Piliphphisiyuusa 4:6 - Wolaytta Bible

⁶ Xoossaa intte woossiyo woosa ubban a keehi galatiiddi, inttena koshshiyaabaa ubbau woossiteppe attin, issibaukka hirggoppite.

Piliphphisiyuusa 4:6 Iomraidhean Croise

Kawotu Maxaafaa Koiruwaa 8:28

Gidikkonne, abeet GODAU, ta Xoossau, taani ne ashkkarai hachchi woossiyoogaanne watiwatiyoogaa neeni ezgga.

Hanidabaa Odiya Naa77antto Maxaafaa 32:20

Hegaappe guyyiyan, Kawoi Hizqqiyaasinne Amoxa na7ai, hananabaa yootiya Isiyaasi hagaa gishshau, Xoossaa woossidosona; eti saluwaa pude waassidosona.

Mazamure Maxaafaa 51:15

Abeet Godau, ta doonaa dooya; yaatikko, ta inxxarssai ne galataa awaajjana.

Mazamure Maxaafaa 55:17

Maallado, gallassinne omarssi taani waassananne ta metuwaa ayyo yootana; yootin i tabaa siyana.

Mazamure Maxaafaa 55:22

Ne toohuwaa Xoossan wotta; i nena zemppissana. Xoossai audenne xilloti shabbirettanaadan oottenna.

Mazamure Maxaafaa 62:8

Asau, Xoossan ubba wode ammanettite; i nuuyyo qato gidiyo gishshau, intte metuwaa ayyo yootite.

Leemiso Maxaafaa 15:8

GODAI iitatu yarshshuwaa shenetees; shin suuretu woosai a ufaissees.

Leemiso Maxaafaa 16:3

Ne oottiyoobaa ubbaa hadaraa GODAAYYO imma; yaatikko, neeni halchchidobai polettana.

Siiquwaa Sabaa 2:14

“Neeni aafuwaa doona zaallaa za7an qosettida haraphphee mala; ane issitoo tana ne som77uwaa bessa; ne cenggurssaakka sissa. Aissi giikko, ne cenggurssai tana qarettees; ne som77oikka daro lo77ees” yaagiis.

Ermmaasa 32:16

Taani Neeriyaa na7aa Baarukayyo shamaa paramaa woraqataa immidoogaappe guyyiyan, GODAA hagaadan yaagada woossaas;

Ermmaasa 33:3

“Neeni tana xeesa; taani neeyyo koyana; neeni erenna gitabaanne wolqqaamabaa taani neeyyo yootana.

Daaneela 3:16

Sidiraaqi, Misaaqinne Abddanaagoi kawuwaassi zaaridi, “Kawuwau Naabukadanaxooraa, ha yohuwan nuuni neeyyo zaaruwaa immanau bessenna.

Daaneela 6:10

Daaneeli awaajoi parametti kiyidoogaa erido wode, ba soo biis; biidi bolla pooqiyan de7iya kifiliyaa geliis. He kifiliyaa maskkootee Yerusalaame baggi simmidi dooyetti uttidaashin, ba kase woossiyoogaadankka gulbbatidi, ba Xoossaa galatiiddi, hachchi hachchi heezzutoo woossiis.

Maatiyoosa 10:19

SHin eti inttena pirddau aattiyo wode, intte haasayanabaa he saatiyan Xoossai intteyyo immiyo gishshau, intte gaanabaunne woi woigi haasayanaakkonne hirggoppite.

Maatiyoosa 13:22

Qassi aguntta giddon wodhdhidaagee qaalaa siyiyaagaa milatees; shin ha sa7aa de7uwau hirggiyoogeenne duretetta siiqiyoogee qaalaa cuullees; cuullin he zerettai aifennan atti aggees.

Maatiyoosa 6:34

Hegaa gishshau, wonttobau hirggoppite; aissi giikko, wonttoi bau hirggana; gallassa ubbaukka gidiya a huuphe waayee de7ees.

Maatiyoosa 6:8

Hegaa gishshau, he asaagaadan hanoppite; aissi giikko, intte Aawai inttena koshshiyaagaa intte woossanaappe kasetidi erees.

Luqaasa 10:41

Yaagin Yesuusi zaaridi o, “Marttee, Marttee, neeni daroban hirggaasa; qassi tuggataasa.

Luqaasa 12:22

Yesuusi erissiyo ashkkarata, “Hegaa gishshau, taani intteyyo odais; intte paxa de7anau maanabaassinne woi intte bollau maayanabaassi hirggoppite.

