Qoodaabaa 18:12 - Wolaytta Bible

¹² “Eti taayyo immiyo koiro aifiyaappe lo77o wogaraa zaitiyaa ubbaa, yelaga woine eessaa ubbaanne muruta kattaa ubbaa neeyyo immais.

Qoodaabaa 18:12 Iomraidhean Croise

Doomettaabaa 27:28

Xoossai saluwaa akkaanne sa7aa shicaa, kattaanne ooratta woine eessaa koridi neeyyo immo.

Kawotu Maxaafaa Naa77anttuwaa 4:42

Koiro gakkida kattaappe uuhettida laatamu, banggaa komppuwaa, tiya kattaara issippe ba ogoruwan yeggi ekkidi, Xoossaa asassi ehiya issi bitanee Ba7aali-SHaliisha giyoosaappe yiis. Yin Elssaa7i ba ashkkaraa, “Maanaayyo asau aatta” yaagiis.

Hanidabaa Odiya Naa77antto Maxaafaa 31:5

Hizqqiyaasi hegaa azazosaarakka, Israa7eela asai kattaappe, woine eessaappe, zaitiyaappe, mattaa eessaappenne goshshan mokkidabaappe xeeraa GODAAYYO darissidi immidosona; banttau de7iya ubbabaappekka asirataa GODAAYYO kessidosona.

Mazamure Maxaafaa 147:14

I ne zawaa sarotettan naagees; nena keehippe lo77iya gisttiyaa kalssees.

Mazamure Maxaafaa 81:16

Taani inttena lo77o gisttiyaa mizana shin; qassi eessaa shuchchaa kooppuwaappe kalissana shin” yaagees.

Kessaabaa 22:29

Ne kattaa xeeraappenne ne woiniyaa gum77ettaa kumettaappe taayyo yarshshuwaa shiishsha. “Neeni ne attuma naatu giddon bairatiya na7aa taayyo immanau koshshees.

Kessaabaa 23:19

Ne gaden baira kaxxida kattaappe ubbaappe lo77iyaagaa GODAA soo, ne Xoossaa soo eha. Deeshsha maraa a aayee maattan doissoppa.

Kessaabaa 34:26

“Intte gaden baira kaxxida kattaappe koiro murutaa GODAA intte Xoossaa keettaa ehiite. “Deeshsha maraa a aayee maattan doissoppite” yaagiis.

Hizqqeela 44:30

Koiro gakkiya dumma dumma kattaayyo koiro aifeenne intte GODAAYYO immiyo imota ubbai qeesetussa. Intte keettan anjjoi shemppana mala, intte xiilliyaappe koiro kushiyaa etayyo immite.

Wogaabaa 2:12

Intte laittan laittan cakettiya kattaappe xeera kessidi, GODAAYYO ehaanau danddayeeta; shin hegaa sawuwaa tonggu giya yarshsho oottidi, GODAAYYO yarshshiyoosaa bollan xuuggekketa.

Wogaabaa 2:14

Neeni koiro kattaappe xeeraa kessada GODAAYYO ehiyo wode, he kattai xiixxido tiya katta gidanau koshshees.

Wogaabaa 23:17

Intte aqiyo sohuwaappe naa77u kilo giraame gidiya lo77o xiilliyaappe irshshuwaa yeggidi uukkido naa77u oittaa wuxaawuxanau ekki yiite. Hegee koiro gakkida kattaa aifiyaappe GODAASSI yarshsho gidees.

Wogaabaa 23:20

“'Qeesee he koiro gakkida kattaa aifiyaa oittaanne he naa77u dorssata wuxaawuxiyo yarshsho oottidi, GODAA sinttan wuxaawuxees; hegeeti GODAASSI geeshsha; qassi qeesiyaassikka qommo.

Zaarettido Wogaa 18:3

“Korimaa woikko dorssaa asai yarshshuwau shiishshidoogaappe qeesetussi bessiyaagee hagaa: missaa, naa77u bagga manggaagaanne ulo giddo ashuwaa etau immona.

Zaarettido Wogaa 18:4

Intte kattaappe, woiniyaappenne zaitiyaappe koiro gakkida aifiyaanne intte dorssaa ikisiyaappe bairattuwaa qeesetuyyo immeeta.

Zaarettido Wogaa 26:2

GODAI intte Xoossai intteyyo immiyo biittan mokkida kattaa ubbaappe bairattuwaa keeshiyaara GODAI intte Xoossai ba sunttai hegan xeesettanaadan doorido sohuwau ekkidi biite.

Zaarettido Wogaa 32:14

Eti mehiyaa wudiyaappe me77ida yeesuwaanne deeshshaa wudiyaappekka maattaa, dorssaa anqqaraanne galssaa miidosona; qassi Baasaane dorssaa wudiyaanne deeshshaa, lo77o gisttiyaara miidosona; suuttaa milatiya woiniyaa eessaakka uyidosona.