Qoodaabaa 29:1 - Wolaytta Bible

¹ “'Laappuntta aginaayyo koiro gallassan, geeshsha yaa7aa shiiqite. Daafurssiya ooso aibanne oottoppite. He gallassai xurumbbai punettiyo gallassa.

Qoodaabaa 29:1 Iomraidhean Croise

Hanidabaa Odiya Koiro Maxaafaa 15:28

Hagaadan oottidi, Israa7eela ubbai hombbociiddi, xurumbbaanne malkkataa punniiddi, daalaa qaattiiddinne, diittaanne maazinqqiyaa diixxiiddi, GODAA Maachchaa Taabootaa ehiidosona.

Izira Maxaafaa 3:6

Laappuntta aginan koiro gallassan eti GODAAYYO xuuggiyo yarshshuwaa yarshshiyoogaa doommidosona; shin he wode GODAA Beeta Maqidasiyaa keexxiyo baasoi biron baasettiichchibeenna.

Nahimiyaa Maxaafaa 7:73

Hegaappe guyyiyan qeeseti, Leewati, penggiyaa naagiyaageeti, mazamuriyaa yexxiyaageeti, asaappe darotinne Beeta Maqidasiyaa ashkkarati, muleera Israa7eela ubbai bantta kataman kataman uttidosona.

Nahimiyaa Maxaafaa 8:2

Yaatin, laappuntta aginan koiro gallassan, attumai maccai, akeekanau danddayiya asai ubbai shiiqidosaa Iziri Higgiyaa Maxaafaa ehiis.

Mazamure Maxaafaa 81:3

Aginai xeeriyo wode, goobanaa uttiyo wodenne ayyaana gallassan malkkataa punnite.

Mazamure Maxaafaa 89:15

Abeet GODAU, nena sabbi eriyaageetinne ne som77uwaa poo7uwan heemettiyaageeti anjjettidaageeta.

Kessaabaa 23:16

“Qassi intte intte gaden zerin, koiro gakkida kattaa cakkiyo wode, Kattaa Cakkiyo Baalaa bonchchite. “Qassikka laittaa wurssettan, kattaa aifiyaa gadeppe shiishshiyo wode, SHiishuwaa Baalaa bonchchite.

Kessaabaa 34:22

“Baira zerettida gisttiyaa intte cakkiyo wode, Saaminttatu Baalaa bonchchite; laittaa wurssetta kattaa shiishshiyo wodekka, SHiishuwaa Baalaa bonchchite.

Isiyaasa 27:13

He gallassi gita malkkatai punettana; punettin Asoore biittan xayiyaageetinne Gibxxe biittau goossidaageeti yaana; yiidi Yerusalaamen geeshsha deriyan GODAAYYO goinnana.

Wogaabaa 23:23

GODAI Muusa hagaadan yaagiis,

Wogaabaa 23:7

He gallassatuppe koiro gallassan geeshsha yaa7aa shiiqite; daafurssiya ooso aibanne oottoppite.

Zakkaariyaasa 9:14

He wode GODAI eta bolli qonccana; a zubbeekka wolqqanttaadan wolqqammana. Ubbaa Haariya GODAI malkkataa punnana; tohossa bagga gotee kanttiyoogaadankka kanttana.

Qoodaabaa 28:26

“'Saaminttatu Baalaa gallassan intte GODAAYYO ooratta kattaa shiishshiyo wode, geeshsha yaa7aa shiiqite; daafurssiya ooso aibanne oottoppite.

Qoodaabaa 29:12

“'Laappuntta aginan tammanne ichchashantta gallassan, geeshsha yaa7aa shiiqite; daafurssiya ooso aibanne oottoppite. GODAAYYO Daase Baalaa laappun gallassaa bonchchite.

Qoodaabaa 29:2

GODAA sawuwaa tonggu gaana mala, xuuggiyo yarshshuwaayyo, issi mirgguwaa, issi dorssa orggiyaanne issi laitta gidido laappun dorssa orggeta, ubbaikka tilla bollaara de7iyaageeta, yarshshite.

Qoodaabaa 29:35

“'Hosppuntta gallassan geeshsha yaa7aa shiiqite; daafurssiya ooso aibanne oottoppite.