Roome 3:4 - Wolaytta Bible

⁴ Mulekka hegaa gidenna; asai ubbai worddanchcha gidikkokka, Xoossai giyoogee tuma gidanau bessees; Xoossaa maxaafai, “Neeni haasayiyo wode, neeni xillo gidiyoogaa erissanau koshshees; neeni mootettiyo wode, shatimmanau bessees” yaagees.

Roome 3:4 Iomraidhean Croise

Iyyooba Maxaafaa 36:3

Taani ta eraa zaassada ehais; tana Medhdhidaagee xillo gidiyoogaa taani nena erissana.

Iyyooba Maxaafaa 40:8

Neeni tana mooranchcha kessana hanai? Neeyyo xillo gidanau, tana worddo kessai?

Mazamure Maxaafaa 100:5

Aissi giikko, GODAI keha. Aggenna a siiqoi merinaassa; i yeletaappe yeletaa gakkanaassi ammanettiyaagaa.

Mazamure Maxaafaa 116:11

Taani dagammada, “Asi ubbi worddo” yaagaas.

Mazamure Maxaafaa 119:160

Ne qaalai koirokka tuma; ne xillo pirddai ubbaikka merinau de7ees.

Mazamure Maxaafaa 138:2

Ne geeshsha Beeta Maqidasiyaakko simmada ziggaidda, aggenna ne siiquwaanne ne tumatettaa gishshau, taani ne sunttaa galatais; aissi giikko, neeni ne sunttaanne ne qaalaa ubbaappe aattada xoqqu oottadasa.

Mazamure Maxaafaa 51:4

Taani nena, ne xalaalaa naaqqadis; ne aifiyaa sinttan iitabaa oottaas. Hegaa gishshau, haasayaiddakka neeni likke; pirddaiddakka neeni xillo.

Mazamure Maxaafaa 62:9

Asi ubbi issiton shemppiyo carkko mala; xoqqin ziqqin, asi hada. Meezaanan wottinkka eti ainne deexxokkona; eti issiton shemppiyo carkkoppekka kauyyoosona.

Mikiyaasa 7:20

Neeni beniisappekka doommada nu maizza aawatussi geppada caaqqidoogaadan, Abrahaamanne Yaaqooba zare gidida ne asaassi ne ammanettiyoogaanne ne aggenna siiquwaa bessana.

Maatiyoosa 11:19

Taani, Asa Na7ai, maiddanne uyaidda yin, eti tana, ‘Ha yoraanne woine eessaa uyiyaagaa be7ite; giiraa ekkiyaageetuuranne nagaranchchatuura siiqettees’ yaagoosona; shin Xoossaa aadhdhida eratettai ba oosuwan tuma gididi beettees” yaagiis.

Luqaasa 20:16

Yiidi, he kottaa oottiyaageeta wori wurssidi, woiniyaa turaa kottaa oottiya hara asau immana” yaagiis. Asai hegaa siyidi, “Hegee hanoppo” yaagiis.

Yohaannisa 3:33

A markkatettaa ekkiya ooninne Xoossai tumanchcha gidiyoogaa hegan markkattees.

Roome 11:1

Yaatin, Xoossai ba asaa ixxideeyye gaada oichchoo? Mulekka gidenna; aissi giikko, taani ta huuphen Israa7eela asa; Abrahaama zare; Biniyaama qommo.

Roome 11:11

Yaatin, Aihudati xubettido wode, denddennaadan kunddidonaayye gaada oichchoo? Mulekka gidenna; shin eti nagaraa oottido gishshau, atotettai eti Aihuda gidenna asata qanaatanaadan, Aihuda gidenna asau yiis;

Roome 3:31

Yaatin, nuuni higgiyaa ammanuwan gaxi sugiyoo? Gidenna; higgiyaa minttoosippe attin.

Roome 6:15

Yaatin, waananee? Xoossaa aaro kehatettaappe garssaara de7iyoogaappe attin, higgiyaappe garssaara deenna gishshau, nagara oottanee? Akkai;

Roome 6:2

Akkai; nuuni nagara ooso baggaara gidikko haiqqiichchida; yaatin, nuuni hagaappe sinttau waati a giddon de7anee?

