Qoodaabaa 22:3 - Wolaytta Bible

³ Siyin Israa7eela asai keehi daro gidido gishshau, Moo7aabati keehi dagammidi yayyidosona.

Qoodaabaa 22:3 Iomraidhean Croise

Nahimiyaa Maxaafaa 13:2

Aissi giikko, Israa7eela asai Gibxxeppe kiyidi, Kanaane biyo wode, Moo7aabanne Amoona biittaa asai etau kattaanne haattaa immennan ixxidosona. Hegaa bollikka qassi Israa7eela asaa qanggana mala, Balaamassi miishshaa immidi shammidosona. Gido shin, nu Xoossai qanggettaa anjjuwau laammiis.

Mazamure Maxaafaa 53:5

Eti kase dagammi erennaagaa keenaa dagammana. Aissi giikko, Xoossai ba asaa morkkiyaageetu meqettaa laalana. Xoossai eta karido gishshau, eti yeellatana.

Kessaabaa 1:12

SHin Gibxxeti eta un77uwaa dariyo wode, eti darii yelettidosonanne biittaa gakkidosona. Hegaa gishshau, Gibxxeti Israa7eelatau yayyidosona;

Kessaabaa 15:15

He wode Eedooma biittaa halaqati dagammidosona. Moo7aaba biittaa haariyaageeta yashshai kokkorssiis. Kanaane asati maashidosona.

Kessaabaa 23:27

“Taani ta yashshaa intte sinttau yeddana; inttenaara gaittiya kawotetta ubbaa daganttana; intte morkketi ubbai intteyyo zokkuwaa zaaridi, baqatanaadan taani oottana.

Isiyaasa 23:5

Odoi Gibxxe biittaa gakkiyo wode, eti Xiiroosabaa siyidi mishettana.

Zaarettido Wogaa 2:25

Hachchippe doommidi saloppe garssaara de7iya asai ubbai intteyyo yayyanaadan taani oottana; eti inttebaa siyiyo wode ubban, yashshan kokkorana' yaagiis.

Yaasu Maxaafaa 2:24

Eti Yaasa, “GODAI tumu biitta ubbaa nuuyyo aatti immiis. Qassi biittan de7iya asai ubbai nuuyyo yashshaa maashees” yaagidosona.

Yaasu Maxaafaa 9:24

Eti Yaasuyyo zaaridi hagaadan yaagidosona; “Nuuni ne ashkkarati GODAI ha biittaa ubbaa intteyyo immanaadaaninne an de7iya asaa ubbaa intte sinttappe xaissanaadan ba ashkkaraa Muusa azazidoogaa geeshshidi siyida. Hegaa gishshau intteppe nu shemppuwau daro yayyidi hagaa oottida.