Qoodaabaa 3:29 - Wolaytta Bible

²⁹ Qahaata yarati Xoossaa Dunkkaaniyaappe tohossa baggaara dunkkaanoosona.

Qoodaabaa 3:29 Iomraidhean Croise

Qoodaabaa 1:53

SHin GODAA hanqqoi Israa7eela maabaraa bolli wodhdhenna mala, Leewati Xoossaa Dunkkaaniyaa yuushuwan bantta dunkkaaniyaa dunkkaanona; Leewati Xoossaa Dunkkaaniyan aawatona” yaagiis.

Qoodaabaa 2:10

“Qassi tohossa baggaara Roobeela baggai bantta armmaa kaallidi dunkkaanona. Eta zaretu sunttai, zaretu halaqatu sunttainne olanchchatu qoodai hagaappe kaallees: Zariyaa Zaretu Halaqaa Olanchchatu Qoodaa Roobeela SHade7uura na7aa Eliixuura 46,500

Qoodaabaa 3:23

Gershshoona yarati Xoossaa Dunkkaaniyaappe guyye arggo baggaara dunkkaanoosona.

Qoodaabaa 3:28

Yelettoosappe issi aginanne hegaappe bollaara de7iya attumaageeti muleera 8,600. Qahaata yarati Xoossaa Dunkkaaniyaa aawatettaa ekkoosona.

Qoodaabaa 3:30

Qahaata yaratu so asaa halaqai Uzzi7eela na7aa Elxxaafaana.