Nahimiyaa Maxaafaa 9:6 - Wolaytta Bible

⁶ Hegaappe guyyiyan, Israa7eela asai hagaadan yaagidi woossidosona; “Xoossau, ne xalaalai GODA! Neeni salotanne salotun de7iya meretata ubbaa, sa7aanne a bollan de7iya meretata ubbaanne abbatanne eta giddon de7iya meretata ubbaa medhdhadasa; ubbaassi de7uwaa immadasa. Saluwaa meretati ubbai neeyyo goinnoosona.

Nahimiyaa Maxaafaa 9:6 Iomraidhean Croise

Doomettaabaa 1:1

Xoossai salotanne sa7aa koiro medhdhiis.

Doomettaabaa 1:9

Xoossai hegaappe guyyiyan hagaadan yaagidi haasayiis; “Saluwaappe garssaara de7iya haattai issisan eello; eellin mela sohoi qoncco” yaagiis; yaagin haniis.

Doomettaabaa 2:1

Salotinne sa7ai etan de7iyaabai ubbabai hagaadan oosetti polettiis.

Doomettaabaa 32:2

Yaaqoobi eta be7ido wode, “Hagee Xoossai aqiyoosaa” yaagidi, he sohuwaa Maahinaima giidi sunttiis.

Kawotu Maxaafaa Koiruwaa 22:19

Mikaayi gujjidikka hagaadan yaagiis; “Simmi GODAI giyoobaa siya! GODAI ba kawotaa araatan uttin, saluwaa olanchchati ubbai a ushachchaaranne haddirssaara eqqidaageeta taani be7aas.

Kawotu Maxaafaa Koiruwaa 8:27

“SHin Xoossai tumu sa7an de7aneeyye? Be7a, saloti, ubbaappe xoqqan de7iya saloikka neeyyo gidanau danddayenna. Yaatin, ha taani keexxido Beeta Maqidasee neeyyo ai keenaa guuxxanddeeshsha!

Kawotu Maxaafaa Naa77anttuwaa 19:15

Yaatidi GODAA hagaadan yaagidi woossiis; “Abeet GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Kawotu Maxaafaa Naa77anttuwaa 19:19

Abeet GODAU, ne xalaalai Xoossaa gidiyoogaa sa7aa kawotettati ubbai erana mala, ha77i simmi, GODAU, nu Xoossau, neeni nuna a kushiyaappe wotta ekka!” yaagidi woossiis.

Nahimiyaa Maxaafaa 9:5

Leewatuppe Yaasu, Qaadimi7eeli, Baani, Hashaabanee, SHerebee Hodee, SHabaaneenne Pataahee Israa7eela asaa hagaadan yaagidosona; “Denddi eqqidi, merinaappe merinau de7iya GODAA intte Xoossaa galatite! Galata ubbaappenne saba ubbaappe bollaara xoqqu xoqqu giidanne bonchchettida Xoossaa sunttaa sabbite” yaagidosona.

Mazamure Maxaafaa 102:25

Neeni beni sa7aa medhdhadasa; saloikka ne kushe ooso.

Mazamure Maxaafaa 103:21

Inttenoo saluwan de7iya minotoo, a sheniyaa oottiya ashkkaratoo, GODAA galatite!

Mazamure Maxaafaa 115:15

Saluwaanne sa7aa medhdhida GODAN anjjettite!

Mazamure Maxaafaa 124:8

Nu maadoi saluwaanne sa7aa medhdhida GODAAPPE yees.

Mazamure Maxaafaa 146:6

Xoossai saluwaanne sa7aa, gita abbaanne a giddon de7iyaabaa ubbaa medhdhidaagaa; i merinaukka ammanettiyaagaa.

Mazamure Maxaafaa 24:10

Ha bonchcho kawoi oonee? Ha bonchcho kawoi Ubbaappe Wolqqaama GODAATTENNEE!

Mazamure Maxaafaa 33:6

GODAA qaalan saloti merettidosona. A doonaappe kiyiya shemppuwan etan de7iya awai, aginainne xoolintteti oosettidosona.

Mazamure Maxaafaa 36:6

Ne xillotettai ubbaappe xoqqa deretu mala; ne pirddaikka ubbaappe ziqqa ciimmaa mala. Abeet GODAU, neeni asaakka do7aakka naagaasa.

