Qoodaabaa 30:13 - Wolaytta Bible

¹³ I azinai a geppiyo gefaa ubbaa woikko a bana ziqqi oottanau caaqqidobaa ubbaa phalqqanau woikko maayanau danddayees.

Qoodaabaa 30:13 Iomraidhean Croise

Izira Maxaafaa 8:21

Hegaappe guyyiyan, nu Xoossaa sinttan nu huuphiyaa kaushshidi, i nu ogiyan nuuyyo, nu naatuyyoonne nu aqo ubbaayyo sarotettaa immanaadan woossana mala, hegan Ahaawa SHaafaa matan taani xoomaa awaajjaas.

Mazamure Maxaafaa 35:13

SHin taani eti harggido wode, waaruwaa maayaas; ta asatettaa xooman daafurssaas. Ta huuphiyaa ziqqi oottada, ta dabbossi woikko ta ishassi woossiyoogaadan woossaas. Issi asi ba aayeessi kayyottiyoogaadan ta huuphiyaa ziqqissada, yeekkaidda hemettaas.

Isiyaasa 58:5

Taani dooriyo xoomai hagaa maleeyye? Issi asi banatettaa kaushshiyoogee hagaa mala gallassaaneeyye? Qassi taani koyiyo xoomai asi ba huuphiyaa ceeccaadan duge hokissiyoogeeyye? Bidinttaa tisttidi, waaruwaa hiixxidi zin77iyoogeeyye? Yaatin, hegaa xoomaa giidi xeegeetiiyye? Qassi he xoomiyo gallassaikka GODAI ufaittiyo gallassa geetettiiyye?

Wogaabaa 16:29

“Hagee intteyyo merinaukka woga gido: laappuntta aginai gelido tammantta gallassan intte huuphiyaa kaushshite; Israa7eela asaa gidin woi qassi intte giddon de7iya hara biitta asa gidinkka, ai oosonne oottoppite.

Wogaabaa 23:27

“Ha laappuntta aginaayyo tammantta gallassai nagaraa atto giissiyo gallassa; he gallassi geeshsha yaa7aa shiiqite; qassi intte huuphiyaa kaushshite; yaatidi GODAAYYO taman xuuggiyo yarshshuwaa shiishshite.

Wogaabaa 23:32

Hegee intte waanna shemppuwaa shemppiyo Sambbata gallassa. He gallassan intte huuphiyaa kaushshite. He aginan uddufuntta gallassan omarssaappe doommidi, tammantta gallassaa omarssai gakkanaashin, intte Sambbataa bonchchite” yaagiis.

Qoodaabaa 29:7

“'Ha laappuntta aginaayyo tammantta gallassan geeshsha yaa7aa shiiqite; intte huuphiyaa kaushshite; aiba oosokka oottoppite.

Qoodaabaa 30:12

SHin i azinai hegaa siyidi phalqqikko, i gefai woikko a agganau caaqqido caaqoi aibinne polettoppo. I azinai diggido gishshau, GODAI iyyo atto gaana.

Qoodaabaa 30:14

SHin i azinai he gallassi woikko wonttetta gallassi hegaabaa ainne geennan aggikko, i i gefaa ubbaa woikko i caaquwaa ubbaa maayees. I hegaa siyido gallassi co77u giidoogaadan i gefa ubbaa woikko i caaquwaa ubbaa maayi uttiis.

Koiro Qoronttoosa 11:3

SHin Kiristtoosi attumaasa ubbaayyo huuphe gidiyoogaa, attumaasi maccaasassi huuphe gidiyoogaanne qassi Xoossai Kiristtoosassi huuphe gidiyoogaa intte erana mala koyais.

Koiro Qoronttoosa 11:9

Aissi giikko, maccaara attumaagaa gishshau merettaasuppe attin, attumaagee maccaari gishshau merettibeenna.

Koiro Qoronttoosa 7:5

Intte intte huuphen Xoossaa woosan genccanau ha77issi zoretan teqettanaappe attin, issoi issuwaa diggoppite. Intte inttena naagenna gishshau, Seexaanai inttena paaccennaadan, azinadaaninne machchidan de7ite.