Qoodaabaa 23:21 - Wolaytta Bible

²¹ Yaaqooba zariyau iitabi yaanabi, Israa7eela asau metoi gakkanabi taayyo beettibeenna. GODAI eta Xoossai etaara de7ees; i etau kawo gidiyoogaa awaajjoosona.

Qoodaabaa 23:21 Iomraidhean Croise

Hanidabaa Odiya Naa77antto Maxaafaa 13:12

Be7ite, Xoossai nunaara de7ees; i nuna kaalettiyaagaa. Olaa xurumbbaa punniya a qeesetikka nunaara de7oosona; nuuni inttenaara olaa doommanau xurumbbaakka eti punnana. Israa7eela asau, GODAARA intte aawatu Xoossaara olettoppite! Aissi giikko, intte a xoonanau danddayekketa” yaagiis.

Mazamure Maxaafaa 103:12

Awai mokkiyoosaappe awai wulliyoosai haakkiyoogaadan, hegaadankka GODAI nu mooruwaa nuuppe haassees.

Mazamure Maxaafaa 118:15

Olaa xoonidi simmiya asai xillotu dunkkaaniyan hombbociiddi, giyoobaa siyite. Eti, “GODAA ushachcha kushee wolqqaamabaa oottiis!

Mazamure Maxaafaa 135:21

Yerusalaamen de7iya GODAI Xiyoonen galatetto! GODAA galatite!

Mazamure Maxaafaa 23:4

Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke. Ne gatimainne ne guufee tana minttettoosona.

Mazamure Maxaafaa 32:2

GODAI a iitatettaa qoodenna asinne a qofan baletoi bainna asi anjjettidaagaa.

Mazamure Maxaafaa 32:5

Taani ta nagaraa neessi paaxaas; ta iitatettaakka neeppe genttabeikke; “Ta mooruwaa GODAASSI paaxana” gaas. Yaatin, neeni tana deexxida nagaraa atto yaagadasa.

Mazamure Maxaafaa 46:11

Ubbaappe Wolqqaama GODAI nunaara de7ees; Yaaqooba Xoossai nuuni qosetti attiyo soho.

Mazamure Maxaafaa 46:7

Ubbaappe Wolqqaama GODAI nunaara de7ees; Yaaqooba Xoossai nuuni qosetti attiyo soho.

Mazamure Maxaafaa 97:1

GODAI kawotiis sa7an de7iya asai ufaitto; haaho haruurotun de7iya asatikka ufaittona.

Mazamure Maxaafaa 99:2

GODAI Xiyoonen gita; kawotettaa ubbaappe i xoqqu xoqqu giis.

Kessaabaa 13:21

GODAI eti gallassikka qammikka hemettana mala, gallassan eta ogiyaa bessanau shaaraa tuussan, qammi etau poo7issanau tamaa tuussan eta kaalettiis.

Kessaabaa 3:12

Yaagin Xoossai a, “Taani nenaara gidana; qassi taani nena kiittidoogau malaatai hagaa: neeni he asaa Gibxxeppe kessido wode, ha deriyaa bollan intte Xoossau goinnana” yaagiis.

Kessaabaa 34:9

goinnidi, “Abeet Godau, neeni tanan ufaittidabaa gidikko, nunaara issippe hindda. Hagee asai morgge zozzidabaa gidikkokka, nu iitatettaanne nu nagaraa atto yaagada, nuna ne asa ootta” yaagiis.

Isiyaasa 1:18

Qassikka GODAI, “Haayite; ane zorettoos. Intte nagarai baaraadan zo77ikkokka, shachchaadan booxxana; sinadan zo77ikkokka, puuttodan booxxana.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Isiyaasa 33:21

SHin GODAI nuussi he sohuwan ba gita wolqqaa qonccissana. He sohoi aaho shaafatunne goggiya haattatu mala gidana. Laaggiyo wolwoloi a bollaara baanau danddayenna; gita markkabeekka yaara kanttanau danddayenna.

Isiyaasa 33:22

Aissi giikko, GODAI nu daannaa; GODAI nuuyyo higgiyaa immidaagaa. GODAI nu kawuwaa; i nuna ashshana.

Isiyaasa 38:17

Be7a, taani ha gita tuggaa tuggatidoogee taayyo lo77o gidiis. Neeni ta shemppuwaa bashshaa ollaappe guyye zaarada ashshadasa; neeni ta nagara ubbaa neeppe guyye zaarada oladasa.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Isiyaasa 8:10

Olaa olettanau maqettite; shin intte maqqoi laalettana; intte halchchuwaa haasayite; shin intte halchchoi halana; aissi giikko, Xoossai nunaara de7ees.

Ermmaasa 50:20

He wodiyaaninne he gallassatun asai Israa7eelan mooruwaa koyana; shin mooroi xayana; Yihudan nagaraa koyana; shin beettenna. Aissi giikko, haiquwaappe taani ashshido Israa7eela asaa atettaa nagaraa taani atto yaagana. Taani GODAI hagaa odais” yaagees.

