Roome 2:17 - Wolaytta Bible

¹⁷ SHin neeni nena Aihuda gaasa; higgiyan zemppada Xoossan ceeqettaasa;

Roome 2:17 Iomraidhean Croise

Mazamure Maxaafaa 135:4

GODAI Yaaqooba ba huuphessi, Israa7eela asaakka bau buzo oottidi dooriis.

Isiyaasa 45:25

SHin Israa7eela zerettai ubbai GODAN, xoonuwaanne bonchchuwaa demmana.

Mikiyaasa 3:11

A halaqati mattaayiyan pirddoosona; a qeeseti damoozan tamaarissoosona; qassi a hananabaa yootiyaageetikka miishshaa qanxxin murunnoosona. SHin yaatidikka, “GODAI nu giddon de7ees gidennee? Nu bolli aiba iitabaikka yeenna” yaagidi an ammanettoosona.

Sofonaasa 3:11

He wode intte ta bolli makkalidi oottido oosotu gaasuwan yeellatekketa; aissi giikko, otorettiyaanne ayyiyaageeta taani intte giddoppe diggarggana. Qassi inttekka hagaappe sinttan ta geeshsha deriyan otorettekketa.

Maatiyoosa 3:9

Intte intte wozanan, ‘Abrahaami nu aawaa’ giidi qoppoppite. Aissi giikko, taani inttessi yootais; Xoossai ha shuchchata Abrahaamassi na7a kessanaukka danddayees.

Luqaasa 10:28

Yaagin Yesuusi a, “Neeni giyoogee tuma; hegaa ootta; neeni merinau de7ana” yaagiis.

Yohaannisa 5:39

“Xoossaa maxaafatuppe merinaa de7uwaa demmiyoobaa intteyyo milatin, eta xanna7eeta; etikka tabaa markkattoosona.

Yohaannisa 5:45

“Taani Aawan inttena mootiyoobaa intteyyo milatoppo; inttena intte demmana giidi ufaissan naagiyo Muusee mootana.

Yohaannisa 7:19

Muusee intteyyo higgiyaa immibeennee? SHin intteppe issoinne higgiyaa naagenna. Tana aissi woranau koyeetii?” yaagiis.

Yohaannisa 8:33

Eti zaaridi, “Nuuni Abrahaama zare; nuuni ooyyookka ailletibookko. Yaatin neeni woigada, ‘Ailletettaappe intte kiyana’ gai?” yaagidosona.

Yohaannisa 8:41

Intte intte aawai oottidoogaa ootteeta” yaagiis. Eti zaaridi, “Nuuni shaaramuxan yelettibookko; nuuyyo issi Aawai, Xoossaa xalaalai de7ees” yaagidosona.

Roome 2:23

Xoossaa higgee neeyyo de7iyo gishshau, neeni ceeqettaasa; shin he higgiyaa menttada Xoossaa yeellayai?

Roome 3:27

Yaatin, nuuni aibau ceeqettanee? Aibikka baawa; ai gaasotaanee? Nuuni higgiyau azazettiyoogaanee? Akkai; ammanuwaa higgiyaanappe attin.

Roome 9:32

Aissi demmibookkonaa? Eti oosuwaanappe attin, ammanuwan xillotettaa koyibeenna gishshassa. Eti Xoossaa maxaafai, “Akeekite; taani Xiyoonen asaa xubbiya shuchchaa, eta ooggiya zaallaa wottana. SHin aani ammaniya ooninne yeellatenna” yaagidi haasayiyo xubbiya shuchchan xubettidosona.

Naa77antto Qoronttoosa 11:22

Eti Ibraawetee? Taanikka Ibraawe. Eti Israa7eela asee? Taanikka Israa7eela asa. Eti Abrahaama zaree? Taanikka qassi Abrahaama zare.

Galaatiyaa 2:15

Nuuni yeletan Aihuda; nagaranchcha gidida Aihuda gidenna asata gidokko.

Efisoona 2:11

Hegaa gishshau, inttenoo zariyan Aihuda gidenna asatoo, bantta asatettaa bolli kushiyan oosettidoogan, banttana qaxxarettidaageeta giya Aihudati, qaxxarettibeennaageeta giidi xeesiyoogeetoo, intte kase oonakko akeekite.

Ajjuutaa 2:9

““‘Taani ne waayiyaanne ne hiyyeesatettaa erais; shin neeni dure. Aihuda gidennan de7iiddi banttana, ‘Nuuni Aihuda’ giyaageeti cayiyo cashshaa taani erais; shin eti Seexaanaa maabaran de7oosona.

Ajjuutaa 3:1

“Sarddeesan de7iya woosa keettaa kiitanchchaayyo hagaadan yaagada xaafa; ‘Xoossaa ayyaana laappunatinne laappun xoolintteti de7iyoogee hagaadan gees. “ ‘ “Taani ne oosuwaa erais; asi nena paxa de7aasa giikkokka, neeni haiqqadasa.

Ajjuutaa 3:9

Be7a, Aihuda gidokkona shin banttana, ‘Nuuni Aihuda’ giidi worddotiya Seexaana Aihuda woosa keettata taani ehaada, ne sinttan goinissananne nena siiqiyoogaakka eta erissana.