Roome 12:9 - Wolaytta Bible

⁹ Intte siiqoi asa bessanau siiqettiyoobaa gidanau bessenna; iitabaa ixxite; lo77obaa minttidi oiqqite;

Roome 12:9 Iomraidhean Croise

Mazamure Maxaafaa 101:3

Taani ta aifiyan pokkobaa xeellikke. Xoossaappe wora simmida asatu oosuwaa ixxais; eti mulekka tanaara gidokkona.

Mazamure Maxaafaa 119:104

Ne wogaappe akeekaa demmaas; hegaa gishshau, taani geella oge ubbaa ixxais.

Mazamure Maxaafaa 119:163

Taani wordduwaa ixxaisinne shenetais; shin ne higgiyaa siiqais.

Mazamure Maxaafaa 34:14

Iitaappe shaahetta; lo77obaa ootta; sarotettaa keehi koyada kaalla.

Mazamure Maxaafaa 36:4

I ba hiixan de7iiddikka genebaa oottanau halchchees. I lo77o gidenna ogiyan eqqiis; i iitabaa ixxenna.

Mazamure Maxaafaa 45:7

Neeni xillotettaa siiqaasa; naaquwaa ixxaasa. Xoossai, ne Xoossai, nena ne laggetuppekka aattidi, ufaissaa zaitiyaa tiyidoogee hegaassa.

Mazamure Maxaafaa 55:21

A haasayai oissaappekka aadhdhida shugo; shin ba wozanan morkkiis. A qaalati zaitiyaappekka aadhdhidi woppissidosona; shin qara bisuwaadan qanxxidosona.

Mazamure Maxaafaa 97:10

GODAI iitaa ixxiyaageeta siiqees. I Xoossaa asata naagees; qassi eta iitatu kushiyaappe ashshees.

Leemiso Maxaafaa 26:25

A wozanan laappun tunatettai kumi uttido gishshau, i lo77o qaalaa haasayikkokka a ammanoppa.

Leemiso Maxaafaa 8:13

Godaassi yayyiyoogee iitatettaa ixxiyoogaa; taani otoruwaanne ayyuwaa ixxais; iitasaa efiya ogiyaanne worddo haasayaa dosikke.

Hizqqeela 33:31

Eti kase asai yiyoogaadan neekko yoosona; ta asaadan ne sinttan uttoosona; neeni odiyoogaakka siyoosona; shin oottokkona. Eti siiqobaa haasayoosona; shin eta wozanai go77a xalaalau yaaretees.

Amoxa 5:15

Iitabaa ixxite. Lo77obaa dosite. Pirddaa gutarankka suure pirddaa pirddite. Yaatikko, ooni erii, GODAI, Ubbaappe Wolqqaama Xoossai Yooseefa zerettatuppe attida amaridaageetussi qarettanaakkonne.

Maatiyoosa 26:49

Sohuwaarakka Yesuusakko shiiqidi, “Tamaarissiyaagoo, saro de7ai” yaagidi a yeri ekkiis.

Yohaannisa 12:6

I kaiso gidido gishshau, hegaa giisippe attin, hiyyeesau qarettidi gibeenna; i miishshaa qarcciitaa oiqqiyaagaa gidiyo gishshau, ubba wode appe baayyo ekkees.

Yesuusi Kiittidoogeetu Oosuwaa 11:23

Barnnaabaasi Anxxookiyaa biido wode, Xoossaa aaro kehatettaa oosuwaa be7idi ufaittiis; eti ubbaikka Godan bantta kumetta wozanaappe minnidi de7anaadan, eta zoriis.

Naa77antto Qoronttoosa 6:6

geeshshatettan, eratettan, danddayan, kehatettan, Geeshsha Ayyaanan, tumu siiquwan,

Naa77antto Qoronttoosa 8:8

Taani hegaa azazanau giikke; shin haratu gita amuwaa baggaara intte siiqoi ai keena tumakko eranau gais.

Koiro Tasalonqqe 2:3

Nuuni inttena woossiyoogee balan woi tunatettan woi geniyan gidenna.

Koiro Tasalonqqe 5:15

Ooninne iitaa gishshaa iitaa zaarenna mala naagettite; shin issoi issuwaayyoonne qassi asa ubbaayyo lo77obaa oottanau minnite.

Koiro Tasalonqqe 5:21

Ubbabaakka paaccite. Lo77obaa oiqqite.

Koiro Ximootiyoosa 1:5

Ha azazuwau waanna qofai geeshsha wozanaappe, lo77o zoriya wozanaappe, asi be7o giyoobi bainna ammanuwaappe beettiya siiquwaa denttettanaassa.

Ibraawe 1:9

Neeni xillotettaa siiqadasa; naaquwaa ixxadasa. Xoossai, ne Xoossai nena ne laggetuppe aattidi, ufaissa zaitiyaa tiyidoogee hegaassa” yaagees.

Ibraawe 12:14

Asa ubbaara saro de7anau minnite; qassi geeshsha de7uwaa de7ite. Aissi giikko, hegee bainnan ooninne Godaa be7anau danddayenna.

Yaaqooba 3:17

SHin bollappe yiya aadhdhida eratettai ubbaappe kase geeshsha. Qassi sarotetta, ashkkenne ero giyaagaa; qassi maarotettinne lo77o aifee kumidoogaa. Sireenne lo77o milatiya iitatetti bainnaagaa.

Koiro PHeexiroosa 1:22

Tumatettaayyo intte azazettiyoogan, lo77o milatiya iitatetti bainnan, intte ishantta siiqanau intte huuphiyaa geeshshidi, issoi issuwaara minttidi wozanappe siiqettite.

Koiro PHeexiroosa 4:8

Siiqoi daro nagaraa kammiyo gishshau, ubbabaappe aattidi issoi issuwaara wozanappe siiqettite.