Siiquwaa Sabaa 3:6 - Wolaytta Bible

⁶ “Hagee bazzoora yiyaagee, cuwaa tuussaa milatiyaagee, peenoikka zal77anchchaa ixaanaadaaninne karbbiyaadan sawiyoogee i aibee?

Siiquwaa Sabaa 3:6 Iomraidhean Croise

Kessaabaa 30:34

Hegaappe guyyiyan, GODAI Muusa hagaadan yaagiis; “Sawiya qimameta: mittaa cooshshaa, xaadhdhiyaa keettan de7iya shittuwaa, sawiya shidaanne sawiya ixaanaa ekka; eta ubbaa yesoikka issi likke gido.

Leemiso Maxaafaa 7:17

Taani karbbiyaa, almmuniyaanne qarafaa geetettiya sawotuppe kessido shittuwaa ta hiixan caccafaas.

Siiquwaa Sabaa 1:13

Ta siiqoi ta xanttatuppe gidduwan shemppiyo wode, a peenoi qarcciitaara de7iya karbbiyaadan sawees.

Siiquwaa Sabaa 1:3

Ne tiyettiyo shittoi aiba sawii! Ne sunttai xeesettiyo wodekka aiba ufaissii! Geela7oti nena siiqiyoogee hegaassa.

Siiquwaa Sabaa 3:7

Hegaa be7ite, Solomona paraa gaaree yees; he paraa gaaree Israa7eelappe doorettida wolqqaamati, usuppun tammu tooranchchati ajabidosona.

Siiquwaa Sabaa 4:6

Qammai wonttanaashin, kuwai kichchanaashin, karbbiyaa deriyaanne ixaanaa keraa baada shemppashshana.

Siiquwaa Sabaa 5:13

A gacotikka sawo maatainne qimamee tokettido madabaadan lo77oosona; a menttershshati karbbiyaa shittoi xokkiyo wora ciishshaadan lo77oosona.

Siiquwaa Sabaa 5:5

Yaatin, ta siiquwaassi kariyaa dooyanau denddaas. Kariyaa dooyiyo hiraquwaa taani oiqqiyo wode, ta kushiyaappe karbbee, ta biradhdhiyaappe shittoi xokkees.

Siiquwaa Sabaa 8:5

“Ba siiquwaa hashiyan zemppada, bazzoppe yiyaara hanna oonee?” yaagidosona. “Beni ne aayyiyaa nena bannakka yelido, appiliyaa lanqqiyan ne zin77idaashin, nena ta qaaserettada denttaas.

Isiyaasa 43:19

Be7ite, ha77i taani oorattabaa oottais; ikka ha77i mokkees. Intte hegaa erekketiiyye? Taani bazzon ogiyaa, mela biittankka shaafata kessana.

Ermmaasa 2:2

“Ba; baada Yerusalaame asaa haittan hagaadan yaagada awaajja; 'Neeni yelagatettan taayyo ai keena ammanettidaakko, qassi neeni biron mishiran de7iyo wode, tana ai keena siiqidaakko, taani GODAI hassayais. Neeni bazzo gidduwaara, zeretti zeretti erenna biittaara tana kaalladasa.

Ermmaasa 31:2

GODAI hagaadan yaagees; “Bisuwaappe palahida asai taappe aaro kehatettaa bazzuwan demmiis. Israa7eela asai shemppi ekkanau koyido wode,

Hoose7a 9:10

GODAI hagaadan yaagees; “Taani Israa7eela asaa bazzon woine teeraa demmiyoogaadan demmaas. Taani intte aawata balasiyaa giyo mittan de7iya koiro aifiyaa be7iyoogaadan be7aas. SHin eti Ba7aali-Pa7oora giyoosaa yiidi, Ba7aala giyo eeqaassi goinnidosona; yaatidi bantta dosido eeqaadankka tunidosona.

Maatiyoosa 2:11

Soo gelidi, na7ai ba aayee Mairaamiira de7iyaagaa be7idosona; gulbbatidi ayyo goinnidosona; hegaappe guyyiyan, bantta saaxiniyaa dooyidi, worqqaa, ixaanaanne karbbiyaa ayyo immidosona.

Zaarettido Wogaa 8:2

GODAI ne Xoossai neeyyo immido azazuwaa ne naagiyaakko naagennaakko, ne wozanaa qofaa eranaayyo, nena paaccanaunne nena ziqqi oottanau, oitamu laittaa kumettaa i nena bazzuwan kaalettido oge ubbaa hassaya.

Piliphphisiyuusa 4:18

SHin taani intte immidoogaa ubbaa ekkaas; qassi tau palahidi gidiyaagee de7ees. Intte kiittido ubbabaa Eppafiroditoosappe ekkaas; koshshiya ubbai tau de7ees. Intte tau kiittido imoi Xoossaayyo sawuwaa tonggu giyaanne i dosiyo, a ufaissiya yarshsho mala.

Ajjuutaa 12:14

Mishiriyo shooshshai qohenna mala, heezzu laittaanne baggaa maiddanne uyaidda a naagettiyoosaa bazzo paallada baana mala, naa77u wolqqaama argganttaa qefee iyyo imettiis.

Ajjuutaa 12:6

Ehettin mishiriyaa issi sha7anne naa77u xeetanne usuppun tammu gallassau miziiddinne ushshiiddi wottanau Xoossai giigissi wottido sohuwaa bazzuwaa baqataasu.

Ajjuutaa 18:13

qarafaa, qimamiyaa, ixaanaa, karbbiyaa, tiyettiyo shittuwaa, woine eessaa, zaitiyaa, liiqida xiilliyaa, gisttiyaa, miizzaa, dorssaa, paraanne parai goochchiyo gaariyaa, eta ailletanne harai atto asa shempponne shammiyaabi baawa.

Ajjuutaa 5:8

I he xaatta woraqataa ekkido wode, paxa de7iya oiddu meretatinne laatamanne oiddu cimati a sinttan kunddidosona. Eti huuphiyan huuphiyan diittaanne ixaanai kumido worqqa miishshaa oiqqidosona. He ixaanai geeshshati Xoossaa woossiyoogaa.