Nahimiyaa Maxaafaa 9:28 - Wolaytta Bible

²⁸ “SHin eti shemppuwaa demminne zaarettidi, ne sinttan nagaraa oottidosona. Oottin neenikka zaarettada eta morkketu kushiyan aattada immin, eta morkketi eta haaridosona. SHin ha77ikka eti neekko waassin, eta waasuwaa saluwan gidada siyadasa. Ne maarotettan eta zaara zaaradakka ashsha ekkadasa.

Nahimiyaa Maxaafaa 9:28 Iomraidhean Croise

Kawotu Maxaafaa Koiruwaa 8:39

neeni de7iyoosan saluwan siya. Siyada eta nagaraa atto yaaga; yaatada etau ootta. Neeni asaa wozanaa eriyoogaadankka, asa ubbau a oosuwaadan oosuwaadan imma. Aissi giikko, asaa ubbaa wozanaa eriyai ne xalaala.

Mazamure Maxaafaa 106:42

Eta morkketi eta naaqqidosonanne bantta sheniyan aissidosona.

Mazamure Maxaafaa 136:24

Nuna nu morkketuppe ashshiis; aggenna a siiqoi merinaagaa.

Isiyaasa 63:15

Abeet GODAU, saluwaara duge xeella; xeellada neeni de7iyo geeshshanne bonchcho gidida sohuwaara be7a. Neeni mishettiyo mishoinne ne wolqqai anee? Ne wozanai nuna laamotiyo laamotainne ne qaretai nuuppe haakkiis.

Daannatu Maxaafaa 2:19

SHin pirddiya daannai haiqqidoogaappe guyyiyan, asai guyye simmidi, kase eta aawati oottido iitaappe aadhdhida iitaa oottidosona; eti hara xoossatukko simmidi, etassi goinnidosona; bantta iita oosuwaanne geella ogiyaa aggennan ixxidosona.

Daannatu Maxaafaa 3:30

He gallassi Moo7aaba asai Israa7eela asaassi haarettiis; yaatin biittai hosppun tammu laittaa woppaa demmiis.

Daannatu Maxaafaa 4:1

Ehuudi haiqqidoogaappe guyyiyan, Israa7eela asai GODAA sinttan zaarettidikka iitabaa oottiis.

Daannatu Maxaafaa 5:31

“Abeet GODAU, ne morkketi ubbai hegaadan haiqqona! SHin ne siiqoti maallado mokkiya awaadan phoolona” yaagidosona. Hegaappe guyyiyan, biittai oitamu laittaa woppaa demmiis.