Qoodaabaa 32:5 - Wolaytta Bible

⁵ Nuuni inttena ufaissidabaa gidikko, ha biittati nuussi intte ashkkaratussi laata gade gididi imettona. Nuna Yorddaanoosa SHaafaa hefintti pinttoppite” yaagidosona.

Qoodaabaa 32:5 Iomraidhean Croise

Doomettaabaa 19:19

Taani intte ashkkarai intte sinttan nashettido gishshau, tana ashshanau taayyo daroppe kehideta. SHin taani deriyaakko baqatanau danddayikke; hagee bashshai gakkidi tana muukkananne taanikka haiqqana.

Sameela Maxaafaa Naa77anttuwaa 14:22

Yaagin Yoo7aabi kawuwaa sinttan lichchi giidi gufannidi, kawuwaa hagaadan yaagidi anjjiis; “Ta godau kawuwau, ne sinttan nashettidoogaa ne ashkkarai hachchi eriis; aissi giikko, kawoi ba ashkkarai oichchidobaa siyiis” yaagiis.

Asttiri Maxaafaa 5:2

Kawiyaa Asttira gelada, giddo dabaaban eqqidaaro kawoi be7iis; be7idi in ufaittido gishshau, ba worqqa xam77aa ikko micciis. Akka shiiqada xam77aa xeeraa bochchaasu.

Ermmaasa 31:2

GODAI hagaadan yaagees; “Bisuwaappe palahida asai taappe aaro kehatettaa bazzuwan demmiis. Israa7eela asai shemppi ekkanau koyido wode,

Qoodaabaa 32:6

Yaagin Muusee Gaada zaretanne Roobeela zareta hagaadan yaagiis; “Hara Israa7eela asai olaa biyo wode, intte hagan uttuuteetii?

Zaarettido Wogaa 1:37

“Intte gaasuwan GODAI ta bollikka hanqqettidi, hagaadan yaagiis; 'Muusee, harai atto neenikka he biittaa gelakka.

Yaasu Maxaafaa 7:7

Yaatin, Yaasu hagaadan yaagiis; “Hai poora! Ubbaa Haariya GODAU, nuna Amoore asaassi aatta immada wurssissanaashin aibissi Yorddaanoosa SHaafaa pinttada ehaadii? Nuuni Yorddaanoosa SHaafaappe hefintta baggan attorkkoniishsha!

Uruti Maxaafaa 2:10

Uruta som77oi sa7aa gakkin hokkada ziggaasu; ziggada, “Taani imatta asa gidikkinaa? Neeni hagaa keenaa taayyo qarettidoogee aibi gishshataassee?” yaagaasu.

Sameela Maxaafaa Koiruwaa 20:3

SHin Daawiti Yonaataana, “Neeni tana siiqiyoogaa ne aawai keehi erees; ne aawai baayyo, 'Yonaataani ha yohuwaa eroppo; erikko i azzanana!' yaagiis. SHin de7o Xoossai ero; ne shemppoi ero; taappenne haiquwaappe gidduwan mexi issi tanggoi attiis” yaagidi caaqqiis.