Qoodaabaa 16:28 - Wolaytta Bible

²⁸ Muusee asaa, “Taani ha ooso ubbaa oottana mala, GODAI tana kiittidoogaanne taani ta sheniyan oottennaagaa intte hagan erana.

Qoodaabaa 16:28 Iomraidhean Croise

Kawotu Maxaafaa Koiruwaa 18:36

Omarssa yarshshuwaa shiishshiyo wodee gakkin, hananabaa yootiya Eelaasi yarshshiyoosaa shiiqidi hagaadan yaagidi woossiis; “Abeet GODAU, Abrahaama Xoossau, Yisaaqa Xoossau, Israa7eela Xoossau, neeni Israa7eela biittan Xoossa gidiyoogeenne, taanikka ne ashkkara gidiyoogeenne, qassi taani hagaa ubbaa ne qaalan oottiyoogee hachchi eretto.

Kessaabaa 3:12

Yaagin Xoossai a, “Taani nenaara gidana; qassi taani nena kiittidoogau malaatai hagaa: neeni he asaa Gibxxeppe kessido wode, ha deriyaa bollan intte Xoossau goinnana” yaagiis.

Kessaabaa 4:12

Neeni ha77i ba; taani nena haasayanau maaddana; neeni gaanabaanne taani nena tamaarissana” yaagiis.

Kessaabaa 4:15

Neeni, 'Yaaga; yaaga' gaada ayyo odana; taani inttena naa77aakka haasayana maaddananne intte oottanabaa tamaarissana.

Kessaabaa 7:9

“Kawoi inttena, 'Xoossai oottiyo malaataa tana bessite' giyo wode, neeni Aaroona, 'Ne gatimaa ekkada, kawuwaa sinttan ola' yaaga; yaatobare i shooshsha kiyana” yaagiis.

Ermmaasa 23:16

Ubbaappe Wolqqaama GODAI hagaadan yaagees; “Hananabaa yootiyaageeti yootiyoobaa siyoppite. Eti hanennabaa, 'Hanana' giidi, wordduwaa odoosona. GODAI ba doonaappe yootin gidennan, eti banttappe qoppi ekkidi, ajjuutaa yootoosona.

Hizqqeela 13:17

“Laa asa na7au, bantta qofaappe denddidi, hananabaa yootiya ne asaa maccaasatukko ha77i ne som77uwaa zaara; zaarada eta bolli hananabaa yoota.

Zakkaariyaasa 2:9

Be7ite, taani ta kushiyaa eta bollan wuxaawuxana; qassi etikka kase bantta ashkkaratun omoodettana” yaagiis. He wode intte Ubbaappe Wolqqaama GODAI tana kiittidoogaa erana.

Zakkaariyaasa 4:9

Yin Zakkaariyaasi hagaadan yaagiis; “Ha Beeta Maqidasiyaa baasuwaa Zarubaabeela kusheti baasidosona; qassi poluwaakka a kusheti keexxidi polana. Hegaappe guyyiyan, Ubbaappe Wolqqaama GODAI tana inttekko kiittidoogaa intte erana.

Qoodaabaa 24:13

'Baalaaqi harai atto ba birainne worqqai kumido ba kawo keettaa tau immidabaa gidiyaakkonne, GODAI yootidoogaa kanttada, lo77uwaa woikko iitaa ta sheniyan oottanau danddayikke. Taani GODAI giyoobaa xalaalaa gaana' yaagada neeyyo yootabeikkinaayye?” yaagiis.

Yohaannisa 11:42

Neeni ubba wode siyiyoogaa taani erais; shin hagan yuuyi aadhdhidi eqqida asai neeni tana kiittidoogaa ammanana mala, hagaa taani eta gishshau gais” yaagiis.

Yohaannisa 14:11

Taani Aawaa giddon de7iyoogaaninne qassi Aawaikka ta giddon de7iyoogan tana ammanite; hegee xayikko, abau a oosuwaabau tana ammanite.

Yohaannisa 5:30

“Taani tarkka ainne oottanau danddayikke; Xoossai tau odidoogaadan pirddais. Ta pirddai tuma; aissi giikko, taani tana kiittidaagee dosiyoobaa oottiyoogaappe attin, taani dosiyoogaa oottikke.

Yohaannisa 5:36

“SHin tau Yohaannisaagaappe aadhdhiya markkatettai de7ees; aissi giikko, taani wurssanau Aawai taayyo immido oosoi, ha taani oottiyoogee, Aawai tana kiittidoogaa tabaa markkattees.

Yohaannisa 6:38

Aissi giikko, taani tana kiittidaagee koyiyoogaa oottanau saluwaappe yaasippe attin, ta koyiyoogaa oottanau yabeikke.

Zaarettido Wogaa 18:22

he hananabaa yootiyaagee GODAA sunttan yootin, i yootido qaalai polettennan ixxikko, hegee GODAI yootibeenna qaala gidiyoogaa ereeta. He hananabaa yootiyaagee wordduwan yootido gishshau, au yayyoppite.