Nahimiyaa Maxaafaa 9:7 - Wolaytta Bible

⁷ “GODAU, neeni Xoossa! Neeni Abraama Uura giyo Kaladaawetu katamaappe doorada kessadasa; a sunttaakka laammada, Abrahaama yaagada sunttadasa.

Nahimiyaa Maxaafaa 9:7 Iomraidhean Croise

Doomettaabaa 11:31

Taari ba na7aa Abraama, ba na7aa Haaraana na7aa Looxanne, ba na7aa Abraama keettaayyiyo Saarayo ekkidi kiyin, eti issippe Kanaane biitti baanau Uuri giyo Kaladaawetu katamaappe denddidosona; shin eti Kaaraane giyo katamaa gakkanaashin biidi, yan utti bayidosona.

Doomettaabaa 15:7

GODAI qassikka a, “Taani neeni ha biittaa laattana mala neeyyo immanau Uri giyo Kaladaawetu katamaappe nena kessa ehiida GODAATTENNEE” yaagiis.

Doomettaabaa 17:5

Hagaappe doommidi ne sunttai Abraama geetettenna; shin ne sunttai Abrahaama gidana. Aissi giikko, taani nena daro kawotettaayyo aawa oottaas.

Doomettaabaa 18:19

Aissi giikko, xillotettaanne pirddaa oottidi, GODAA ogiyaa naaganaadan ba naatanne baappe guyyiyan, ba so asaa i zorana mala, taani a dooraas; hegeenne GODAI Abrahaamayyo immana giidoogaa ubbaa polanaassa” yaagiis.

Hanidabaa Odiya Koiro Maxaafaa 1:27

Abrahaama geetettidi xeesettiya Abraama.

Isiyaasa 51:2

Intte aawaa Abrahaamakkonne inttena yelida Saarikko xeellite. I barkka de7ishin, taani a xeesaas; xeesada anjjaasinne qoodan corayaas.

Zaarettido Wogaa 10:15

Gidikkonne GODAI intte maizza aawatun ufaittidi, eta siiqiis; qassi hachchi intte be7iyoogaadan, etappe guyyiyan eta zerettata gidiya inttena kawotettatu ubbaappe dooriis.