Hizqqeela 48:35

“Katamaa yuushoi muleera likkin, 18,000 wara gidana. He wodeppe doommidi he katamai, 'GODAI Hegan De7ees' yaagetettidi xeesettana” yaagees.

Yuu7eela 2:27

He wode taani Israa7eela giddon de7iyoogaa, taani GODAI intte Xoossaa gidiyoogaanne taappe attin, hara xoossi bainnaagaa intte erana. Qassi ta asai naa77antto mulekka yeellatenna.

Wogaabaa 9:24

GODAA sinttappe tamai wodhdhidi, yarshshiyoosaa bollan de7iya xuuggiyo yarshshuwaanne modhdhuwaa miis. Asai ubbai hegaa be7ido wode ililiis; qassi eti bantta som77uwan sa7aa bochchidi gufannidosona.

Qoodaabaa 14:19

Ha asai Gibxxeppe kiyoosappe doommada hachchi gakkanaassi neeni atto giidoogaadan, ne aggenna siiquwaa daruwan ha asaa nagaraa atto garkkii!” yaagiis.

Qoodaabaa 16:3

Eti Muusenne Aaroona sintti shiiqidi, hagaadan yaagidosona; “Intte darissideta! Maabarai ubbai huuphiyan huuphiyan geeshsha; GODAIKKA eta gidduwan de7ees; yaatin GODAA maabaraa bolli inttena aissi xoqqu xoqqu ootteetii?” yaagidosona.

Qoodaabaa 9:22

SHaarai Xoossaa Dunkkaaniyaa bollan naa77u gallassaa gam77in, woikko issi aginaa, woikko issi laittaa gam77in, Israa7eelati bantta dunkkaanidosan gam77oosonappe attin bookkona. SHin shaarai denddiyo wode etikka denddoosona.

Roome 6:14

aissi giikko, nagarai inttena haaranau bessenna; intte Xoossaa aaro kehatettaappe garssaara de7eetappe attin, higgiyaappe garssan de7ekketa.

Roome 8:1

Hegaa gishshau, Kiristtoos Yesuusaara de7iyaageetu bolli pirddi ha77i baawa;

Naa77antto Qoronttoosa 2:14

SHin Kiristtoosa baggaara ubba wode nuna xoonuwau kaalettiya Xoossaa, qassi Kiristtoosa timirttiyaa nu baggaara shittodan, ubbasaa gattiyaagaa galatai gakko.

Naa77antto Qoronttoosa 5:19

Xoossai Kiristtoosa baggaara asa ubbaa banaara sigettees; asa nagaraakka asa bolli qoodenna; qassi asa banaara sigettiyo kiitaakka nuuyyo immiis.

Naa77antto Qoronttoosa 6:16

Xoossaa Beeta Maqidasiyaaranne eeqaara aiba zuppetetti de7ii? Aissi giikko Xoossai, “Taani eta giddon de7ananne eta giddon hemetettana. Taani eta Xoossaa gidana; qassi etikka ta asata gidana” giidoogaadan, nuuni de7o Xoossaa beeta maqidase.

Zaarettido Wogaa 31:23

Hegaappe guyyiyan, GODAI Nawe na7aa Yaasa hagaadan yaagidi azaziis; “Minna, aikko baawa; taani etau immanau qaalaa gelido biittaa Israa7eela asaa efaada gelissaasa. Taanikka nenaara issippe gidana” yaagiis.

Zaarettido Wogaa 32:5

“Intte ammanettennanne aibaunne pattenna, nagaranchchanne balettiya yeleta gidiyo gishshau, a asa gidanau intte bessekketa.

Zaarettido Wogaa 33:5

Israa7eela zareti ubbainne Israa7eela zariyaa halaqati shiiqido wode, GODAI ba asaa, Israa7eela bolli kawotiis.

Zaarettido Wogaa 9:24

Taani inttena eroosappekka doommidi, intte GODAA bollan makkalanchcha.

Daannatu Maxaafaa 6:13

Yaagin Geedooni a, “Hai ta godau! GODAI nunaara de7iyaabaa gidikko, ha metoi ubbai yaatin nuna aibissi gakkidee? Nu aawati, 'GODAI nuna Gibxxe biittaappe kessiis' yaagidi nuuyyo yootido maalaalissiya a oosoti ubbai awan de7iyoonaa? SHin ha77i GODAI nuna mule aggidi, Midiyaama asaassi aattidi immiis” yaagiis.

Sameela Maxaafaa Koiruwaa 25:28

Hai ta godau, taani ne ashkkariyaa balido balaa atto yaaga! Neeni GODAA olaa olettiyo gishshau, GODAI nenanne ne zerettaa kawoyana. Neeni de7ido laitta ubban iitatetti ne bolli beettoppo.