Siiquwaa Sabaa 1:13 - Wolaytta Bible

¹³ Ta siiqoi ta xanttatuppe gidduwan shemppiyo wode, a peenoi qarcciitaara de7iya karbbiyaadan sawees.

Siiquwaa Sabaa 1:13 Iomraidhean Croise

Doomettaabaa 43:11

Hegaappe guyyiyan eta aawai Israa7eeli eta, “Hegaa gidikko, yaatite; he bitaniyaassi kushe genttiyoobaa ha biittan mokkidabaa ubbaappe lo77iyaabaa doorite; hegeenne balasaane giyo xaliyaa, eessaa, sawuwaa, karbbiyaanne temire lauze giyo mittatu teeraa intte ogoruwan yeggidi ekki biite.

Mazamure Maxaafaa 45:8

Sinxxan, xaittaaninne puuxisan ne maayoi ubbai xaidettiis. Danggarssaa zaaliyan alleeqettida ne kawotaa keettan diixxiyaageeti nena ufaissoosona.

Siiquwaa Sabaa 2:7

Inttenoo Yerusalaame yelaga maccaasau, siiqoi bau dosidi denddana gakkanaashin, a intte beegottenna mala, taani inttena genessatuuninne bazzo wushatun callais.

Siiquwaa Sabaa 3:5

Inttenoo Yerusalaame yelaga maccaasau, siiqoi bau dosidi denddana gakkanaashin, a intte beegottenna mala, taani inttena genessatuuninne bazzo wushatun callais” yaagaasu.

Siiquwaa Sabaa 3:6

“Hagee bazzoora yiyaagee, cuwaa tuussaa milatiyaagee, peenoikka zal77anchchaa ixaanaadaaninne karbbiyaadan sawiyoogee i aibee?

Siiquwaa Sabaa 4:14

Hegaadankka qassi narddoosee, laadee, sawo maatainne qarafai, hegaadankka ixaanadan sawiyaabati de7oosona; hegaadankka qassi karbbee, godare uuttaa ciishshainne dumma dumma qimamiyaa ataakiltteti mokkoosona.

Siiquwaa Sabaa 4:16

“Huuphessa bagga carkkuwau, dendda! Tohossa bagga carkkuwau, haa ya! Ta ataakilttiyaa bolli carkka! A sawoi hegan tonggu go. Ta siiqoi ba ataakilttiyaa giddo yo. Daro mal77iya teerata mo” yaagaasu.

Siiquwaa Sabaa 4:6

Qammai wonttanaashin, kuwai kichchanaashin, karbbiyaa deriyaanne ixaanaa keraa baada shemppashshana.

Siiquwaa Sabaa 5:1

“Ta siiqo michchiyo gidiya ta mishiree, be7a; taani ta ataakilttiyaa giddo gelaas. Ta karbbiyaanne ta shitto ciishshaa qorais. Eessaa oittaa yolttayada mais. Ta woiniyaa eessaanne ta maattaa uyais” yaagiis. “Inttenoo, a laggetoo, siiquwaa alana gakkanaashin uyite” yaagidosona.

Siiquwaa Sabaa 5:13

A gacotikka sawo maatainne qimamee tokettido madabaadan lo77oosona; a menttershshati karbbiyaa shittoi xokkiyo wora ciishshaadan lo77oosona.

Siiquwaa Sabaa 5:5

Yaatin, ta siiquwaassi kariyaa dooyanau denddaas. Kariyaa dooyiyo hiraquwaa taani oiqqiyo wode, ta kushiyaappe karbbee, ta biradhdhiyaappe shittoi xokkees.

Yohaannisa 19:39

Qassi Niqoodimoosi hegaappe kase Yesuusakko qammi yiidaagee, karbbiyaaranne godare uuttaara walahettida oitamanne ichchashu kilo giraame gidiyaagaa keena shittuwaa oiqqi ekkidi, Yooseefaara yiis.