Luqaasa 12:29

“Intte maanabaanne uyanabaa darissidi koyoppitenne qassi hirggoppite. Aissi giikko, ha sa7an de7iya ammanenna asati he ubbabaa darissidi koyoosona; qassi he ubbai inttena koshshiyoogaa intte Aawai erees.

Luqaasa 18:1

Erissiyo ashkkarati ubba gallassi salettennan woossana mala, Yesuusi etassi leemisuwaa odiiddi,

Luqaasa 18:7

Yaatin bana maaddana mala, gallassinne qammi baakko waassiya doorettida asaassi Xoossai pirddennee? I etassi eesuwan zaarennee?

Koiro Qoronttoosa 7:21

Xoossai nena xeesiyo wode neeni aillee? Aikko baawa; shin neeni ailletettaappe kiyanau danddayikko kiya.

Koiro Qoronttoosa 7:32

Intte hirggennan de7anaagaa taani dosais. Machchibeennaagee Godaa ufaissanau koyiyo gishshau, a oosuwaabaa qoppees.

Naa77antto Qoronttoosa 1:11

Intte woossido daro woosan nuuyyo anjjoi simmido gishshau, daro asai nu gishshaa Xoossaa galatana mala, inttekka qassi nuna woosan maaddana koshshees.

Efisoona 5:20

Nu Godaa Yesuus Kiristtoosa sunttan, Aawaa Xoossaa ubbabau ubba wode galatite.

Efisoona 6:18

Xoossaa woossiiddinne a maaduwaa oichchiiddi, ubba wode Geeshsha Ayyaanan Xoossaa woossite. Hegaa gishshau, minnite; salettoppite; geeshshatu ubbaayyo Xoossaa ubba wode woossite.

Qolasiyaasa 3:15

Kiristtoosi immiyo sarotettai inttena haaro; aissi giikko, Xoossai inttena issi asa oottidi, he sarotettau xeesiis. Xoossaa galatite.

Qolasiyaasa 3:17

Intte ai haasayiyaabaa woi ai oottiyaabaa gidikkokka, Aawaa Xoossaa Yesuusa baggaara galatiiddi, oottiyoobaa ubbaa Godaa Yesuusa sunttan oottite.

Qolasiyaasa 4:2

Xoossaa aggennan woossite; qassi woossiiddi azallennan, a galatiiddi woossite.

Koiro Ximootiyoosa 2:1

Nuuni Xoossaa milatiyoogan, geeshshatetta ubban, sarotettaaninne ashkketettan de7ana mala, asa ubbau, kawotuyyoonne sunttatettai de7iyo ubbatuyyo, Xoossaa oichchanau, woossanau, gaannatanaunne galatanau bessiyoogaa ubbabaappe kasetada taani nena erissais.

Koiro Ximootiyoosa 5:5

Ai maadoikka bainna tumu am77iyaa Xoossai immana gaada ufaissan naaga uttaasu. Qassi gallassinne qammi Xoossai o maaddana mala, woossausunne oichchausu.

Koiro PHeexiroosa 4:7

Ubbabaukka wurssettai matattiis. Hegaa gishshau, Xoossaa woossanau wozanaa qofai de7iyoogeetudan, inttena naagitenne minnite.

Koiro PHeexiroosa 5:7

I intteyyo qoppiyo gishshau, inttena hirggissiya ubbabaa a bolli olite.

Sameela Maxaafaa Koiruwaa 1:15

Yaagin Haanna hagaadan yaagada ayyo zaaraasu; “CHii, ta godau, taani keehi metootanchcha maccaasa; taani ta shemppuwaappe GODAA woossaisippe attin, woine eessaa woikko mattoyiya ushshaa uyabeikke.

Sameela Maxaafaa Koiruwaa 30:6

Asai Daawita shuchchan caddanau haasayido gishshau, Daawiti keehippe tuggatiis; aissi giikko, a asai ubbai ba attuma naatunne macca naatu gishshau, keehippe yiillotiis; shin Daawiti GODAN ba Xoossan minettiis.

Sameela Maxaafaa Koiruwaa 7:12

Hegaappe guyyiyan, Sameeli issi shuchchaa ekkidi, Mixiphphappenne SHenappe gidduwan essiis; essidi, “GODAI ha77i gakkanaassi nuna maaddiis” yaagiiddi he sohuwaa Eben77eezera sunttiis.