Roome 4:20 - Wolaytta Bible

^20-21 Xoossaa i bonchchiiddi, au immana giida Xoossai qassi polanau danddayiyoogaa loittidi erees; eridi ba ammanuwan minnidoogaappe attin, ammanennan ixxidi, Xoossai immana giidoogaa siribeenna.

Roome 4:20 Iomraidhean Croise

Doomettaabaa 15:6

Abraami GODAA ammaniis; GODAI hegaa ayyo xillotettadan qoodiis.

Kawotu Maxaafaa Naa77anttuwaa 7:19

He wode he halaqai Elssaa7eyyo, “Be7a, GODAI salotu maskkootiyaa dooyiyaakkonne hegee hanenna” yaagidi zaariis. Yaagin Elssaa7i, “Neeni hegaa ne aifiyan be7ana; shin appe ainne maakka” yaagidi zaariis.

Kawotu Maxaafaa Naa77anttuwaa 7:2

Kawuwaassi matattiya halaqai Xoossaa asayyo, “Be7a, GODAI salotu maskkootiyaa dooyiyaakkonne hegee hanenna” yaagiis. Yaagin Elssaa7i zaaridi, “Neeni hegaa ne aifiyan be7ana; shin appe ainne maakka” yaagiis.

Isiyaasa 35:4

Wozanan yashshai de7iyoogeeta, “Minnite! Yayyoppite! Be7ite, intte Xoossai haluwaa kessanaunne ba xoossatettan eta qaxxayanau yaana; yiidi i inttena ashshana” yaagite.

Isiyaasa 7:9

Qassi Samaaree Efireema biittau huuphe; Ramaaliyaa na7ai Samaariyaa katamaayyo huuphe; intte ammanuwan minnidi eqqennan xayikko, inttekka eqqekketa” yaagees.

Daaneela 10:19

Yaatidi tana, “Laa, Xoossai keehi siiqido bitaniyau, ainne yayyoppa! Saroi neeyyo gido. Ha77i simmi minna; ee minna” yaagiis. I hegaadan gin, taani minnaas; minnada, “Ta godau, neeni tana minttido gishshau, ha77i oda” yaagaas.

Daaneela 11:32

Maachchaa koliyaageeta i ba cimo qaalan ba bagga oottana; shin bantta Xoossaa eriya asai minnananne aara eqettana.

Hagge 2:4

“'Gidikkonne, Zarubaabeelaa, ha77i minna! Taani GODAI hagaa odais. Yoxedeeqa na7au, qeese ubbatu halaqau Yaasuu, neenikka minna! Biittan de7iya asa ubbau, inttekka minnite! Minnidi oottite; aissi giikko, taani inttenaara de7ais. Taani Ubbaappe Wolqqaama GODAI hagaa odais.

Zakkaariyaasa 8:13

Inttenoo Yihudaa asatoo, inttenoo Israa7eela asatoo, kawotettatu giddon intte qanggettidaageeta gididi de7ideta; shin ha77i taani inttena ashshana; inttekka anjjettidaageeta gidana. Yayyoppite! Intte kushiyaakka minttite!” yaagees.

Zakkaariyaasa 8:9

Ubbaappe Wolqqaama GODAI hagaadan yaagees; “Inttenoo, Ubbaappe Wolqqaama GODAA Beeta Maqidasiyaa baasuwaa baasiyo gallassappe doommidi, hananabaa yootiyaageeti odido qaalaa siyidaageetoo, intte kushiyaa minttidi polite.

Maatiyoosa 9:8

SHin daro asai hegaa be7idi yayyiis; yayyidi asaayyo hagaa mala alaafetettaa immida Xoossaa galatiis.

Luqaasa 1:18

Zakkaariyaasi, “Taani cima; ta machchiyaanne ceeggaasu; hegaa ta aibin eranee?” yaagidi, kiitanchchaa oichchiis.

Luqaasa 1:45

Godai neeyyo odido qaalai polettanaagaa ammanidaara neeni anjjettidaaro” yaagada Mairaamissi odaasu.

Koiro Qoronttoosa 16:13

Tishshi giite. Ammanuwan minnite. Xalite. Minnite.

Naa77antto Qoronttoosa 12:10

Taani Kiristtoosa gishshau daafuriyoogan, asan cayettiyoogan, waayettiyoogan, yedetettiyoogan, metootiyoogan ufaittais; aissi giikko, taani daafuriyo wode, he wode minnais.

Efisoona 6:10

Wurssettan, Godaaninne a gita wolqqan minnite.

Naa77antto Ximootiyoosa 2:1

Simmi ta na7au, Kiristtoos Yesuusan de7iya aaro kehatettan minna.

Sameela Maxaafaa Koiruwaa 30:6

Asai Daawita shuchchan caddanau haasayido gishshau, Daawiti keehippe tuggatiis; aissi giikko, a asai ubbai ba attuma naatunne macca naatu gishshau, keehippe yiillotiis; shin Daawiti GODAN ba Xoossan minettiis.