Qoodaabaa 8:2 - Wolaytta Bible

² “Neeni Aaroonassi hagaadan yaagada oda; 'Neeni laappun xomppeta wottiyo wode xomppeti xomppiyaa wottiyo ballatuppe sintta baggaara de7iya heerata poo7issona' yaaga” yaagiis.

Qoodaabaa 8:2 Iomraidhean Croise

Mazamure Maxaafaa 119:105

Ne qaalai ta gediyaassi xomppe, ta ogiyaassikka poo7o.

Mazamure Maxaafaa 119:130

Ne qaalaa birshshettai poo7uwaa immees; akeekai paccidoogeetussi akeekaa immees.

Kessaabaa 25:37

“Hegaappe guyyiyan, xomppiyaa wottiyo ballau laappun xomppeta giigissada, eti sinttaa poo7ana mala xoqqu oottada wotta.

Kessaabaa 37:23

I qassi xomppiyaa wottiyo ballau laappun xomppeta, xomppiyaa toissiyo qaphetanne eta wottiyoobata walahi bainna worqqaappe medhdhiis.

Kessaabaa 39:37

walahi bainna worqqaappe oosettida xomppiyaa wottiyo ballaanne an maaran de7iya xomppeta, eta miishshata ubbaanne xomppiyaa zaitiyaa,

Kessaabaa 40:25

qassi xomppeta GODAA sinttan oittiis.

Isiyaasa 8:20

Higgiyaanne GODAI yootiyoobaa siyite! He asati ha qaalaadan haasayana xayikko, etau sa7ai wonttenna.

Wogaabaa 24:4

Xomppiyaa wottiyo, walahi bainna worqqa ballaa bolli de7iya xomppeti GODAA sinttan ubba wode eexxanaadan Aarooni naago.

Qoodaabaa 8:1

GODAI Muusa,

Qoodaabaa 8:3

Yaagin i giidoogaadan Aarooni oottiis. GODAI Muusa azazidoogaadan, Aarooni xomppeta wottiyo ballatuppe sintta baggaara de7iya heerata poo7issanaadan oottidi, ballatun wottiis.

Maatiyoosa 5:14

“Sa7au intte poo7o mala; deriyaa huuphiyan keexettida katamai geemmana danddayenna.

Yohaannisa 1:9

Asa ubbau poo7issiya tumu poo7oi sa7aa yees.

Naa77antto PHeexiroosa 1:19

Qassi hegaappe keehi aadhdhiya hananabaa yootiyaageeti haasayido nuna keehi ammanttiya qaalai nuuyyo de7ees; intte he qaalaa naagiyaabaa gidikko loittideta. Aissi giikko, hegee sa7ai wonttana gakkanaassinne maallado xoolinttiyaa poo7oi intte wozanan poo7ana gakkanaassi, xuman poo7iya poo7uwaa mala.

Ajjuutaa 1:12

Taani taayyo yootiya cenggurssaa be7anau guyye simmaas; simmada xomppiyaa wottiyo laappun worqqa ballata be7aas.

Ajjuutaa 1:20

Neeni ta ushachcha kushiyan be7ido laappun xoolinttetu birshshettainne qassi xomppeta wottiyo laappun worqqa ballatu birshshettai hagaa; laappun xoolintteti laappun woosa keettatu kiitanchchata; laappun worqqa ballati laappun woosa keettata.

Ajjuutaa 4:5

Kawotaa araataappe wolqqanttai, kooshinchchainne dadaa gunttai kiyees; qassi kawotaa araataa sinttan laappun xomppeti poo7oosona. Hegeeti Xoossaa laappun ayyaanata.