Siiquwaa Sabaa 4:12 - Wolaytta Bible

¹² Ta siiqo michcho gidiya ta mishiriyaa yuushoi direttidi naagettiyo ataakilttiyaa sohuwaa mala. Yuushoi gimbbettido pulttuwaa, maatafai attamettida goggiya haattaa mala.

Siiquwaa Sabaa 4:12 Iomraidhean Croise

Doomettaabaa 29:3

Dorssaa wude ubbai hegan dagattido wode, he wudiyaa heemmiyaageeti haattaa ollaa doonaappe he shuchchaa gonddorssidi dorssaa ushshoosona. Ushshidi he shuchchaa ollaa doonan zaaridi wottoosona.

Siiquwaa Sabaa 4:9

Ta siiqo michcho gidiya ta mishiree! Ne aifiyaa xeeloinne ne qooriyaa alleeqoi, ta wozanaa ufaissan gooshshiis.

Siiquwaa Sabaa 6:11

“Taani wombban tokettida mittatu licuwaa be7anau, woiniyaa turai aacidaakkonne qassi roomaaneekka ciyyidaakkonne xeellanau, duge ataakilttiyaa sohuwaa wodhdhais.

Siiquwaa Sabaa 6:2

“Ta siiqoi dorssaa wudiyaa heemmanaunne lo77iya ciishshaa shiishshanau, shittuwaa sawo maatai de7iyo ataakilttiyaa giddo wodhdhiis.

Isiyaasa 58:11

GODAI inttena ubbatoo kaalettana; inttena mela bazzuwan koshshiyaabaakka i inttiyo kunttana. Intte bollaa xaphuwaakka minttana. Qassi intte haattaa ushshiyo gannatiyaa malanne a haattai mulekka to77enna pulttuwaa mala gidana.

Ermmaasa 31:12

Eti yiidi Xiyoone Deriyan ufaissau yexxana; eti GODAI immiyo kehatettan, kattan, woine eessan, zaitiyan, dorssaa maratuuninne miizzaa maratun ufaittana. Eti haattaa loitti ushshido ataakiltte soho mala gidana; eti naa77antto shullokkona.

Hoose7a 6:3

GODAA ane eroos; a erana mala, minttidi ane a kaalloos. Awai mokkiyoogee tuma gidiyoogaadan, ikka tumu beettana. Badhdheesa iraadan, biittaa aliya balggo iraadan, i nuukko yaana” yaagees.

Koiro Qoronttoosa 6:13

Qumi ulossa; uloikka qumassa. SHin Xoossai uluwaakka qumaakka xaissana. Asa bollai Godaassappe attin, shaaramuxassa gidenna. Godaikka asa bollaassa.

Koiro Qoronttoosa 7:34

A qofai shaahettiis. Azina gelabeenna geela7iyaa ba ashuwaaninne ba shemppuwan geeyanau koyiyo gishshau, Godaa oosuwaabaa qoppausu. SHin azinaa gelidaara ba azinaa ufaissanau koyiyo gishshau, sa7aabaa qoppausu.

Naa77antto Qoronttoosa 1:22

Nuuni abaa gidiyoogaa erissiya maatafaa i nu bolli wottidi, ba Geeshsha Ayyaanaa waasedan, nu wozana giddon wottiis.

Efisoona 1:13

Intteyyookka qassi hegaadan haniis; tumu kiitaa, intteyyo atotettaa ehiida wonggeliyaa mishiraachchuwaa, intte siyido wode Kiristtoosa ammanideta; Xoossai intteyyo immana giido Geeshsha Ayyaanaa baggaara, intte abaa gidiyoogaa erissiya maatafaa intte bolli wottiis.

Efisoona 4:30

Xoossai inttena woziyo gallassau intte parametti uttido Xoossaa Geeshsha Ayyaanaa azzanissoppite.

Ajjuutaa 21:27

SHin tunabai woi kaushshabaa oottiyaagee, woi worddotiyaagee ooninne he katamiyo gelenna. Qassi Dorssaa de7o maxaafan sunttai xaafettidoogeetu xalaalai he katamiyo gelana.

Ajjuutaa 7:3

Xeesidi, “Nu Xoossaa ashkkaratu som77uwan nuuni maatafaa wottana gakkanaashin, sa7aa gidin woi abbaa gidin, woi mitta gidinkka qohoppite” yaagiis.