Nahimiyaa Maxaafaa 6:9 - Wolaytta Bible

⁹ Nu oottiyo oosoi polettenna mala, “Eta kushee oosuwau daafuriichchiis” yaagidi eti nuna yashissiiddi gam77idosona. Hegaa gishshau, “Xoossau ha77i tana minttarkkii” yaagada taani woossaas.

Nahimiyaa Maxaafaa 6:9 Iomraidhean Croise

Hanidabaa Odiya Naa77antto Maxaafaa 15:7

SHin intte minnite; laafoppite! Aissi giikko, intte oottido oosuwau woitoi de7ees” yaagiis.

Hanidabaa Odiya Naa77antto Maxaafaa 32:18

Sanaakireeba oosanchchati katamaa omooddanau koyidi, dirssaa gimbbiyaa bolli uttida Yerusalaame asaa yashissanaunne daganttanau bantta qaalaa xoqqu oottidi, Ibraawettuwan eta bolli waassidosona.

Izira Maxaafaa 1:6

Qassi eta shooron de7iyaageetikka bantta dosan immidobaa bolli gujjidi, bira miishshaanne worqqa miishshaa, hara dumma dumma miishshatanne mehiyaa immidi, eta maaddidosona.

Nahimiyaa Maxaafaa 6:14

“Ta Xoossau, Xoobbeenne Sanbbalaaxi oottidobaa qoppa. No7aado giyo macca hananabaa yootiyaaranne hara worddo hananabaa yootiyaageeti ubbai tana yashissanau eti oottidobaa ubbaakka qoppa” yaagada taani woossaas.

Mazamure Maxaafaa 138:3

Taani xeesido gallassi taayyo koyadasa; ne minotettan tana minttadasa.

Mazamure Maxaafaa 56:3

Taani yayyido wode, nenan ammanettais.

Mazamure Maxaafaa 68:35

Xoossai ba Beeta Maqidasiyan, “Hoola!” giissiyaagaa. Israa7eela Xoossai ba asau minotaanne wolqqaa immees. Xoossai galatetto.

Mazamure Maxaafaa 71:1

Abeet GODAU, taani neekko baqatais; audenne tana yeellayoppa.

Isiyaasa 40:29

Daafuranchchau wolqqaa immees; minotetti bainnaagaukka minotettaa gujjees.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Ermmaasa 38:4

Hegaappe guyyiyan, halaqati kawuwaakko biidi, hagaadan yaagidosona; “Ha bitanee haiqqanau koshshees; hagaa mala xala qaalaa haasayidi, ha kataman de7iya olanchchatinne asai ubbai shugganaadan oottiis. I asa qohiyaabaa amotteesippe attin, sarobaa amottenna” yaagidosona.

Hizqqeela 30:24

“'Taani Baabiloone kawuwaa qesiyaa minttada, ta bisuwaa a oittana. SHin Gibxxe kawuwaa qesiyaa menttana; ba morkkiyaa sinttan i haiqqana haniyaabi ooliyoogaadan oolana.

Zakkaariyaasa 10:12

Taani eta GODAN minttana; etikka a sunttan hemettana. Taani GODAI hagaa odais” yaagees.

Naa77antto Qoronttoosa 12:9

Godai tana, “Ta aaro kehatettai neeyyo gidana; aissi giikko, ta wolqqai daafuran polettees” yaagiis; hegaa gishshau, Kiristtoosa wolqqai tanan de7ana mala, ta daafuran ceeqettanau taani daro ufaittais.

Efisoona 3:16

Xoossai ba bonchchuwaa daruwaadan, ba Geeshsha Ayyaanan, intteyyo intte garssa asatettan intte minniyo wolqqaa immanaadaaninne, qassi ammanuwaa baggaara Kiristtoosi intte wozanaa ba keetta oottanaadan, taani Xoossaa woossais; qassikka intte xaphuwaa yeddidi, tokettidi siiquwan minnanaadan, Xoossaa woossais.

Efisoona 6:10

Wurssettan, Godaaninne a gita wolqqan minnite.

Piliphphisiyuusa 4:13

Kiristtoosi tau immido wolqqan, ubbabaa oottanau taani danddayais.

Ibraawe 12:12

Hegaa gishshau, intte arggaacida kushiyaanne intte daafurida gulbbataa minttettite.

Koiro PHeexiroosa 5:10

Aaro kehatetta ubbaa Xoossai, ba merinaa bonchchuwaayyo Kiristtoos Yesuusa baggaara inttena xeesidaagee, amarida wodiyaa intte waayettidoogaappe guyyiyan, i ba huuphen inttena loittananne minttana. Qassi i inttena wolqqanttana.

Sameela Maxaafaa Koiruwaa 30:6

Asai Daawita shuchchan caddanau haasayido gishshau, Daawiti keehippe tuggatiis; aissi giikko, a asai ubbai ba attuma naatunne macca naatu gishshau, keehippe yiillotiis; shin Daawiti GODAN ba Xoossan minettiis.