Qoodaabaa 11:31 - Wolaytta Bible

³¹ Hegaappe guyyiyan, GODAI carkkuwaa denttin, abbaa baggappe kuraachchuwaa asai dunkkaanidosaa ubbaa yuushuwaakko carkkoi ehiis; ehin he kafoti sa7aa doonaara biittaappe pude naa77u wara keenan paallidosona. Paalli yiidi eti dunkkaanidosaa ubbaappe gaxaara, issi gallassa oge keenaa sa7an uttidosona.

Qoodaabaa 11:31 Iomraidhean Croise

Mazamure Maxaafaa 105:40

Eti miyoobaa oichchin, kuraachcho misatiya kafota etau yeddiis; eta saluwaa qumaa kalissiis.

Mazamure Maxaafaa 106:15

Hegaadan i eti woossidoogaa immiis; shin iita harggiyaa eta giddo kiittiis.

Mazamure Maxaafaa 135:7

Dulkka shaaraa sa7aa gaxaappe i denttees; i iraara wolqqanttaa kiittees; ba minjjiyo sohuwaappe carkkuwaa kessees.

Kessaabaa 10:13

Yaagin Muusee ba gatimaa Gibxxe biittaa bollan miccin, GODAI arshsho bagga carkkuwaa he gallassa ubbaanne he qamma ubbaa he biittaa bollan carkkissiis; wonttin he carkkoi booliyaa ehiis.

Kessaabaa 10:19

Woossin GODAI he carkkuwaa arggo bagga wolqqaama carkkuwau laammiis; laammin booliyaa tookki ekki efiidi, Zo7o Abban yeggiis. Gibxxe biitta ubban issi booleenne attibeenna.

Kessaabaa 15:10

SHin neeni eta ne shemppuwan punnin, abbai eta kammiis. Eti wolqqaama haattan irssaasiyaa giyo biratai mitettiyoogaadan mitettidosona.

Kessaabaa 16:13

He gallassi omarssan kuraachchoti yiidi, Israa7eela asai de7iyoosaa maayidosona; qassi maallado eta dunkkaanetu yuushuwan xaazai xaazaa bolli yekekki uttiis.

Qoodaabaa 11:30

Hegaappe guyyiyan, Muuseenne Israa7eela cimati dunkkaanidosaa simmidosona.