Siiquwaa Sabaa 1:7 - Wolaytta Bible

⁷ “Ta siiquwau, ane taayyo oda; ne dorssaa wudiyaa neeni heemmiyoi awaanee? Gallassi awaappe ne eta allaxissiyoi awaanee? Nena demmanau ne laggetu wudiyaa kaallaidda, aibissi yuushshanchcha maccaasa gidoo?” yaagaasu.

Siiquwaa Sabaa 1:7 Iomraidhean Croise

Doomettaabaa 37:16

Oichchin i, “Ta ishantta koyais; eti wudiyaa heemmiyoosai awaanakkonne hailaa taayyo odarkkii!” yaagiis.

Mazamure Maxaafaa 116:1

I ta cenggurssaanne ta watiwatuwaa siyido gishshau, taani GODAA siiqais.

Mazamure Maxaafaa 18:1

Abeet GODAU, ta wolqqau, taani nena siiqais.

Mazamure Maxaafaa 28:1

Abeet GODAU, ta wogga zaallau, taani nena xeesais; taani nena xeesin, taayyo tulloppa. Ne co77u giikko, taani duufuwaa biida asatu mala gidais.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Siiquwaa Sabaa 2:16

“Ta siiqoi taagaa; taanikka aaro; ciishshaa giddon i ba wudiyaa heemmees.

Siiquwaa Sabaa 2:3

“Ta siiqoi hara wodallatu giddon xeelliyo wode, woran de7iya appiliyaa giyo mittaa milatees; tana keehi ufaissin, a kuwaa giddon uttaas; a aifee min, tana keehi mal77ees.

Siiquwaa Sabaa 5:10

“Ta siiqoi daro lo77iyaagaanne mino; tammu sha7u attumaasaa giddon a mali baawa.

Siiquwaa Sabaa 5:16

A doonai eessaadan mal77ees. I muleerakka lo77iyaagaa. Inttenoo Yerusalaame geela7otoo, ta siiqoinne ta laggee hagaa milatees” yaagaasu.

Siiquwaa Sabaa 5:8

“Inttenoo Yerusalaame geela7otoo, ta siiquwaa demmikko, taani a siiquwaappe denddidaagan harggiyoogaa, hadara, au yootite” yaagaasu.

Siiquwaa Sabaa 6:2

“Ta siiqoi dorssaa wudiyaa heemmanaunne lo77iya ciishshaa shiishshanau, shittuwaa sawo maatai de7iyo ataakilttiyaa giddo wodhdhiis.

Siiquwaa Sabaa 6:3

Taani ta siiquwaaro; ta siiqoikka taagaa. I ciishshaa giddon wudiyaa heemmees” yaagaasu.

Siiquwaa Sabaa 8:13

“Nenoo, ataakilttiyaa giddon de7iya ta siiqee, ne cenggurssaa laggeta sissanau koyoosona; ne cenggurssaa tana sissa” yaagiis.

Isiyaasa 13:20

He biittan mulekka asi uttenna; woikko yeletaappe yeletaa gakkanaassikka yan asi de7enna; Araba asikka yan ba dunkkaaniyaa tolenna; dorssaa wudiyaa heemmiyaageetikka yan bantta wudiyaa allaxxissokkona.

Isiyaasa 26:9

Qamman taani nena laamotais; ta giddon de7iya ta ayyaanai tumuppe nena minttidi koyees. Aissi giikko, ne pirddai sa7an de7iyo wode, sa7an de7iya asai xillotettaa tamaarees.

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Isiyaasa 5:1

Taani ta siiqiyoogau a woiniyaa turaa tokkiyo sohuwaabaa siiqo yettaa yexxana. Taani siiqiyoogau araddida keran woiniyaa turaa tokkiyo sohoi de7ees.

Ermmaasa 33:12

Ubbaappe Wolqqaama GODAI hagaadan yaagees; “Ha asainne mehee bainna baisa biittaaninne an de7iya katamatun henttanchchati bantta dorssaa wudiyaa allaxxissiyo gadee de7ana.

Mikiyaasa 5:4

I yaana; yiidi, GODAA minotettan, GODAA ba Xoossaa sunttaa anggan ba asaa heemmana. I sa7aa gaxaa gakkanaashin gita gidiyo gishshau, eti sarotettan de7ana.

Maatiyoosa 10:37

“Ba aawaa woi ba aayyiyo taappe aattidi siiqiyaagee tabaa gidanau bessenna; ba attuma na7a woi ba macca na7iyo taappe aattidi siiqiyaagee tabaa gidanau bessenna.

Yohaannisa 10:11

“Taani dorssaa loitta heemmiyaagaa; dorssaa loitti heemmiyaagee he dorssatu gishshau haiqqees.

Yohaannisa 21:17

Yesuusi heezzanttuwaa, “Yoona na7au Simoonaa, tana dosai?” yaagiis. Yesuusi heezzanttuwaa Simoon PHeexiroosa, “Tana dosai?” yaagidi oichchido gishshau, PHeexiroosi azzanidi, “Godau, neeni ubbabaa eraasa; taani nena dosiyoogaa neeni eraasa” yaagiis. Yaagin Yesuusi, “Ta dorssata heemma.

Koiro PHeexiroosa 1:8

Intte a be7ana xayikkokka, siiqeeta; intte ha77i a be7ana xayikkokka, ammaneeta. Qassi intte intte ammanuwau polo gidiya intte shemppuwaa atotettaa ekkiyo gishshau, yootanau danddayettenna bonchchoi kumido ufaissaa ufaitteeta.

Koiro PHeexiroosa 2:7

Hegaa gishshau, ha shuchchai intteyyo ammaniyaageetuyyo daro al77o; shin ammanennaageetuyyo, “Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis” yaagees.

Koiro Yohaannisa 2:19

Ha morkketi nu bagga gidenna gishshau, nu giddoppe kiyidosona; aissi giikko, eti nu bagga gidiyaabaa gidiyaakko, nu giddon de7ana; shin etappe ooninne nu bagga gidennaagee erettana mala, nu giddoppe kiyidosona.

Ajjuutaa 7:17

Aissi giikko, kawotaa araataayyo gidduwan uttida Dorssai eta heemmana. De7o haattaa pulttuwaakkokka eta kaalettana. Xoossaikka eta aifiyaappe afutta ubbaa quccirggana” yaagiis.

Uruti Maxaafaa 2:21

Moo7aabiyaa Uruta, “I ubba tana, 'Ta kattai cakettidi wurana gakkanaashin, ta oosanchchatuppe shaahettennan poshiluwaa qora' yaagiis” yaagaasu.