Qoodaabaa 6:25 - Wolaytta Bible

²⁵ GODAI intteyyo ba som77uwaa poo7issonne intteyyo qaretto;

Qoodaabaa 6:25 Iomraidhean Croise

Doomettaabaa 43:29

I ba aayee na7aa Biniyaama be7ido wode eta, “Intte yootido wurssetta kaalo intte ishai hagee?” yaagiis. Qassi i Biniyaama, “Ta na7au, nena Xoossai anjjo” yaagiis.

Mazamure Maxaafaa 119:135

Ta bolli, ne ashkkaraa bolli, ne som77uwaa poo7issa; ne awaajjuwaakka tamaarissa.

Mazamure Maxaafaa 21:6

Neeni ayyo merinaa anjjuwaa immaasa; ne achchan de7iyo ufaissan a ufaissaasa.

Mazamure Maxaafaa 31:16

Ne ashkkaraa bollan ne som77uwaa poo7issa; aggenna ne siiquwan tana ashsha.

Mazamure Maxaafaa 4:7

Neeni ta wozanan gita ufaissaa kunttadasa. Hegeenne, katta aifeenne ooratta woiniyaa eessai banttayyo darin ufaittiyaageeta ufaissaappekka dariyaagaa.

Mazamure Maxaafaa 67:1

Xoossai nuuyyo qarettonne nuna anjjo; ba som77uwaa nu bollan poo7isso.

Mazamure Maxaafaa 80:19

Abeet Ubbaappe Wolqqaama GODAU Xoossau, nuna zaara; nuuni attanaadan, ne som77uwaa nuussi poo7issa.

Mazamure Maxaafaa 80:7

Abeet Ubbaappe Wolqqaama Xoossau, nuna zaara; nuuni attanaadan, ne som77uwaa nuussi poo7issa.

Mazamure Maxaafaa 86:16

Taakko simmada taayyo qaretta. Ne ashkkaraayyo wolqqaa imma; ne ashkkaree na7aa tana ashsha.

Kessaabaa 33:19

Yaagin GODAI, “Taani ta phooliya bonchchuwaa qonccetta ubbaa ne sinttaara kanttissana; ta geeshsha sunttaakka ne achchan awaajjana. Taani GODAA; taani maaranau koyiyoogeeta maarana; qassi qarettanau koyiyoogeetuyyookka qarettana.

Daaneela 9:17

“Simmi ha77i nu Xoossau, taani ne ashkkarai woossiyo woosaanne watiwatuwaa siya. Godau, ne sunttaa gishshau gaada, ha kolettida ne Beeta Maqidasiyaa ne keha aifiyan xeella.

Milkkiyaasa 1:9

Qassikka Ubbaappe Wolqqaama GODAI hagaadan yaagees; “Xoossai intteyyo qarettana mala, ha77i a woossite. Woni intte hegaa mala imotaa ayyo immin, i inttena maaddanee?” yaagees.

Yohaannisa 1:17

Aissi giikko, Xoossai higgiyaa Muuse baggaara immiis; shin aaro kehatettainne tumatettai Yesuus Kiristtoosa baggaara yiis.

Roome 1:7

Xoossai siiqiyoogeetuyyoonne geeshsha oottanau xeesido Roome biittan de7iya ubbatuyyo Xoossaa nu Awaappenne Godaa Yesuus Kiristtoosappe aaro kehatettainne sarotettai intteyyo gido.