariyan xishettada kaqettaas; simmi, ha77i paxa de7iyaagee tana gidikke. SHin Kiristtoosi ta giddon de7ees; taani ha77i de7iyo de7oi, tana siiqidi, ta gishshau, ba huuphiyaa immida Xoossaa Na7an de7iya ammanuwaana.

Piliphphisiyuusa 3:8

Tumakka, hegeetu xalaala gidenna; taani ta Godaa Kiristtoos Yesuusa eriyoogee ubbabaappe keehi aadhdhiyo gishshau, ubbabaa tana mulekka go77ennabaadan qoodaas; taani a gishshau ubbabaa yegga bayaas. Kiristtoosa demmanaunne aara de7anau ubbabaa wora olidobaadan qoodais; taani higgiyaayyo azazettada demmiyo ta huuphe xillotetti taayyo baawa. Kiristtoosa ammanin, Xoossai immiyo xillotettai, ammanuwan Xoossaa matappe yiya xillotettai tau ha77i de7ees.

Yaaqooba 2:23

Xoossaa maxaafai “Abrahaami Xoossaa ammaniis. Xoossaikka hegaa ayyo xillotettan qoodiis” giidoogee polettiis; qassi Xoossaa dabbo geetettidi i xeesettiis.

Yaaqooba 4:4

Simmi shaaramuxiyaageetoo, ha sa7aara dabbotiyoogee Xoossaayyo ixo gidiyoogaa erekketii? Aissi giikko, ha sa7aara dabbotana koyiyai ooninne Xoossaara morkkettees.