Mazamure Maxaafaa 86:10

Aissi giikko, neeni gita; neeni maalaalissiyaabaa oottaasa. Ne xalaalai Xoossaa.

Isiyaasa 37:16

“Abeet Ubbaappe Wolqqaama GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Isiyaasa 37:20

Ha77i simmi abeet GODAU, nu Xoossau, ne xalaalai GODAA gidiyoogaa sa7aa kawotettati ubbai erana mala, neeni nuna a kushiyaappe wotta ekka!” yaagidi woossiis.

Isiyaasa 43:10

GODAI hagaadan yaagees; “Intte ta markkata; intte tana erana malanne ammanana mala, qassi taani Xoossaa gidiyoogaa akeekana mala, taani doorido ta ashkkarati inttena. Taappe kase hara xoossi merettibeenna; woikko taappe guyyiyankka hara xoossi de7enna.

Isiyaasa 44:6

GODAI, Israa7eela Kawoi, a Woziyaagee, Ubbaappe Wolqqaama GODAI hagaadan yaagees; “Koiroi tana; wurssettaikka tana. Taappe hara Xoossi baawa.

Isiyaasa 44:8

Yayyoppite; qassi dagammoppite. Taani hagaa intteyyo beniisappe doommada yootabeikkinaa? Qassi awaajjabeikkinaa? Hegau taayyo intte markka. Taappe attin, hara Xoossi de7ii? Hara Zaalli baawa; taani oonanne erikke” yaagees.

Isiyaasa 45:12

Taani sa7aa oottaas; asaakka a bolli medhdhaas. Salota taani ta kushiyan tolaas; etan de7iya meretata ubbaakka azazaas.

Ermmaasa 32:17

“Abeet Ubbaa Haariya GODAU, neeni salotanne sa7aa ne gita wolqqaaninne ne yeddido kushiyan medhdhadasa! Neessi danddayettennabi mulekka baawa.

Hizqqeela 20:11

Azazettiya ubbau de7uwaa immiya ta wogaa taani etau immaas; ta higgiyaakka eta tamaarissaas.

Yoonaasa 1:9

Yaagin Yoonaasi zaaridi, hagaadan yaagiis; “Taani Ibraawe asa; abbaanne biittaa medhdhida GODAAYYO, saluwaa Xoossaayyo goinnais” yaagiis.

Yohaannisa 10:30

Taaninne ta Aawai issuwaa” yaagiis.

Yesuusi Kiittidoogeetu Oosuwaa 4:24

Eti hegaa siyido wode, issi wozana gididi, Xoossaa hagaadan yaagidi woossidosona; “Ubbaa Haariya Godau, saluwaa, sa7aa, abbaanne eta giddon de7iya ubbabaa medhdhidaagoo,

Zaarettido Wogaa 10:14

“Saloinne saluwaappe bollaara de7iya saloti, qassi sa7ainne sa7an de7iya ubbabati GODAA intte Xoossaabata.

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.

Zaarettido Wogaa 6:4

“Nenoo Israa7eelaa, siya; GODAI nu Xoossai issi GODAA.

Ibraawe 1:3

Na7ai Xoossaa bonchcho poo7uwaa phoolees; qassi muleerakka a meretaa ekkidi, ba wolqqaama qaalan ha sa7aa naagees; yaatidi asaa nagaraappe geeshshidi, Ubbaappe Bolla Xoossaappe ushachcha baggaara saluwan uttiis.

Ibraawe 1:6

Qassi Xoossai ba baira Na7aa ha sa7aa yeddana haniiddi, “Ta kiitanchchati ubbatikka ayyo goinnona” yaagiis.

Ajjuutaa 14:7

He kiitanchchai ba qaalaa xoqqu oottidi, “Xoossaayyo yayyite; a bonchchite. Aissi giikko, sa7aa asa i pirddiyo saatee gakkiis. Saluwaa, sa7aa, abbaanne haattaa pulttuwaa medhdhida Xoossaayyo goinnite” yaagiis.

Ajjuutaa 4:11

“Nu Godau Xoossau, neeni bonchchuwaa, sabaanne wolqqaa ekkanau bessaasa. Aissi giikko, ubbabaa neeni medhdhadasa; qassi ubbabaikka neeni koyidoogaadan haniisinne de7iis” yaagoosona.