Roome 8:5 - Wolaytta Bible

⁵ Bantta asatettai koyiyoogaadan de7iyaageeti bantta asatettaabaa qoppoosona; shin Geeshsha Ayyaanai koyiyoogaadan de7iyaageeti Geeshsha Ayyaanaabaa qoppoosona.

Roome 8:5 Iomraidhean Croise

Marqqoosa 8:33

SHin Yesuusi guyye simmidi, ba erissiyo ashkkarata xeellidi PHeexiroosa, “Kichcha ta matappe! Ha Seexaanau, neeni asi dosiyoobaa qoppiyoogaappe attin, Xoossai dosiyoobaa qoppakka” yaagiis.

Yohaannisa 3:6

Asappe yelettidaagee asa; Ayyaanaappe yelettidaagee ayyaana;

Roome 8:9

SHin Xoossaa Ayyaanai inttenan de7ikko, Geeshsha Ayyaanai giyoogaadan de7eetappe attin, intte asatettai koyiyoogaadan de7ekketa. SHin ooninne Kiristtoosa Ayyaanai bainnaagaa gidikko, he urai Kiristtoosabaa gidenna.

Koiro Qoronttoosa 15:48

Biittaageeti biittaappe merettidaagaa mala. Qassi saluwaageeti saluwaappe yiidaagaa mala.

Koiro Qoronttoosa 2:14

SHin Geeshsha Ayyaanai bainna asi Xoossaa Ayyaanaa yohuwaa ekkenna; aissi giikko, hegee ayyo eeyyatetta. Yohoi Geeshsha Ayyaanan qorettiyo gishshau, i eranau danddayenna.

Naa77antto Qoronttoosa 10:3

Aissi giikko, nuuni ha sa7an de7ikkokka, ha sa7aa asadan olettokko.

Galaatiyaa 5:17

Aissi giikko, nu asatettai amottiyoobaa Geeshsha Ayyaanai ixxees; qassi Geeshsha Ayyaanai amottiyoobaa nu asatettai ixxees; hageeti issoi issuwaara ixettoosona. Hegaa gishshau, intte dosiyoobaa oottanau danddayekketa.

Efisoona 5:9

Aissi giikko, poo7oi lo77otettaa, xillotettaanne tumatettaa ubbaa aifees.