Qoodaabaa 4:49 - Wolaytta Bible

⁴⁹ GODAI Muuse baggaara azazidoogaadan, eti huuphiyan huuphiyan oottana oosoi woikko tookkana toohoikka etau odettiis. GODAI Muusa azazidoogaadan, eti ubbaikka qoodettidosona.

Qoodaabaa 4:49 Iomraidhean Croise

Qoodaabaa 1:47

SHin Leewa zareti ha qoodettida asaara qoodettibookkona.

Qoodaabaa 1:54

Israa7eelati hagaa ubbaa GODAI Muusa azazidoogaadan oottidosona.

Qoodaabaa 2:33

SHin GODAI Muusa azazidoogaadan, Leewati hara Israa7eelatuura qoodettibookkona.

Qoodaabaa 3:51

shiishshidi GODAI azazido azazuwaadan, Muusee woziyo miishshaa Aaroonayyoonne a attuma naatuyyo immiis.

Qoodaabaa 4:15

“Aarooninne a attuma naati, geeshshabatanne geeshsha miishshata ubbaa kammidi makkobarenne dunkkaanidosaappe denddiyo wodee gakkobare, hegaa ubbaa tookkanau Qahaata yarati yoona. SHin geeshsha miishshata eti bochchoppona; bochchikko haiqqona. Xoossaa Dunkkaaniyaa giddon de7iya he miishshaa Qahaata yarati tookkona.

Qoodaabaa 4:21

GODAI Muusa hagaadan yaagiis;

Qoodaabaa 4:24

“Gershshoona yarati oottiyo oosoinne tookkiyo toohoi hagaa:

Qoodaabaa 4:31

“Eti Xoossaa Dunkkaaniyaa giddon oottana oosoti hageeta: eti Dunkkaaniyaa xagaageta, hiraqota, tuussatanne gedeta,

Qoodaabaa 4:32

qassikka dabaabaa yuushuwan eqqiya tuussata, he tuussatu gedeta, toliyo xisheta, wodorota, hegeetussi koshshiya miishshata ubbaanne he miishshatuura gaittiyaabata ubbaa tookkona. Issi issi uraassi i tookkanabaa shaakkada gisha.

Qoodaabaa 4:37

Qahaata yaratun Xoossaa Dunkkaaniyaa giddon oottida asaa qoodai hagaa. GODAI Muuse baggaara azazidoogaadan, Muuseenne Aarooni eta qoodidosona.

Qoodaabaa 4:41

Gershshoona yaratun Xoossaa Dunkkaaniyaa giddon oottida asaa qoodin hagaa. GODAI Muuse baggaara azazidoogaadan, Muuseenne Aarooni eta qoodidosona.

Qoodaabaa 4:45

Maraara yaratu qoodai hagaa. GODAI Muuse baggaara azazidoogaadan, Muuseenne Aarooni eta qoodidosona.

Qoodaabaa 5:1

GODAI Muusa hagaadan yaagiis;