Qoodaabaa 24:9 - Wolaytta Bible

⁹ Israa7eela asai gaammuwaadan zin77ees. Macca gaammeedan eta denttanau ooni xalanee? Inttena anjjiya ubbai anjjettidaagaa gidana; inttena qanggiya ubbai qanggettidaagaa gidana” yaagiis.

Qoodaabaa 24:9 Iomraidhean Croise

Doomettaabaa 12:3

taani nena anjjiyaageeta anjjana; qassi nena qanggiyaageeta taani qanggana; ha sa7aa bollan de7iya asai ubbai ne baggaara anjjettana” yaagiis.

Doomettaabaa 27:29

Kawotettati neeyyo haarettona; asati neeyyo gulbbatona. Neeni ne ishanttuyyo goda gida; ne aayee zareti neeyyo gulbbatona. Nena qanggiyaagee qanggettidaagaa gido; nena anjjiyaagee anjjettidaagaa gido” yaagiis.

Doomettaabaa 49:9

Yihudau, neeni wodala gaammo. Ta na7au, neeni shankkaappe woridi simmidi, cogochchidi zin77ida gaammo mala. Neeni asi bosherettanau koyenna macca gaammee mala.

Kawotu Maxaafaa Koiruwaa 10:20

He araataa pude kiyiyo usuppun xekkatun ya baggaaranne ha baggaara issi issi gaammo misilee, muleera tammanne naa77u misileti de7oosona. Hagaa mala kawotaa araatai hara kawotettan awaaninne oosettibeenna.

Hanidabaa Odiya Naa77antto Maxaafaa 9:18

Kawotaa araatai de7iyoosaa pude kiyanau yedhdhiyo usuppun xekkati de7oosona. Gediyan yedhdhanau kawotaa araataara gattidi, worqqaappe oottido oidee de7ees. Araatau naa77u baggaarakka qesiyaa zemppissiyo sohoti de7oosona; he naa77u sohotu lanqqiyankka ya baggaaranne ha baggaara eqqida issi issi gaammo misilee de7ees.

Asttiri Maxaafaa 6:13

Biidi bana gakkidabaa ubbaa ba keettaayee Zereeshissinne ba laggetussi yootiis. Yootin eti a, “A sinttan neeni kauyyanau doommido ha bitanee, Marddikiyoosi, Aihuda asa gidikko, ne aara eqettada, a xoonanau mulekka danddayakka; tumuppe i nena xoonana” yaagidosona.

Iyyooba Maxaafaa 41:10

I zin77idosaappe a denttanau ooninne xalenna; yaatin, ta sinttan eqqanau danddayiyai oonee?

Mazamure Maxaafaa 122:6

Yerusalaame sarotettaayyo hagaadan yaagidi woossite; “Nena siiqiyaageetau eti oottiyoobai ubbai injjeto!

Mazamure Maxaafaa 2:12

GODAI hanqqettin, ogiyan intte xayennaadan na7aa yerite; aissi giikko, hanqquwaa eesuwan i eexxi kiyana. Baqati an qosetti attiya ubbati anjjettidaageeta.

Kessaabaa 23:22

I yootiyoobaa intte minttidi ezggikkonne taani yootiyoobaa ubbaa oottikko, intte morkketa ubbaa taani morkkana; inttenaara eqettiyaageetuura taanikka eqettana.

Isiyaasa 31:4

GODAI tana hagaadan yaagees; “Gaammoi woikko wodala gaammoi mehiyaa oiqqidi daariyo wode, daro henttanchchati a bolli xeesetti shiiqikkokka, i eta waasuwaassi dagammenna. Eta wuigiyaassikka yayyenna. Hegaadankka, Ubbaappe Wolqqaama GODAI Xiyoone Deriyaaninne a xoqqan olaa gaittanau duge wodhdhana.

Mikiyaasa 5:8

Yaaqooba zaretu atettati kawotettatu giddon, daro asaa giddon, bazzo do7atu giddon de7iya gaammo malanne dorssaa wudiyaa giddon de7iya wodala gaammo mala gidana. I hegaara kanttiyo wode yereretteesinne mentterettees; ooninne ashshanau danddayenna.

Qoodaabaa 22:12

Yaagin Xoossai Balaama, “Neeni etaara booppa. Israa7eelati anjjettidaageeta gidiyo gishshau, neeni he asaa qanggoppa” yaagiis.

Qoodaabaa 22:6

Eti taayyo keehi wolqqaamiyo gishshau, hayyanaa ha77i yaada, eta taayyo qanggarkkii! Ooni erii, taani eta xoonanaunne biittaappe kessanau danddayanaakkonne. Aissi giikko, neeni anjjidoogee anjjettidaagaanne neeni qanggidoogee qanggettidaagaa gidiyoogaa taani erais” yaagiis.

Qoodaabaa 23:24

Ha asai macca gaammeedan denddiis. Ba oiqqidobaa maana gakkanaashiininne ba woridoogaa suuttaa uyana gakkanaashin, shemppenna gaammuwaadan eti eqqi denddoosona” yaagiis.

Qoodaabaa 24:10

Hegaappe guyyiyan, Baalaaqi Balaama bolli hanqquwaa eexxi kiyiis. Baalaaqi ba kushiyaa dukkidi Balaama, “Ta morkketa qangganaadan taani nena xeesaas; shin neeni ha heezzutookka eta anjjadasa.

Maatiyoosa 25:40

Taani kawoi zaarada, ‘Taani intteyyo tumaa odais; intte ha ta ishanttu ubbaappe harai atto, laafiya issuwaayyo oottidobaa gidikkokka, hegaa tau oottideta’ yaagana.

Maatiyoosa 25:45

“He wode taani kawoi zaarada eta, ‘Taani intteyyo tumaa odais; intte ha ubbaappe laafiya issuwaa maaddennan ixxidoogee, tana maaddennan ixxidoogaa’ yaagana.

Yesuusi Kiittidoogeetu Oosuwaa 9:5

Saa7ooli, “Ta Godau, neeni oonee?” yaagidi oichchiis. Oichchin, “Taani neeni waissiyo Yesuusa. Boorai bana caddiya xam77aa qakkiyoogaadan, neeni qakkikko, nena qohaasa” yaagiis.

Zaarettido Wogaa 30:7

GODAI intte Xoossai ha qanggetta ubbaa intte morkketunne inttena yedettiyaageetu bolli ehaana.