Qoodaabaa 21:28 - Wolaytta Bible

²⁸ Aissi giikko, tamai Haseboonappe, lacoi Sihoona katamaappe kiyiis; kiyidi Moo7aaban de7iya Eeranne Arnnoona SHaafaa heeran gezziyan de7iya halaqata miis.

Qoodaabaa 21:28 Iomraidhean Croise

Mazamure Maxaafaa 78:63

Eta wodallati ubbai olan haiqqidosona; yaatin, eta geela7oti azina gelennan attidosona.

Isiyaasa 10:16

Hegaa gishshau, Godai, Ubbaappe Wolqqaama GODAI, a mino tooranchchatu bolli laafettiya harggiyaa yeddana; a bonchchuwaappe garssaara mishoi eexxiya tamaadan eexxi kiyana.

Isiyaasa 15:4

Haseboona katamaa asainne El77aale katamaa asai waassoosona; eta waasuwaa cenggurssaikka Yahaaxa giyoosaa gakkanaashin siyettees. Hegaa gishshau, olau gixxida Moo7aaba wotaaddarati bantta cenggurssaa xoqqissidi waassidosona; eta shemppoikka eta garssan kokkoriis.

Isiyaasa 16:12

Moo7aabi ba xoqqa sohuwaa biikkonne, coo bana daafurssees; qassi i ba eeqa keettaa woossanau biikkonne, hegee a ainne maaddenna.

Amoxa 1:10

Hegaa gishshau, taani Xiiroosa katamaa dirssan tamaa yeddana; yeddin he tamai katamaa qatotakka maana” yaagees.

Amoxa 1:12

Hegaa gishshau, taani Temaana katamaa bolli tamaa yeddana; yeddin he tamai Booxira katamaa qatota maana” yaagees.

Amoxa 1:14

Hegaa gishshau, taani Raaba katamaa dirssan tamaa yeddana; yeddin he tamai katamaa qatota maana. Hegaappe guyyiyan, olaa gallassi waasoi darana; qassi olanchchati gotiyaadan wolqqaamana.

Amoxa 1:4

Hegaa gishshau, taani Kawuwaa Hazaa7eela keettan tamaa yeddana; yeddin he tamai Kawuwaa Benihadaada qatotakka maana.

Amoxa 1:7

Hegaa gishshau, taani Gaaza katamaa dirssan tamaa yeddana; yeddin he tamai katamaa qatotakka maana.

Amoxa 2:2

Hegaa gishshau, taani Moo7aaba biittan tamaa yeddana; yeddin he tamai Qiriyoota katamaa qatota maana. Moo7aaba biittaa asai shabbirssaa giddon, olaa waasuwaa giddooninne malkkataa punettaa giddon haiqqi wurana.

Amoxa 2:5

Hegaa gishshau, taani Yihudaa biittaa bolli tamaa yeddana; yeddin he tamai Yerusalaame qatota maana” yaagees.

Qoodaabaa 21:15

Eera katamaa gakkanaassinne Moo7aaba zawaa gakkanaassi de7iya zanggaara dugettaa” yaagetti xaafettiis.

Qoodaabaa 21:27

Hegaa gishshau, leemisuwan hagaadan yaagidosona; “Hasebooni haayite; he katamai zaaretti keexetto; Sihoona gita katamai wodhdhi eqqidi keexetto!

Qoodaabaa 22:41

Wonttetta gallassi maallado Baalaaqi Balaama ekkidi, Baamooti-Ba7aali giyoosaa pude kessiis; kessin hegan eqqidi, Balaami Israa7eela asaappe baggaa be7iis.

Zaarettido Wogaa 2:18

'Eera ogiyaara hachchi intte Moo7aaba biittaa kantteeta.

Zaarettido Wogaa 2:9

“GODAI tana hagaadan yaagiis; 'Taani eta biittaappe aibanne intteyyo immenna gishshau, Moo7aaba asaara ooyettoppite woi eta oloppite; aissi giikko, Eera katamaa taani laata oottada Looxe zaretussi immarggaas' yaagiis” yaagiis.

Daannatu Maxaafaa 9:15

Yaagin kinddiichchoi, 'Intte tumuppe tana intte bolli kawoyanau koyikko, haa yiidi ta kuwan shemppite. Hegaa intte ixxikko, kinddiichchuwaappe tamai kiyidi, Liibaanoosa zigata mo' yaagiis.

Daannatu Maxaafaa 9:20

SHin hegaa gidana xayikko, Abimelekappe tamai kiyidi, Sekeema asaanne Beetimiillo asaa mo; hegaadankka qassi, Sekeema asaappenne Beetimiillo asaappe tamai kiyidi, Abimeleka mo” yaagiis.