Roome 8:19 - Wolaytta Bible

¹⁹ Xoossai medhdhido mereta ubbai Xoossaa naati qonccanaagaa daro laamoti uttiis.

Roome 8:19 Iomraidhean Croise

Isiyaasa 65:17

GODAI hagaadan yaagees; “Be7ite, taani ooratta salotanne ooratta sa7aa medhdhais; kasebai ubbai hassayettennanne qofettenna.

Hoose7a 1:10

“Israa7eela asai makkanaunne qoodanau danddayettenna abbaa shafe keena gidana. Etau, 'Intte ta asa gidekketa' geetetti odettidosan, 'Intte de7o Xoossaa naata' geetettana.

Maatiyoosa 5:9

Asa sigettiyaageeti anjjettidaageeta; aissi giikko, Xoossai eta, ba naata giidi xeesana.

Yohaannisa 1:12

SHin i bana shiishshi ekkida ubbatuyyo, ba sunttan ammanidaageetuyyo, Xoossaa naata gidana mala, maataa immiis.

Yesuusi Kiittidoogeetu Oosuwaa 3:21

Xoossai hananabaa yootiya ba geeshshatu doonan benippe doommidi haasayidoogaadan, ubbabai ooraxxiyo wodee gakkanaassi, Yesuusi saluwan gam77anau bessees.

Roome 8:14

Xoossaa Ayyaanai kaalettiyo ubbati Xoossaa naata.

Roome 8:16

Xoossaa Ayyaanai ba huuphen nu ayyaanaara gididi, nuuni Xoossaa naata gidiyoogaa markkattees.

Roome 8:18

Aissi giikko, nuuni ha77i waayettiyo waayiyaa nuuyyo sinttappe qonccana bonchchuwaara giigissanau, mulekka danddayettenna gaada taani qoppais.

Roome 8:23

Qassi hegaa xalaala gidenna; shin nuuni, Geeshsha Ayyaanaa Xoossaa baira imodan oottidi ekkidaageeti, nu huuphen qassi Xoossai nuna ba naata oottanaadaaninne nu kumetta asatettaa wozanaadan naagiiddi, nu giddon ooloos.

Roome 9:26

‘Intte ta asa gidekketa’ giyoogaa eti siyido he sohuwan, eti, ‘De7o Xoossaa naata’ geetettidi xeesettana” yaagees.

Koiro Qoronttoosa 1:7

Hegaadan intte nu Godaa Yesuus Kiristtoosa yuussaa naagishin, ayyaana imuwaappe harai atto issoinne inttessi paccenna.

Koiro Qoronttoosa 1:8

Qassi nu Godaa Yesuus Kiristtoosa gallassan intte borettennaageeta gidanaadan, wurssettai gakkanaassi i inttena minttana.

Naa77antto Qoronttoosa 6:18

Qassi taani intteyyo aawa gidana; inttekka taayyo attuma naatanne macca naata gidana. Taani Ubbaappe Wolqqaama Godai hagaa odais” yaagiis.

Galaatiyaa 3:26

Intte ubbai ammanuwaa baggaara Kiristtoos Yesuusan Xoossaa naata.

Piliphphisiyuusa 1:20

Ta gita amoinne Xoossaappe ekkana gaada taani ufaissan naagiyo naagoi aibee giikko, taani paxa de7inkka woi haiqqinkka yayyennan, kaseegaadan ha77ikka ta kumetta asatettan Kiristtoosi bonchchettanaagaappe attin, taani harai atto issibankka yeellatennan attanaassa.

Qolasiyaasa 3:4

Intteyyo de7o gidida Kiristtoosi qoncciyo wode, he wode inttekka aara bonchchuwan qonccana.

Ibraawe 12:27

“Issitoo gujjada” giya qaalai qaaxxennabai minnidi de7ana mala, merettidabai qaaxxanaagaanne kichchanaagaa geeshshidi bessees.

Koiro PHeexiroosa 1:13

Hegaa gishshau, oosuwaa oottanau intte wozanan qoppi uttite; minnite. Yesuus Kiristtoosi beettiyo wode aaro kehatettaa ekkana giidi, kumetta ufaissan naagi uttite.

Koiro PHeexiroosa 1:7

Hegee harai atto, taman yeggin xayiya worqqappekka intte ammanoi daro al77onne bali bainnaagaa gidiyoogaa bessanaassa; yaatidi Yesuus Kiristtoosi beettiyo wode, galataa, bonchchuwaanne sabaa intte ekkana.

Koiro Yohaannisa 3:1

Nuuni Xoossaa naata geetettidi xeesettana mala, Xoossai nuna ai keenaa siiqidaakkonne be7ite. Nuuni tumukka a naata. Ha sa7ai Xoossaa erenna gishshau, nunakka erenna.

Koiro Yohaannisa 3:2

Ta siiqotoo, ha77i nuuni Xoossaa naata; nuuni ai hananaakko biron erettibeenna; shin Kiristtoosi qoncciyo wode, nuuni a milatanaagaa eroos. Aissi giikko, i tumu de7iyoogaa nuuni be7ana.

Ajjuutaa 21:7

Xooniya urai ooninne hagaa ubbaa laattana. Taani ayyo Xoossaa gidana; ikka ta na7a gidana.