Qoodaabaa 20:11 - Wolaytta Bible

¹¹ Yaagidi Muusee ba kushiyaa xoqqu oottidi, ba gatiman naa77utoo zaallaa shocin, haattai xuuqqidi kiyiis; kiyin yaa7ainne eta mehee uyiis.

Qoodaabaa 20:11 Iomraidhean Croise

Hanidabaa Odiya Koiro Maxaafaa 15:13

Intte Leewati koiro Xoossaa Taabootaa tookkibeenna gishshaunne nuuni a wogaadan waati efaanaakko Xoossaa oichchibeenna gishshau, GODAI nu Xoossai nuna qaxxayiis” yaagiis.

Hanidabaa Odiya Koiro Maxaafaa 15:2

Hegaappe guyyiyan Daawiti, “Xoossaa Taabootaa tokkanaadaaninne meri merinau Xoossau oottanau GODAI doorido Leewatuppe attin, ooninne Xoossaa Taabootaa tookkanau bessenna” yaagiis.

Mazamure Maxaafaa 105:41

I shuchchaa phalqqin, haattai pulttiis; pulttidi shaafadan bazzon goggiis.

Mazamure Maxaafaa 114:8

I shuchchaa haatta kessidaagaa; zaallaa haatta pultto oottidaagaa.

Mazamure Maxaafaa 74:15

Neeni pulttota dooya yeddadasa; ubbaton goggiya shaafata qassi melissadasa.

Mazamure Maxaafaa 78:15

I bazzuwan zaallaa phalqqidi, ciimmaappe daro haattaa eta ushshiis.

Mazamure Maxaafaa 78:16

Zaallaappe haattaa pulttissidi, shaafadan duge gogissiis.

Mazamure Maxaafaa 78:20

Zaallaa shocin, pulttoi kiyidi, shaafai goggiis; shin oittaakka i nuussi immanau danddayii? Woikko ba asaayyo ashuwaakka immanau danddayii?” yaagidosona.

Kessaabaa 17:6

Taani Siinaa Deriyaa zaallaa bolli ne sinttan eqqana; neeni he zaallaa shoca; asai uyanau appe haattai kiyana” yaagiis. Muusee Israa7eela cimatu sinttan hegaadan oottiis.

Isiyaasa 43:19

Be7ite, ha77i taani oorattabaa oottais; ikka ha77i mokkees. Intte hegaa erekketiiyye? Taani bazzon ogiyaa, mela biittankka shaafata kessana.

Isiyaasa 48:21

I eta bazzo giddoora kaalettido wode, eti saamettibookkona. Zaallaappe haattaakka etau pulttissiis; zaallaa i phalqqin, haattai xuuqqiis.

Hoose7a 13:5

Bazzuwan, mela biittan taani inttena naagaas.

Wogaabaa 10:1

Aaroona attuma naati, Naadaabinne Abiihu, bantta ixaanaa cuwayiyo miishshaa miishshaa ekkidi, a bollan tamaa wottidosona; wottidi tamaa bolli qassi ixaanaa qolidosona; yaatidi, GODAI eta azazibeenna, geeshsha gidenna tamaa GODAA sinttan shiishshidosona.

Qoodaabaa 20:8

“Ne gatimaa ekka; neeninne ne ishaa Aarooni yaa7aa shiishshite; shiiqin eta sinttan zaallai haattaa goggana mala yoota. Zaallaappe haattaa intte kessidi, yaa7aanne eta mehiyaa ushshana” yaagiis.

Maatiyoosa 28:20

Taani inttena azazidobaa ubbaa eti naagana mala, eta tamaarissite; taani wodiyaa wurssettai gakkanaassikka ubba wode inttenaara de7iyoogaa akeekite” yaagiis.

Koiro Qoronttoosa 10:4

Qassi ubbaikka he issi ayyaana ushshaa uyidosona. Aissi giikko, eti banttana kaalliya ayyaana shuchchaappe uyidosona; he shuchchai Kiristtoosa.

Zaarettido Wogaa 8:15

I nena marzziyaara de7iya shooshshainne masimasoi kumido, haatti bainna, he gitanne yashshiya bazzuwaara kaalettiis; i neeyyo mela bazzuwan zaallaappe haattaa xuussiis.

Yaaqooba 1:20

Aissi giikko, asa hanqqoi Xoossai koyiyo xillotettaa eheenna.

Daannatu Maxaafaa 15:19

Yaagin Xoossai Leehan de7iya biittaa phalqqin, appe haattai kiyiis. Samssooni he haattaappe uyidi alido gishshau, ayyo shemppoi simmiis. Yaatin, he sohuwaa Aini-Haqqoore yaagidi sunttiis. Hegee hachchi gakkanaassi Leehan de7ees.

Sameela Maxaafaa Koiruwaa 15:19

Yaatin, aissi GODAAYYO azazettabeikkii? Aissi omooduwau yaaretada GODAA sinttan iitabaa oottadii?” yaagiis.

Sameela Maxaafaa Koiruwaa 15:24

Saa7ooli Sameela, “Taani nagaraa oottaas; GODAA azazuwaanne ne qaalaa toochchaas. Taani asaayyo yayyido gishshau, eti giidobaa oottaas.