Nahimiyaa Maxaafaa 9:19 - Wolaytta Bible

¹⁹ ne daro maarotettaa gishshau, neeni eta he biittaa bazzuwan aggabaakka. Eti biyo ogiyaa kaalettana mala, gallassi shaaraa tuussai, qassi eta ogiyaa poo7issana mala, qammi tamaa tuussai etappe haakkibeenna.

Nahimiyaa Maxaafaa 9:19 Iomraidhean Croise

Nahimiyaa Maxaafaa 9:12

Israa7eela asaa gallassi shaaraa tuussan kaalettada, qammi qassi eti hemettiyo ogiyan poo7ana mala, tamaa tuussaa eta sinttan essada kaalettadasa.

Nahimiyaa Maxaafaa 9:27

Hegaappe denddidaagan eta un77ettiya morkketu kushiyan aatta immadasa; immin morkketi eta un77ettido wode neekko waassidosona. Eta waasuwaa saluwan gidada siyadasa; siyada ne maarotettaa daruwaadankka, eta eta morkketu kushiyaappe ashshiyaageeta kiittadasa.

Nahimiyaa Maxaafaa 9:31

SHin neeni kehanne maariya Xoossaa gidiyo gishshau, ne gita maarotettan eta muleera aggabaakkanne xaissabaakka.

Mazamure Maxaafaa 106:45

I eta gishshau, ba maachchaa hassayiis; aggenna ba siiquwaa daruwaadan eta maariis.

Mazamure Maxaafaa 136:16

I ba asaa kaalettidi, bazzuwaa kanttissiis; aggenna a siiqoi merinaagaa.

Kessaabaa 40:36

Israa7eelati bantta oge ubban, he shaarai Xoossaa Dunkkaaniyaappe denddiyo wode audenne a kaallidi hemetaa doommoosona.

Kessaabaa 40:38

Eta oge ubban GODAA shaarai Israa7eela asai ubbai be7ishin, gallassi gallassi Xoossaa Dunkkaaniyaa kammeesinne qammi qammi qassi tamai he shaaraa bolli eexxees.

Isiyaasa 44:21

GODAI hagaadan yaagees; “Yaaqoobaa, nenoo Israa7eelaa, neeni ta ashkkaraa gidiyo gishshau, ha yohota hassaya. Taani nena giigissaas; neeni ta ashkkaraa. Nenoo Israa7eelaa, taani nena dogikke.

Ermmaasa Zilaassaa 3:22

Hegeenne, GODAA aggenna siiquwaappe denddidaagan nuuni xayibookko. A qaretaikka mule wuri erenna;

Hizqqeela 20:14

SHin taani eta Gibxxeppe kessiyoogaa be7ida kawotettatu sinttan ta sunttai tunennaadan, eta xaissabeikke.

Hizqqeela 20:17

Gidikkonne, taani etau qarettido gishshau, bazzuwan eta wurssa xaissabeikke.

Hizqqeela 20:22

SHin taani ta kushiyaa shiishsha ekkaas. Taani eta Gibxxeppe kessiyoogaa be7ida kawotettatu sinttan ta sunttai tunennaadan, eta xaissabeikke.

Daaneela 9:18

Abeet ta Xoossau, ne haittaa nuukko yeggada siya; ne aifiyaakka dooyada, ne sunttan xeesettida katamaa bashshaa xeella. Nuuni neessi watiwatiyoogee, nu xillotettaa gishshaassa gidennan, ne gita maarotettaa gishshaassa.

Daaneela 9:9

SHin nuuni ayyo makkalidabaa gidikkokka, Godai nu Xoossai maariyaagaanne atto yaagiyaagaa.

Milkkiyaasa 3:6

Qassikka Ubbaappe Wolqqaama GODAI hagaadan yaagees; “Taani GODAI laamettikke; hegaa gishshau, inttenoo Yaaqooba zaretoo, intte xayibeekketa.

Qoodaabaa 14:14

Eti ha biittan de7iyaageetuyyookka hegaa odana. Abeet GODAU, neeni ha asaa gidduwan de7iyoogaa eti siyidosona. Abeet GODAU, nuuni nena be7idoogaa eti eridosona; ne shaarai etappe bollaara takkiyoogaanne gallassi shaaraa tuussan, qammi tamaa tuussan neeni eta sinttan biyoogaa be7idosona.

Zaarettido Wogaa 8:2

GODAI ne Xoossai neeyyo immido azazuwaa ne naagiyaakko naagennaakko, ne wozanaa qofaa eranaayyo, nena paaccanaunne nena ziqqi oottanau, oitamu laittaa kumettaa i nena bazzuwan kaalettido oge ubbaa hassaya.

Sameela Maxaafaa Koiruwaa 12:22

GODAI ba gita sunttaa gishshau ba asaa aggenna; aissi giikko, i inttena ba asa oottanau ufaittees.