Piliphphisiyuusa 2:27 - Wolaytta Bible

²⁷ I tumu sakettidi, haiqqiichchidi attiis; shin Xoossai au qarettiis; a xalaalaayyo gidennan azzanoi azzanuwaa bolli gujettennaadan, taayyookka qarettiis.

Piliphphisiyuusa 2:27 Iomraidhean Croise

Kawotu Maxaafaa Naa77anttuwaa 20:1

He wode Kawoi Hizqqiyaasi harggidi, haiqqana matiis. Yaanidaashin Amoxa na7ai hananabaa yootiya Isiyaasi akko biidi, “GODAI nena, 'Neeni haiqqaasappe attin paxakka; hegaa gishshau, ne keettaa giigissa' yaagees” yaagiis.

Iyyooba Maxaafaa 5:19

Usuppun qommo metobaappe i nena ashshana; laappunttikka nena bochchenna.

Mazamure Maxaafaa 34:19

Xillo asa metoi daro; shin GODAI a he ubbaappe ashshees.

Isiyaasa 27:8

GODAI ba asaa omooduwau yeddiyoogan qaxxayiis; arshsho bagga carkkuwaa gallassi eta ba yashshiya gotiyan laaggidi kessiis.

Isiyaasa 38:17

Be7a, taani ha gita tuggaa tuggatidoogee taayyo lo77o gidiis. Neeni ta shemppuwaa bashshaa ollaappe guyye zaarada ashshadasa; neeni ta nagara ubbaa neeppe guyye zaarada oladasa.

Isiyaasa 43:2

Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Ermmaasa 10:24

Abeet GODAU, tana seera; shin likkiyan gido. Ne hanqquwan gidoppo; hankkoode neeni tana guuttada xaissana.

Ermmaasa 45:3

'Neeni, “GODAI ta sahuwaa bollan azzanuwaa gujjido gishshau, aayyee tanoo! Taani yeehuwan daafurada shemppuwaakka xayaas” yaagadasa' yaagees.

Ermmaasa 8:18

Paxanau danddayenna keenaa taani azzanaas; ta wozanaikka ta giddon seerees.

Imbbaaqooma 3:2

Abeet GODAU, neeni kase oottidobaa taani siyada yayyaas. Abeet GODAU, nu wodiyankka he oosota zaarettada ootta; eti nu wodiyankka erettona. Neeni hanqqettiyo wode ne maarotaa qoppa.

Yesuusi Kiittidoogeetu Oosuwaa 9:37

He wode a harggada haiqqin, asai i ahaa meeccidi, pooqiyaa pude kessidi zin77issiis.

Koiro Qoronttoosa 10:13

Inttena gakkiya paacee, asa ubbaa gakkiya paace malappe attin, ainne dummatenna. Intte wolqqai danddayiyoogaappe aadhdhiya paaciyan intte paacettanau koyenna Xoossai ammanettidaagaa. SHin inttena paacee gakkiyo wode, he paaciyaa i inttena danddayissana. Qassi he paaciyaappe intte kessi ekkiyo ogiyaakka immana.

Naa77antto Qoronttoosa 2:7

Hegaa gishshau, he bitanee keehi daro azzanenna mala, intte ayyo atto gaanaunne a minttettanau bessees.

Piliphphisiyuusa 2:26

Aissi giikko, i inttena ubbaa be7anau laamotees; qassi i sakettidoogaa intte siyido gishshau, ba wozanan daro metootees.

Piliphphisiyuusa 2:28

Simmi intte naa77anttuwaa a be7idi ufaittanaadan, taukka ta wozanaa azzanoi irxxanaadan, taani eesuwan a inttekko yeddana.

Piliphphisiyuusa 2:30

Aissi giikko, intte intte huuphen tana maaddana danddayenna maaduwaa maaddanau, Kiristtoosa oosuwaa gishshau, ba shemppuwaa shenehoo giidi, haiqqiichchidi attiis.