Qoodaabaa 24:18 - Wolaytta Bible

¹⁸ Eedoomi xoonettana; a morkkee Se7iirikka xoonettana; shin Israa7eeli minni minnidi baana.

Qoodaabaa 24:18 Iomraidhean Croise

Doomettaabaa 27:29

Kawotettati neeyyo haarettona; asati neeyyo gulbbatona. Neeni ne ishanttuyyo goda gida; ne aayee zareti neeyyo gulbbatona. Nena qanggiyaagee qanggettidaagaa gido; nena anjjiyaagee anjjettidaagaa gido” yaagiis.

Doomettaabaa 27:40

neeni ne bisuwan aqana; neeni ne ishaayyo haarettana. SHin neeni aara eqettiyo wode, a qambbaraa ne morggiyaappe olana” yaagiis.

Doomettaabaa 32:3

Yaaqoobi Se7iira giyoosan, Eedooma biittan de7iya ba ishaa Eesawakko kiitaa baappe sinttau kiittiis.

Sameela Maxaafaa Naa77anttuwaa 8:14

Daawiti Eedooma biitta ubban olanchchatu qatota medhdhiis; yaatin he biittaa asai ubbai Daawitayyo haarettiis. Daawiti biido soho ubban GODAI ayyo xoonuwaa immiis.

Kawotu Maxaafaa Koiruwaa 11:14

Hegaappe guyyiyan GODAI Eedoomiyaa Hadaada, Eedooma biittaa kawotu zare gididaagaa baarigaara oottidi Solomona bolli denttiis.

Kawotu Maxaafaa Koiruwaa 11:15

Hagaappe kase baggan Daawiti Eedooma asatuura olettido wode, haiqqidaageeta moogissanau pude biida ola gadaawai Yoo7aabi, Eedooman de7iya attumaasa ubbaa wori wurssiis.

Mazamure Maxaafaa 60:1

Abeet Xoossau, neeni nuna aggadasa; nu miixaa menttadasa. Neeni nuna hanqqettadasa; shin ha77i nuukko simma.

Isiyaasa 34:5

Ta bisoi salotu giddon alana gakkanaashin uyiis. Be7ite, i Eedooma bolli, taani qanggido asaa bolli pirddanau wodhdhees.

Isiyaasa 63:1

Eedooma biittan de7iya Booxira giyo katamaappe zo7o maayuwaa maayidi yiyaagee, hegee i oonee? Ha puulaara de7iya maayuwaa maayidi, ba wolqqaa minotettan sinttau horddofiyai oonee? GODAI, “Hegee xilluwaa haasayiyaanne wolqqan ashshiya tana gidikkinaa!” yaagees.

Amoxa 9:11

Qassikka GODAI, “He gallassi taani kolettidi kunddida keettadan hanida Daawita kawotettaa denttana; xoo7etida sohotakka bottokonana; qassi qolettidasaakka ooraxissana; taani a beniigaadan oottada keexxana.

Amoxa 9:12

Hegeenne Israa7eela asai Eedooma biittaappe attidaageetanne ta sunttan xeesettida kawotettata ubbaa laattanaassa” yaagees. Hagaa oottiyaagee tana GODAA.

Abddiyyu 1:2

GODAI Eedooma hagaadan yaagees; “Be7a, kawotettatu giddon taani nena laafa kessana; neeni keehippe karettana.

Qoodaabaa 20:18

SHin Eedooma kawoi, “Nu biittaara kanttissikke; intte hagaara kanttana kajjeelikko, nuuni denddidi inttena bisuwan olana” yaagidosona.

Qoodaabaa 24:19

Yaaqoobappe haariyaagee kiyana; kiyidi eta kataman paxa attidaageeta xaissana” yaagiis.