Nahimiyaa Maxaafaa 9:12 - Wolaytta Bible

¹² Israa7eela asaa gallassi shaaraa tuussan kaalettada, qammi qassi eti hemettiyo ogiyan poo7ana mala, tamaa tuussaa eta sinttan essada kaalettadasa.

Nahimiyaa Maxaafaa 9:12 Iomraidhean Croise

Nahimiyaa Maxaafaa 9:19

ne daro maarotettaa gishshau, neeni eta he biittaa bazzuwan aggabaakka. Eti biyo ogiyaa kaalettana mala, gallassi shaaraa tuussai, qassi eta ogiyaa poo7issana mala, qammi tamaa tuussai etappe haakkibeenna.

Mazamure Maxaafaa 105:39

GODAI eta kammanau shaaraa micciis; qamma etau poo7issanau tamaa giigissiis.

Mazamure Maxaafaa 107:7

Eti de7ana katamaa gakkanaashin, i eta sitta ogiyaara kaalettiis.

Mazamure Maxaafaa 143:8

Taani nena ammanettiyo gishshau, maallado aggenna ne siiquwaabaa tana sissa. Taani ta shemppuwaappe nena woossiyo gishshau, taani baanau bessiya ogiyaa tana tamaarissa.

Mazamure Maxaafaa 78:14

I eta gallassi shaaran, qammi tamaa poo7uwan kaalettiis.

Kessaabaa 15:13

“Neeni wozido asaa aggenna ne siiquwan kaalettana. Neeni ne wolqqan eta neeni de7iyo geeshsha sohuwaa gelissadasa.

Hizqqeela 20:6

Taani inttena Gibxxeppe kessada, inttessi doorido biittaa, maattainne eessai goggiyo biittaa, biitta ubbaappe aadhdhida lo77o biittaa ehaana' gaada caaqqaas.

Qoodaabaa 9:16

Hegaadan ubba wode gallassi gallassi shaarai maayees; qammi qammi he shaarai tamadan poo7ees.

Qoodaabaa 9:21

Issitoo issitoo shaarai omarssappe wonttana gakkanaashin xalaalaa gam77ees; wonttin shaarai denddiyo wode etikka denddoosona. Gallassa gidin, qamma gidin, shaarai denddiyo wode etikka denddoosona.