Roome 7:13

Yaatin, lo77obai tau haiqo ehiidee? Mulekka gidenna; shin tau hegaa nagarai ehiis; asai nagari aibakko shaakkidi erana mala, nagarai lo77oban go7ettidi, tau haiqo ehiis; qassi azazoi, “Ooninne nagara oottanau bessenna” yaagiyo gishshau, nagarai kaseegaappe aadhdhi iitiis.

Roome 7:7

Yaatin, nuuni woiganee? Higgee ba huuphen nagaree? Mulekka gidenna; shin higgee nagari aibakko tana erissiis; aissi giikko, taani higgee, “Asabaa amottoppa” geennaakko, asabaa amottiyoogee aibakko erikke;

Roome 9:14

Yaatin, nuuni woiganee? Xoossai moori pirddii? Mulekka gidenna.

Koiro Qoronttoosa 6:15

Intte bollai Kiristtoosa bollaappe shaahettidaagaa gidiyoogaa intte erekketii? Yaatin, taani Kiristtoosa bollaappe shaahettidaagaa efaada, shaaramuxa bolla oottoo? Hanenna!

Naa77antto Qoronttoosa 1:18

SHin Xoossai ammanettidaagaa gidiyoogee tuma gidiyoogaadan, nuuni intteyyo yootiyo qaalai “Ee” nne “CHii” nne giyoogaa gidenna.

Galaatiyaa 2:17

SHin nuuni Kiristtoosan xillanau koyiyaageeta gidiiddi, nu huuphen nagaranchcha gidi beettikko, yaatin Kiristtoosi nagaraa tamaarissiyaagee? Hegee mulekka worddo!

Galaatiyaa 2:21

Taani Xoossaa aaro kehatettaa ixxikke; asai higgiyaa baggaara xillotetta demmiyaabaa gidikko, yaatin Kiristtoosi coo mela haiqqiis yaagiyoogaa.

Galaatiyaa 6:14

SHin sa7ai taayyo kaqettin, taanikka sa7aayyo kaqettido Yesuus Kiristtoosa masqqaliyaappe attin, taani ceeqettiyoobi harabai taappe haakko.

Zaarettido Wogaa 32:4

I nu zaallaattenne, a oosuwan wotoi baa; a oge ubbaikka suure. Nu Xoossai ammanettiyaagaanne iitatettai bainnaagaa; i tumanchchanne suure.

Koiro Ximootiyoosa 3:16

Nu ammanuwaa xuurai gita gidiyoogaa ooninne kashi gaanau danddayenna. Kiristtoosi ashuwan qoncciis; i xillo gidiyoogaa Geeshsha Ayyaanai markkattiis. Kiitanchchatikka a be7idosona; Aihuda gidenna asai abaa yootin siyiis. Sa7an de7iya asai a ammaniis; bonchchuwan i saluwaa biis.

Tiitu 1:2

Worddotenna Xoossai nuuyyo ha merinaa de7uwaa daro wodiyaappe kase immana giis.

Ibraawe 6:18

Xoossai worddotanau danddayenna ha naa77u laamettenna yohotun, i immana giido nu sinttan de7iyaagaa oiqqanau baqatida nuuyyo gita minttettoi de7ees.

Koiro Yohaannisa 5:10

Xoossaa Na7aa ammaniya uraa wozanan ha markkatettai de7ees. Xoossaa ammanenna urai ooninne Xoossai ba Na7aayyo markkattido markkatettaa ammanibeenna gishshau, Xoossaa worddanchcha oottiis.

Koiro Yohaannisa 5:20

Nuuni tumu Xoossaa eranaadan, Xoossaa Na7ai yiidoogaanne nuuyyo akeekaa immidoogaa eroos. Nuuni tumu Xoossaa giddon, a Na7aa Yesuus Kiristtoosa giddon de7eettees; i tumu Xoossaanne merinaa de7uwaa.

Ajjuutaa 3:7

“Pilaadelifiyan de7iya woosa keettaa kiitanchchaayyo hagaadan yaagada xaafa; ‘Daawita qulppiyaa oiqqidaagee, ooninne gorddanau danddayennaadan dooyiyaagee, qassi ooninne dooyanau danddayennaadan gorddiyaagee geeshshai, tumanchchai hagaadan yaagees.